ނަޝީދަށް ދިން ހަމަލާ: ވަކީލުންނަށް ހާޒިރުނުވެވިގެން ޝަރީއަތް ކެންސަލް ވާތީ ގާޒީގެ ކަންބޮޑުވުން

ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާގެ ޝަރީއަތުގެ އަޑުއެހުންތަކަށް އެ މައްސަލާގައި ދައުވާ ލިބޭ ބައެއް ވަކީލުންނަށް ހާޒިރުނުވެވިގެން ތަކުރާރުކޮށް ކެންސަލް ކުރަން ޖެހޭތީ ޝަރީއަތް ކުރިއަށްގެންދަން ދަތިވާ ކަމުގެ ކަންބޮޑުވުން އެ މައްސަލަ ބައްލަވާ ގާޒީ ސޮފްއަތު ހަބީބް މިއަދު ފާޅުކުރައްވައިފި އެވެ.

ތަފްސީލް - މިއަދު ހެނދުނު 10 ޖަހާއިރަށް ތާވަލުކުރި އަޑުއެހުމުގައި އޮތީ ދައުލަތުން ހުށަހަޅާފައިވާ ހެކިވެރިންގެ ހެކިބަސް ނެގުމެވެ. މި އަޑުއެހުން ފައްޓަވަމުން ސޮފްއަތު ވިދާޅުވީ މި މައްސަލާގައި ހިމެނޭ އަލީ ހައިޝަމުގެ ވަކީލު ބަލިވެ އުޅޭތީ އަޑުއެހުމަށް ހާޒިރުވެވެން ނެތްކަން ސިޓީއަކުން އަންގާފައިވާ ކަމަށެވެ.

އެ ސިޓީގައި ސަބަބަކަށް ފާހަގަކޮށްފައިވަނީ:

ނަމަވެސް މިއަދުގެ އަޑުއެހުމަށް ހާޒިރުނުވެވޭނެ ކަމަށް ބަޔާންކޮށް ސިޓީގައި ފާހަގަކޮށްފައިވާ މި ސަބަބުތައް ބަލައިގަނެވެން ނެތް ކަމަށް ގާޒީ ވިދާޅުވި އެވެ. ސޮފްއަތު ސަބަބަކަށް ވިދާޅުވީ:

މި މައްސަލައިގެ އަޑުއެހުންތަކެއް މީގެ ކުރިން ވެސް ހަފްތާއަކަށް ކުރިއަށް ގެންދަން ތާވަލުކޮށްފައި އޮއްވާ އެ އަޑުއެހުންތައް ވެސް ކުރިއަށް ނުގެންގޮސް މަޑުޖައްސާލާފައި އޮތީ އެ މައްސަލާގައި ހިމެނޭ އެހެން ވަކީލަކު ބަލިވެއުޅޭތީ ކޯޓަށް ހާޒިރުވެވެން ނެތިގެންކަން ސޮފްއަތު ފާހަގަކުރެއްވި އެވެ.

"އެއަށް ފަހު މިއަދު އަނެއްކާ [ޝަރީއަތްތައް] ކުރިއަށް މި ގެންދަނީ. ފަހަރަކު ވަކީލަކު މިގޮތަށް ކޮންމެ ފަހަރަކު ބަލިވެގެން އަޑުއެހުން ކެންސަލް ކުރަން ޖެހޭ ކަމަށްވާ ނަމަ ޝަރީއަތަކަށް އަޑުއެހުން ކުރިއަކަށް ނުގެންދެވޭނެ،" ސޮފްއަތު ވިދާޅުވި އެވެ.

ކޯޓަށް ހާޒިރުވެވެން ނެތް ކަމަށް ވަކީލު ފާހަގަކުރައްވާފައިވާ ސަބަބުތައް ބަލައިގަނެވެން ނެތް ކަމަށް ނިންމައި އަޑުއެހުން ކުރިއަށް ގެންދަން ސޮފްއަތު ނިންމެވުމުން، މިއަދުގެ އަޑުއެހުމުގައި ހައިޝަމް ބުނީ އަޑުއެހުން ކުރިއަށް ގެންދަން އޭނާ ބޭނުންވަނީ ވަކީލަކާ އެކު ކަމަށެވެ.

ދައުލަތުން ވެސް ވަނީ ހައިޝަމްގެ ފަރާތުން އެގޮތަށް އެދިފައި ވަނިކޮށް ވަކީލަކާ ނުލައި ހެކިބަސް ނެގުން ކުރިއަށް ގެންދަން އިއުތިރާޒްކޮށްފަ އެވެ. 

ދައުލަތުގެ ވަކީލު އައިމިނަތު ޝީޒާ މުހައްމަދު ވިދާޅުވީ މި މައްސަލާގައި މިއަދު ހެކިބަސް ނަގަން އޮތީ މުހިންމު ހެކިވެރިންތަކެއްގެ ކަމަށް ވާއިރު، ވަކީލަކާ އެކު ދިފާއުވުމުގެ ހައްގު ކޮންމެ މީހަކަށް ވެސް ލިބެން ޖެހޭނެ ކަމަށް ދެކޭ ކަމަށެވެ. އެހެންކަމުން، ހައިޝަމްގެ ވަކީލަކަށް ހާޒިރުވެވޭ ދުވަހަކަށް މިއަދުގެ ހެކިބަސް ނެގުމުގެ އަޑުއެހުން ފަސްކޮށްދިނުމަށް އޭނާ އެދިވަޑައިގަތެވެ.

