އިދާރާތަކުން އެކުލަވާލާ ތަފާސްހިސާބުތައް ރަނގަޅަށް ބެލެހެއްޓެން ޖެހޭ: ހައިދަރު

ދައުލަތުގެ އިދާރާތަކުން އެކުލަވާލާ ތަފާސްހިސާބުތައް ރަނގަޅަށް ބަލަހައްޓަން ޖެހޭ ކަމަށާއި އެ މައުލޫމާތުތަކުގެ އަލީގައި ތަރައްގީއަށް ދިމާވާ ގޮންޖެހުންތަކަށް އަވަސް ހައްލުތަކެއް ގެނައުމުގެ މަސައްކަތް ހަލުވިކުރަން ޖެހޭ ކަމަށް ހައުސިން މިނިސްޓަރު ޑރ. އަލީ ހައިދަރު މިއަދު ވިދާޅުވެއްޖެ އެވެ.

ވީ ކިހިނެއް؟ - ހައިދަރު މިހެން ވިދާޅުވީ ތަފާސްހިސާބުތަކާ ގުޅޭ ދުވަސް ފާހަގަކުރުމުގެ ގޮތުން މިއަދު ބޭއްވި ރަސްމިއްޔާތު ޝަރަފުވެރިކޮށްދެއްވައި ވާހަކަަދައްކަވަމުންނެވެ. 

މިއަހަރަކީ ގައުމީ ފެންވަރެއްގައި ތަފާސްހިސާބުގެ ދުވަސް ރާއްޖޭގައި ފާހަގަކުރާ ތިން ވަނަ އަހަރެވެ. މިއަހަރުގެ ޝިއާރަކީ 'ސްޓެޓިސްޓިކްސް ފޯ އެން އިންޓެލިޖަންސް ޑްރިވަން ފިއުޗާ' އެވެ. 

ބުނީ ކީކޭ؟ - މި ރަސްމިއްޔާތުގައި ހައިދަރު ވިދާޅުވީ ރާއްޖޭގެ ތަފާސްހިސާބުގެ ނިޒާމަކީ ލާމަރުކަޒީ ނިޒާމެއް ކަމުން ޒަމާނީ ފަންނިއްޔާތުގެ އެހީގައި އެ ނިޒާމު އިތުރަށް ފުރިހަމަކޮށް، ނެގޭ މައުލޫމާތުތަކުގެ އަލީގަައި ސިޔާސަތުތައް ބައްޓަންކުރަން ޖެހޭ ކަމަށެވެ.

"ދައުލަތުގެ ހުރިހާ އިދާރާތަކަކުން ވެސް އެ އިދާރާއެއްގެ ތެރެއިން އެކުލަވާލެވޭ ތަފާސްހިސާބު ރަނގަޅަށް ބެލެހެއްޓުމުގެ މުހިންމުކަން ވަރަށް ބޮޑު. ހަމަ އެއާ އެކު، ކަންކަން ނިންމުމުގަ އާއި އިދާރާތަކުގެ ހިންގުން ހަރުދަނާކުރުމަށް ތަފާސްހިސާބު ބޭނުންކުރާ މިންވަރު މިހާރަށް ވުރެ އިތުރުކުރަން ޖެހޭ،" ހައިދަރު ވިދާޅުވި އެވެ.

އޭނާ ވިދާޅުވި ގޮތުގައި:

ހައިދަރު ވިދާޅުވި ގޮތުގައި، ގައުމެއްގެ ތަފާސްހިސާބުގެ ނިޒާމް ކުރިއަރާ މިންވަރާއި އެ ގައުމެއްގެ ޑިމޮކްރަސީ އާއި ހެޔޮ ވެރިކަން ބައިނަލްއަގުވާމީ ފެންވަރުގައި މިނެކިރުމުގައި ރިއާޔަތްރެވޭނެ އެވެ.