ސިޔާސަތު ތަންފީޒު ކުރާނެ ވަސީލަތްތަކާ ނުލައި އަދުލުގެ ނިޒާމު ވަށާނުޖެހޭނެ: އިސް ފަނޑިޔާރު

އަދުލު އިންސާފުގެ ސިޔާސަތުތައް ތަންފީޒު ކުރާނެ ވަސީލަތްތަކާ ނުލާ އަދުލުގެ ނިޒާމް ވަށާނުޖެހޭނެ ކަމަށް ހައި ކޯޓުގެ އިސްފަނޑިޔާރު ހުސައިން ޝަހީދު ރޭ ވިދާޅުވެއްޖެ އެވެ.

ވީ ކިހިނެއް؟ - ޝަހީދު މިހެން ވިދާޅުވީ ހައި ކޯޓުގެ 44 ވަނަ އަހަރީ ދުވަހުގެ މުނާސަބަތުގައި 2025 އިން 2027އަށް އަމަލުކުރުމަށް އެކުލަވާލި، އެ ކޯޓުގެ އިސްތިރާޖީ އަމަލީ ތަދުބީރު އިފްތިތާހުކޮށްދެއްވުމަށް ފަހު ދެއްކެވި ވާހަކައިގަ އެވެ.

ހައި ކޯޓުގު އިސްތިރާޖީ އަމަލީ ތަދުބީރުގެ މައިގަނޑު މަގްސަދަކީ ދުރު ރާސްތާގެ އިސްތިރާޖުތަކެއްގެ ތެރެއިން ނިޒާމީ ހައްލުތަކެއް ހޯދުމެވ

ބުނީ ކީކޭ؟ - ޝަހީދު ވިދާޅުވީ، ގާނޫނުގައިވާ ސިޔާސަތުތައް ވަށާޖެހޭ ބީދައަކުން ތަންފީޒު ކުރެވޭނީ މުޅި ނިޒާމުގެ ކުދިބޮޑު އެންމެހާ ބައިވެރިން އެއް އަޒުމެއްގައި މަސައްކަތް ކޮށްގެން ކަމަށެވެ.

"އަދި ދައުލަތުގެ އަދުލުގެ ނިޒާމުގެ ސިޔާސަތުގެ މަންފާ ރައްޔިތުންނާ ހަމައަށް ފޯރުކޮށްދެވޭނީ އިންސާނީ އަދި އުމްރާނީ ވަސީލަތްތައް އެއް ހަމައަކުން ދައުލަތުގެ ހުރިހާ ބާރަކަށް ލިބިގެން،" ޝަހީދު ވިދާޅުވި އެވެ.

ޝަރުއީ ނިޒާމާ މެދު އަދި ވަކިން ހާއްސަކޮށް ހައި ކޯޓާ މެދު ރައްޔިތުންގެ ހިތުގާ ޖަހާ ވިންދައި އުއްމީދުކުރާ ތަސައްވުރާއި ކަމުގެ ހަގީގަތާ ތަފާތު ކަމަށް ޝަހީދު ވިދާޅުވި އެވެ.

އޭނާ ވިދާޅުވީ ރައްޔިތުން އެދެނީ އިންތިޒާމު އެންމެ ފުރިހަމަ، ޝަރީއަތުގެ މަރުހަލާ ހަލުވި، ޒަމާނީ ޓެކްނޮލޮޖީއާ އަހުލުވެރި، ފަސޭހަ މަގުން އަދުލަށް ވާސިލުވެވޭނެ ދޮރެއް ކަމަށް ކަމަށެވެ. އެ އުއްމީދީ ހުވަފެނުގައި ކުލަ ޖައްސައިދިނުމުގެ ޒިންމާ އޮތީ ފަނޑިޔާރުންގެ ކިބައިގައި ކަމަށް އޭނާ ވިދާޅުވި އެވެ.

ރައްޔިތުން އެދޭ ފަދަ ހައި ކޯޓަކަށް ދަތުރު ކުރުމަށް، އަޅާ އެންމެ މުހިންމު އެއް ފިޔަވަޅަކީ ރޭ އިފްތިތާހު ކުރެވުނު ހައި ކޯޓުގެ އިސްތިރާޖީ އަމަލީ ތަދުބީރު ކަމަށް ޝަހީދު ވިދާޅުވި އެވެ.

އޭނާ ވިދާޅުވި ގޮތުން، އެ އިސްތިރާޖީ އަމަލީ ތަދުބީރުގެ މަގުސަދަކީ:

އެނގުން މުހިންމު - ހައި ކޯޓު ހެދީ 5 އޮކްޓޫބަރު 1980ގަ އެެވެ. ކޯޓަށް ޒަމާނީ އެކަށީގެންވާ މިންވަރަށް ވަސީލަތްތައް ހޯދައިދޭން ޖެހޭ ކަމަށް ޝަހީދު ވިދާޅުވިއިރު، ރާއްޖޭގެ ކޯޓުތަކުގެ ޖާގައިގެ ދަތިކަމާއި ކޯޓުގެ މަސައްކަތްތަކަށް ބޭނުންވާ އެކަށީގެންވާ މުވައްޒަފުންނާއި ވަސީލަތްތައް ނެތުމުގެ ސަބަބުން ޝަރީއަތްތައް އެކަށީގެންވާ ހަލުވި މިނެއްގައި ކުރިއަށް ނުގެންދެވޭ ކަމުގެ ޝަކުވާ ބޮޑެވެ.