ވިޔަފާރިވެރިންނަށް ރައީސްގެ މެސެޖެއް: 'ބާރުގަދަ މީހުން ތަޅުލި ކަންކަން ވެސް ނިންމާނީ ރައްޔިތުންގެ ފަޅިއަށް ޖެހިލައިގެން'

ބާރުގަދަ މީހުން ތަޅުލައިގެން ހުރުމުގެ ސަބަބުން މީގެ ކުރިން ސަރުކާރުތަކަށް ނިންމަން ނުކުރި ހުރި ކަންކަން ނިންމަމުންދާ ކަމަށް ވިދާޅުވެ ރައީސް މުހައްމަދު މުއިއްޒު ވިޔަފާރިވެރިންނަށް ރައްދެއް މިއަދު ދެއްވައިފި އެވެ.

ވީކިހެނެއް؟ - ރާއްޖެއަށް ދަތުރުކުރާ ބިދޭސީންގެ އަތުން އެއާޕޯޓުން ނަގާ ފީއާއި ޓޫރިޒަމުން ނަގާ ޓީޖީއެސްޓީއާއި ގްރީން ޓެކްސް ބޮޑުކުރަން ނިންމުމުގެ އިތުރަށް ޓޫރިޒަމް ވިޔަފާރިތަކުން ބޭރު ފައިސާ މާރުކުރަން މަޖުބޫރުވާ ގޮތަށް ސަރުކާރުން ނެރުނު ގަވާއިދަށް، ބައެއް ވިޔަފާރިވެރިން ކަންބޮޑުވުން ފާޅުކޮށްފައިވެ އެވެ.

ކީކޭ ބުނީ؟ - މިއަދު ބުޅާ ފެސިލިޓީ ހުޅުވުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް މުއިއްޒު ވިދާޅުވީ އެ ނިންމުންތަކަކީ ރައްޔިތުންގެ އިހުސާސްތައް ދަނެގެން، ރައްޔިތުންނަށް ޓަކައި ސަރުކާރުން ނިންމާފައިވާ ނިންމުންތަކެއް ކަމަށެވެ.

"އެތައް ދުވަހެއްވީ، އަތްލާން ނުކުރިފައި ހުރި ބޮޑެތި އެތައް ކަމެއް. ބާރުގަދަ އެތައް ބަޔެއްގެ ބާރުތަކުގެ ތެރޭގައި ތަޅުލެވިފައި ހުރި އެތައް ކަމެއް. ރައްޔިތުންގެ ފަޅިއަށް ސަރުކާރު ޖެހިލައިގެން ހައްލު ކުރަމުން މި ދަނީ،" ސީދާ ވިޔަފާރިވެރިން ކަން ވިދާޅުނުވެ، ރައީސް ވިދާޅުވި އެވެ.

"ކުރިއަށް އޮތްތަނުގައި ވެސް ދާނީ އެހެން. އެ ކަމުގައި އަޅުގަނޑުމެންގެ ނެތް އިތުރު ދެވަނަ ވިސްނުމެއް. ކޮންމެ ކަމެއް ވެސް އަޅުގަނޑުމެން ކުރަމުން ދާނީ ރައްޔިތުންގެ ފަޅީގައި ތިބެގެން. ރައްޔިތުންގެ އިހުސާސާއި ވިންދު ދެނެގަނެގެން، ރައްޔިތުން ބޭނުންވާ ގޮތަށް."

އެނގުން މުހިންމު - ސަރުކާރުން ހުށަހަޅައިގެން ރައްޔިތުންގެ މަޖިލީހުން ފާސްކުރީ: