މުރައިދޫގޭގެ މުވައްޒަފުންނާއި އަދަދު ހާމަނުކުރަން ނިންމި ނިންމުން ބަދަލު ކުރަން ރައީސް އަންގަވައިފި

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ދިރިއުޅުއްވާ މުރައިދޫގޭގައި އުޅޭ މުވައްޒަފުންގެ އަދަދާއި އެ މީހުންގެ މުސާރަ ހާމަނުކުރަން މަޖިލީހުގެ ސަލަމާތާއި ހިދުމަތްތަކާ ބެހޭ 241 ކޮމެޓީން ނިންމާފައިވަނިކޮށް އެ މައްސަލަ އާ މެދު އަލުން ގޮތެއް ނިންމަން ރައީސް މުހައްމަދު މުއިއްޒު އަންގަވައިފި އެވެ.

ވީ ކިހިނެއް؟ -  އެ މައްސަލާގައި ގޮތެއް ނިންމީ މިއަދު ބޭއްވި ގައުމީ ސަލާމަތާއި ހިދުމަތްތަކާ ބެހޭ 241 ކޮމެޓީންނެވެ. އެކޮމެޓީ ކުރިއަށް ގެންދިޔައީ ސިއްރުކޮށްގެންނެވެ.

އެއާ އެކު މިއަދު ހަވީރު 4 ޖަހާއިރަށް އެ ކޮމެޓީގެ ބައްދަލުވުމެއް ވަނީ އެޖެންޑާކޮށްފަ އެވެ.

ތަފްސީލް - 'ދައުރު'އަށް އެނގިފައިވާ ގޮތުގައި، އެ ކޮމެޓީގެ ބައްދަލުވުމުގައި ނިންމީ މުރައިދޫގޭގައި އުޅޭ މުވައްޒަފުންނާ ބެހޭ އެއްވެސް މައުލޫމާތެއް ނުދޭ ގޮތަށެވެ. އޭގެ އިތުރުން:

ފާހަގަކޮށްލެވޭ - އަބްދުއްރަހީމް މުރައިދޫގެއަށް ބަދަލުވެޑައިގެންނެވީ އެ ގެ މަރާމާތުކުރުމަށް ފަހު މިދިޔަ 25 ޖުލައިގަ އެވެ.

މުރައިދޫގޭގެ ވެރިޔާ ނުވަތަ ޗީފް އޮފް ސްޓާފަކަށް ނޫސްވެރިޔާ އާދަމް ހަލީމް (މުންޑޫ އާދަމް ހަލީމް) ވެސް މިދިޔަ ޖުލައި މަހުގެ ފަހުކޮޅު ހަމަޖައްސާފައިވެ އެވެ. އަދި އެ ގޭގެ އިސް މަގާމަކަށް ރާއްޖޭގެ އެންމެ މޮޅު ފުޓްބޯޅަ ޝަހުސިއްޔަތު އަލީ އަޝްފާގު ވެސް ވަނީ މިދިޔަ މަހު އައްޔަންކޮށްފަ އެވެ.

މަޖިލީހުގެ ރައީސް ހުންނަވަން ހާއްސަ ގެއެއް ދައުލަތުން ކަނޑައަޅާ ގޮތަށް ހަމަޖެއްސީ މަޖިލީހުގެ ރައީސްއަކަށް ހުންނަވަނިކޮށް ކުރީގެ ރައީސް މުހައްމަދު ނަޝީދު އަވަހާރަކޮށްލަން 9 މޭ 2021ގައި ދިން ބޮމުގެ ހަމަލާއަށް ފަހު އެވެ.