އިޒްރޭލު ޖަވާބުދާރީކޮށް، ފަލަސްތީނަށް ފުރިހަމަ މެންބަރުކަން ދޭން ރައީސް ގޮވާލައްވައިފި

އިޒްރޭލުން ފަލަސްތީނާ ދެކޮޅަށް ކުރަމުންގެންދާ ހަނގުރާމަ އަކީ ނަސްލު ނައްތާލުމުގެ އަމަލެއް ކަމަށް ވިދާޅުވެ، ގާނޫނުގެ ވެރިކަން ނެގެހެއްޓުމުގެ މުހިއްމުކަން ފާހަގަކުރައްވައި އދ.ގެ ފުރިހަމަ މެންބަރުކަން ފަލަސްތީނަށް ދިނުމަށް ރައީސް މުހައްމަދު މުއިއްޒު ރޭ ގޮވާލައްވައިފި އެވެ.

ވީ ކިހިނެއް؟ - އެ މަނިކުފާނު މިކަމަށް ގޮވައިލެއްވީ، އިޒްރޭލާއި އެ ގައުމަށް ވާގިވެރިވާ އެމެރިކާ ފަދަ ބޮޑެތި ގައުމުތަކުގެ އެންމެ އިސް ވެރިން ވެސް ބައިވެރިވެވަޑައިގެންނެވި އދ.ގެ އާންމު މަޖިލީހުގެ 79 ވަނަ ޖަލްސާގައި ތަގުރީރުކުރައްވަމުންނެވެ.

ބުނީ ކީކޭ؟ - ގައުމަކުން އިންސާނީ ހައްގުތަކަށް އަރައިގަންނަ ކަމަށް ވަނީ ނަމަ، އެކަން ތަހައްމަލުކޮށްގެން ތިބެގެން ނުވާނެ ކަމަށް ރައީސް ވިދާޅުވި އެވެ. އެގޮތުން، ރައީސް ވިދާޅުވީ:

އިޒްރޭލުގެ އަމަލުތައް ކުށްވެރިކުރައްވަމުން ރައީސް ފާހަގަކުރެއްވި ގޮތުގައި:

ރައީސް ވަނީ، ފަލަސްތީނާއި ލުބްނާން އަދި އަލް-ޖަޒީރާގެ ނޫސްވެރިންނަށް އަމާޒުކޮށް ދެމުންދާ ހަމަލާތަކާއި އަލް-ޖަޒީރާގެ އޮފީސްތައް ބަންދުކުރި ކުރުމަކީ، ގާޒާގައި ހިންގަމުންދާ ޖަރީމާތައް ދުނިޔެއަށް ވަންހަނާކުރުމަށް ކުރާ މަސައްކަތެއްގެ ގޮތުގައި ސިފަކުރައްވާފަ އެވެ.

އދ.ގެ ގަރާރުތަކާއި ބައިނަލްއަގުވާމީ ގާނޫނުތަކާ ހިލާފުވެ، އިޒްރޭލުން ހިންގާ ޓެރަރިޒަމްގެ އަމަލުތަކަށް އިޒްރޭލު ޖަވާބުދާރީ ކުރުވުމަށް ރައީސް ގޮވާލެއްވި އެވެ.

އެއާ އެކު، 1967 ވަނަ އަހަރުގެ ކުރިން ކަނޑައަޅާފައިވާ ސަރަހައްދީ ރޮނގުތަކުގެ މައްޗަށް ބިނާކޮށް، އިރުމަތީ ގުދުސްއަކީ ފަލަސްތީނުގެ ވެރިރަށް ކަމުގައި ކަނޑައަޅައި މިނިވަން، މުސްތަގިއްލު ދައުލަތެއްގެ ގޮތުގައި ފަލަސްތީނު ބަލައިގަންނަން ޖެހޭ ކަމަށް ވެސް ރައީސް ވިދާޅުވި އެވެ.