އެ މައްސަލާގައި މީގެ ކުރީގެ އަޑުއެހުންތައް ވެސް ކެންސަލްވެފައިވަނީ ކޮންމެވެސް އެއް ވަކީލަކަށް ހާޒިރުނުވެވިގެން ކަމަށް ވާއިރު، ދެން އަންނަ އަޑުއެހުމެއްގައި ވެސް އެކަން ތަކުރާރުވެ އަޑުއެހުންތައް މަޑުޖެހިގެން ހިނގައިދާނެ ކަމުގެ ކަންބޮޑުވުން ގާޒީ ފާހަގަކުރެއްވި އެވެ.

ނަމަވެސް ޝަރީއަތް ކުރިއަށް ދާއިރު ވަކީލަކާ އެކު ކުރިއަށް ދިއުމުގެ ފުރުސަތު ކޮންމެ މީހަކަށް ވެސް އޮންނާނެތީ އެ ފުރުސަތު ނޯންނާނެ ގޮތަކަށް ހެކިބަސް ނެގުން ކުރިއަށް ގެންދިއުމަށް ދައުލަތުން ތަކުރާރުކޮށް މިއަދުގެ އަޑުއެހުމުގައި އިއުތިރާޒުކުރުމުން ގާޒީ ނިންމެވީ މިއަދުގެ އަޑުއެހުން ކެންސަލް ކުރުމަށެވެ. އަދި މި މައްސަލާގައި މާދާމާ އޮންނަ އަޑުއެހުމުގައި އެ ބައި ކުރިއަށް ގެންދިއުމަށް ނިންމެވި އެވެ.

ސޮއްފަތު ވިދާޅުވީ އެ މައްސަލަ ކުރިއަށްދާ ސެކްޝަނަކީ މުވައްޒަފުންގެ ދަތިކަން އޮތް ސެކްޝަނަކަށް ވުމާއި އެ މައްސަލައިގެ އަޑުއެހުމަށް ވާން ޖެހޭ ތައްޔާރީތައް ގިނަވުމުންނާއި މި މައްސަލާގައި ހިމެނޭ މީހުންނަކީ ގިނަ ދުވަސްތަކެއް ވަންދެން ބަންދުގައި ތިބި ބަޔަކަށްވުމުން އަޑުއެހުންތައް ތަކުރާރުކޮށް ކެންސަލްވާ ނަމަ ދަތިތަކެއް ކުރިމަތިވާނެ ކަމަށެވެ. އެހެންކަމުން މައްސަލައިގެ އަޑުއެހުންތައް އަވަހަށް ކުރިއަށް ގެންދިއުމަށް ވަކީލުންގެ ފަރާތުން އެއްބާރުލުން ދެއްވުމަށް ގާޒީ މިއަދު ވަނީ ވަކީލުންނަށް ނަސޭހަތްތެރިވެވަޑައިގެންފަ އެވެ.

މީގެ އިތުރުން، މީގެ ފަހުން ކޯޓަށް ހާޒިރުވެވެން ނެތްކަމަށް ބަޔާންކޮށް ވަކީލުންގެ ފަރާތުން ފޮނުވާ ސަބަބުތައް ގަބޫލުކުރާނީ ކޯޓުން ކަނޑައަޅާފައިވާ ސަލާމުގެ ފޯމު ހުށަހެޅުމާ އެކު ހޮސްޕިޓަލުން ދޫކުރާ މެޑިކަލް ލިއުންތައް ހުށަހެޅުމުން ކަމަށް ސޮފްއަތު ވިދާޅުވި އެވެ. އެއަށް ފަހު މިއަދުގެ އަޑުއެހުން ކެންސަލް ކުރަން ނިންމަވައި އަޑުއެހުން ވަނީ ނިންމާލައްވާފަ އެވެ.

އެނގުން މުހިންމު - 6 މެއި 2021 ވަނަ ދުވަހުގެ ރޭ ނަޝީދު އަވަހާރާކޮށްލަން ދިން ހަމާލާގެ ތުހުމަތުގައި ހައްޔަރުކޮށް ދައުވާކުުރި މީހުންގެ ތެރެއިން ހަމަލާ ދިނުމުގައި އަމަލީ ގޮތުން ބައިވެރިވި އަދުހަމް އަހުމަދު ރަޝީދު އިއުތިރާފްވެ ދައުލަތާ އެކު އެއްބަސްވުމެއް ހެދުމުން ލުއި އަދަބެއް ދީ އޭނާ ވަނީ 23 އަހަރަށް ޖަލަށްލައިފަ އެވެ. އެ މައްސަލާގައި ދެން ހިމެނޭ އެހެން މީހުންގެ މައްސަލަތައް ކޯޓުގައި އަންނަނީ ހިނގަމުންނެވެ.

ކޯޓުގައި މިވަގުތު ޝަރީއަތް ކުރިއަށް ދަނީ: