ޕީއެންއެފްއިން ކުރިން ބޭއްވި 'ފްރަންޓް އޮފީސް' ޖަލްސާއެއްގައި ކުރީގެ ރައީސް އަބްދުﷲ ޔާމީން. (ދައުރު ފޮޮޓޯ/އަބްދުﷲ އަނޫފް ޖުނައިދު)
ބަންކަރިން ހިދުމަތުން ރާއްޖެއަށް ދެކޮޅު ޖެހޭނެ އާމްދަނީއެއް ނުލިބޭނެ: ޔާމީން
އިއްޔެ ހއ.ގެ އިހަވަންދިއްޕޮޅުގައި ސަރުކާރުން ފެށި ބަންކަރިން ހިދުމަތުން ރާއްޖެއަށް ދެކޮޅުޖެހޭނެ އާމްދަނީއެއް ނުލިބޭނެ ކަމަށާއި އޭގެ ހަގީގީ ފައިދާ ލިބޭނީ މި މަޝްރޫއު ހިންގަން އެސްޓީއޯއާ ބައިވެރިވި ބޭރުގެ ކުންފުނި ވިޓޯލްއަށް ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ވީ ކިހިނެއް؟ - އެސްޓީއޯ އާއި އެމްޕީއެލް އަދި ވިޓޯލް ގުޅިގެން ކުރިއަށް ގެންދާ މި ހިދުމަތާ ގުޅޭ ގޮތުން ޔާމީން ފާޑުވިދާޅުވީ އެމަނިކުފާނުގެ ޕާޓީ ޕީއެންއެފް އޮފީހުގައި ބޭއްވި ޖަގަހަ ޖަލްސާގައި ވާހަކަފުޅު ދައްކަވަމުންނެވެ.
ތަފްސީލު - ޔާމީން މި މަޝްރޫއުއަށް ފާޑުވިދާޅުވުމުގެ ކުރިން މިކަމާ ގުޅޭ ގޮތުން ޖަލްސާގައި ވާހަކަ ދައްކަވަމުން ގެންދެވީ އެމަނިކުފާނު ސަރުކާރުގައި އެމްއެންޑީއެފްގެ މާލޭ އޭރިއާގެ ކޮމާންޑަރުގެ މަގާމުގައި ހުންނެވި އަދި މިހާރު ޕީއެންއެފްގެ އިސް މެންބަރު އަހުމަދު ފަޔާޒު އަލީ ރިޒާ (ޕާޕާ) އެވެ.
މި މަޝްރޫއުގެ ފަހަތުގައި އޮތީ 'ވައްކަމާއި އޮޅުވާލުން' ކަމަށް ތުހުމަތުކުރައްވައި އޭނާ ދެއްވި ޕްރެޒެންޓޭޝަންގައި ވިދާޅުވީ:
-
ދުނިޔޭގެ ބަންކަރިން ހިދުމަތް ދޭ އެންމެ މަތީ 10 ކުންފުނިތަކުގެ ތެރެއިން ވިޓޯލް އުޅެނީ އެ ލިސްޓުގެ ފަސް ވަނައިގައި
-
އެ ލިސްޓުގެ އެންމެ ކުރީގައި އޮތް ބަންކަރިން ހޯލްޑިން ކުންފުންޏަށް އަހަރަކު ވިއްކަނީ 25 މިލިއަން މެޓްރިކް ޓަނުގެ ތެޔޮ؛ ވިޓޯލްއިން ވިއްކަނީ އަހަރަކު 12.7 މިލިއަން މެޓްރިކް ޓަނުގެ ތެޔޮ
"25 މިލިއަން މެޓްރިކްސް ޓަނުގެ ތެޔޮ ވިއްކީމާ 2023ގައި އެމީހުންނަށް [ބަންކަރިން ހޯލްޑިންގްސް]އަށް ލިބުނީ 200 މިލިއަން [ޑޮލަރު]...ދެން ކޮން ތާކުންތޯ 400 މިލިއަން (ޑޮލަރު) ނެރޭނީ؟ މިއީ ރައްޔިތުންނަށްވި ބޮޑު އޮޅުވާލުމެއް، މިއީ ބޮޑު ބުހުތާނު ދޮގު ހަދާ ބައެއް. މިއީ ކޮރަޕްޝަނަކީ،" ބަންކަރިން ހިދުމަތުން ރާއްޖެއަށް މަހެއްހާ ދުވަހުގެ ތެރޭ 400 މިލިއަން ޑޮލަރު ލިބޭނެކަމަށް ސަރުކާރުން ކުރިން ބުނެފައިވާ ވާހަކަތަކަށް އިޝާރާތް ކުރައްވައި ފަޔާޒު ވިދާޅުވި އެވެ.
އޭނާ ވާހަކަދައްކަވަމުން ގެންދެވި އިރު ދޭތެރެދޭތެރެއިން ޔާމީން ސުވާލުކުރައްވައި، ތަފުސީލުކޮށް ބައެއް ވާހަކަތައް ދެއްކެވި އެވެ. އެގޮތުން ޔާމީން ވިދާޅުވީ:
-
ވިޓޯލްއިން ރާއްޖޭގައި ބަންކަރިން ހިދުމަތް ދެނީ އެމީހުންގެ އަމިއްލަ ތެޔޮ ވިއްކައިގެން. އެއީ ރާއްޖޭގެ ނުވަތަ އެސްޓީއޯގެ އަމިއްލަ ތެލެއް ނޫން
-
އެހެންކަމުން މިސާލެއްގެ ގޮތުގައި ވިޓޯލްއިން 100 މިލިއަން ޑޮލަރު ލިބުނަސް ރާއްޖެއަށް ލިބޭނީ އޭގެ ކުޑަކުޑަ ނިސްބަތެއް
"އެއީ ވިޓޯލްގެ ތެޔޮ، އޭގެ %90 ނުވަތަ %95 ނަގާނީ އެމީހުން. އެމީހުންނަށް ލިބެނީ 100 މިލިއަން ޑޮލަރު ކަމަށްވަންޏާ އޭގެ %5އަކީ، 5 މިލިއަން ޑޮލަރު،" ޔާމީން ވިދާޅުވި އެވެ.
"އެ 5 މިލިއަން ޑޮލަރުގެ ތެރެއިން މި ޖެހެނީ ޓަގް ބޯޓާއި އެއްޗެހީގެ ކުއްޔާއި ހިދުމަތުގެ އަގު ދައްކަން. އެހެންވީމާ ކޮން އެއްޗެއްތޯ މީގެން ދެކޮޅު ޖެހެނީ. ދެން ހަތް އަހަރު ފަހުން ބޯޓު ލިބޭއިރު، އެއީ ބާ ދަގަނޑު."
ކޮމެންޓް (3)
ސިކުނޑި
ހިތަދޫ ހުސެން
ޔަމަންޓޭ