މަޖިލީހުގެ ޖަލްސާއެއްގައި ވޯޓުލުން ކުރިއަށްދަނީ (ފޮޓޯ/ މަޖިލިސް)
ސަޕްލިމެންޓަރީ ބަޖެޓަށް ބަދަލެއް ނުގެނެސް މަޖިލީހުން ފާސްކޮށްފި
މިއަހަރުގެ ބާކީ އޮތް ބަޔަށް ދައުލަތުގެ ހަރަދުތައް ހަމަޖައްސަން ސަރުކާރުން ހުށަހެޅި 5 ބިލިއަން ރުފިޔާގެ ސަޕްލިމެންޓަރީ ބަޖެޓު ރައްޔިތުންގެ މަޖިލީހުން މިއަދު ފާސްކޮށްފި އެވެ.
ވީ ކިހިނެއް؟ - މިދިޔަ އަހަރު ފާސްކުރި ބަޖެޓަށް 5 ބިލިއަން ރުފިޔާ އިތުރުކުރަން ފިނޭންސް މިނިސްޓްރީން މަޖިލީހަށް ސަޕްލިމެންޓަރީ ބަޖެޓެއް ހުށަހެޅީ މިދިޔަ ބުރާސްފަތި ދުވަހު އެވެ.
ބަޖެޓު ދިރާސާކުރަން ކޮމެޓީއަށް ފޮނުވުމުން މާ ބޮޑު ބަހުސެއް ނެތި، އެ ބަޖެޓު ފާސްކުރުމަށް ކޮމެޓީގެ އިއްތިފާގުން އިއްޔެ ވަނީ ރުހުން ދީފަ އެވެ.
މިއަދުގެ ޖަލްސާގައި ސަޕްލިމެންޓަރީ ބަޖެޓު ފާސްކުރަން ނެގި ވޯޓުގައި:
-
ފާސްކުރަން - 75 މެމްބަރުން
-
ދެކޮޅު ހެދީ - 11 މެމްބަރުން
-
ވަކި ގޮތަކަށް ވޯޓު ނުލާ - ނެތް
ތަފްސީލު - ސަޕްލިމެންޓްރީ ބަޖެޓުގައި ހިމެނޭ މައިގަނޑު ބައިތަކަކީ:
-
ޕީއެސްއައިޕީ މަޝްރޫއުތަކަށް 2 ބިލިއަން ރުފިޔާ
-
އެސްއޯއީތަކަށް 441.1 މިލިއަން ރުފިޔާ
-
ކޮންޓިންޖެންސީ ބަޖެޓަށް އިތުރު 650 މިލިއަން ރުފިޔާ
-
ސްޓޫޑެންޓު ލޯނު ދޫކުރުމަށް 458 މިލިއަން ރުފިޔާ
-
މެޑިކަލް ކޮންސިއުމަބަލްސް އަށް 200 މިލިއަން ރުފިޔާ
-
ބޭސް ފަރުވާގެ އެހީއަށް262.6 މިލިއަން ރުފިޔާ
-
ސަބްސިޑީ އަށް 1.02 ބިލިއަން ރުފިޔާ
-
މުސާރަ އައި އުޖޫރައަށް 24.4 މިލިއަން ރުފިޔާ
ސަޕްލިމެންޓަރީ ބަޖެޓާ އެކު، މި އަހަރުގެ ބަޖެޓުގެ ޖުމްލަ އަދަދު 55 ބިލިއަން ރުފިޔާއަށް އަރާނެ އެވެ.
ކޮމެންޓް