އޭސީސީ އާއި އީސީގެ މިނިވަންކަން ނަގާލަނީ ކަމަށް ބުނެ ބިލުތައް ގެންދަން ޑިމޮކްރެޓްސްއިން ގޮވާލައިފި

އިލެކްޝަންސް ކޮމިޝަން (އީސީ) އާއި އެންޓި-ކޮރަޕްޝަން ކޮމިޝަން (އޭސީސީ)ގެ ރައީސުންނާއި ނައިބު ރައީސުން ކަނޑައަޅައި އައްޔަނުކުރުމުގެ ބާރު ރައީސަށް ލިބިދޭ ގޮތަށް ގާނޫނަށް ބަދަލު ގެންނާތީ އެ ކަމާ ދެކޮޅަށް ޑިމޮކްރެޓްސް އިން ރޭ ބަޔާނެއް ނެރެފި އެވެ.

ވީކިހިނެއް؟ - އެ ދެ ކޮމިޝަންގެ ރައީސާއި ނައިބު ރައީސް، ރައީސް އައްޔަންކުރައްވާ ގޮތަށް އަދި ރައީސް އައްޔަންކުރައްވާ ފަރާތްތަކުގެ ނަންތައް މަޖިލީހަށް ހުށަހަޅައި ފާސްކުރަން ޖެހޭ ގޮތަށް ދެ ބިލު ސަރުކާރުން ވަނީ ހުށަހަޅައިފަ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ދެ ބިލުގެ ފުރަތަމަ ކިއުން އިއްވަން އެޖެންޑާކޮށްފައިވެ އެވެ. އެގޮތުން:

ކީކޭ ބުނީ؟ - ޑިމޮކްރެޓްސްއިން ރޭ ނެރުނު ބަޔާނުގައި ބުނެފައިވަނީ އޭސީސީ އާއި އީސީއަކީ ގާނޫނުއަސާސީން ބާރު ލިބިގެން އުފައްދާފައިވާ، ސަރުކާރުގެ ނުފޫޒެއް ނުޖެހި ޒިންމާ އަދާކުރަން ޖެހޭ މުއައްސަސާތަކެއް ކަމަށެވެ. އެ ގޮތުން:

"ސަރުކާރުގެ ފަރާތުން ރައްޔިތުންގެ މަޖިލީހަށް މިހާރު ހުށަހަޅާފައިވާ ބިލުތަކުން ރައީސުލްޖުމްހޫރިއްޔާ އެ ދެ ކޮމިޝަނުގެ ރައީސުންނާއި ނައިބު ރައީސުން ކަނޑައަޅައި އައްޔަންކުރާ ގޮތަށް ބަދަލުކުރުމަކީ އެ ކޮމިޝަންތަކުގެ މުސްތަގިއްލުކަމަށް ލޮޅުންއަރުވާލާ ކަމެކެވެ،" ބަޔާނުގައިވެ އެވެ.

ކުރީގެ ރައީސް މުހައްމަދު ނަޝީދު އިސްވެ ހުންނަވައި އުފެއްދެވި އެ ޕާޓީން ބުނީ އެއީ އެ ދެ ކޮމިޝަނުގެ މަސައްކަތުގެ ތެރެއަށް ރައީސް މުހައްމަދު މުއިއްޒު ވަދެވަޑައިގަތުމުގެ އަމަލެއް ކަމަށެވެ. އަދި އެއީ ޑިމޮކްރެޓިކް އަސާސްތަކާ ހިލާފު، ގާނޫނުއަސާސީގެ ރޫހަށް ބަލާއިރު ވެސް ތަންދޭ ކަމެއް ނޫން ކަމަށް ބުނެފައިވެ އެވެ.

އެހެންވެ، އެ ބިލުތައް އަނބުރާ ގެންގޮސް، ސަރުކާރުން ކުރަން ކުރަން އުޅޭ ކަންކަން ހުއްޓާލަން ގޮވާލާފައިވެ އެވެ.