ސިހުރު ހެދިި ކަމުގެ ދައުވާއާ ކުރިމަތިލާފައިވާ އުސްމާން އިބްރާހިމް: އޭނާ ހުރީ ބަންދުގައި
ފުނަދޫ މެމްބަރު މަމްދޫހަށް ސިހުރު ހެދިކަމުގެ ތުހުމަތުގައި އުސްމާންގެ މައްޗަށް ދައުވާކޮށްފި
މިދިޔަ ރައްޔިތުންގެ މަޖިލިހުގެ އިންތިހާބުގައި ށ. ފުނަދޫ ދާއިރާގެ ގޮނޑި ކާމިޔާބުކުރެއްވި ޕީއެންސީގެ ކެންޑިޑޭޓު މުހައްމަދު މަމްދޫހްއަށް ސިހުރު ހެދި މައްސަލާގައި ތުހުމަތުކުރެވޭ އުސްމާން އިބްރާހިމްއަށް ދައުވާކޮށްފި އެވެ.
ވީ ކިހިނެއް؟ - ތ. ވިލިފުއްޓަށް ނިސްބަތްވާ އުސްމާން ފުނަދުއަށް ގެންދިޔައީ މަމްދޫހްއާ ދެކޮޅު މީހުން ކަމަށްވެ އެވެ. ސިހުރު ހަދާކަމުގެ ތުހުމަތުގައި އޭނާ ހައްޔަރުކުރީ 2 މޭގަ އެވެ.
ތަފްސީލް - މި މައްސަލާގައި އުސްމާންގެ މައްޗަށް ދައުވާކުރަން އެދި ޕްރޮސެކިއުޓާ ޖެނަރަލް (ޕީޖީ) އޮފީހުން ކްރިިމިނަލް ކޯޓަށް ހުށަަހެޅީ 23 ޖުލައިގަ އެވެ.
އޭނާގެ މައްޗަށް ކުރާ ދައުވާއަކީ:
-
ދިވެހިރާއްޖެއަށް ގެނައުން މަނާތަކެތި ގެންގުޅުމުގެ ދައުވާ
-
މި ކުށުގެ އަދަބަކީ ތިން އަހަރާއި އަށް އަހަރާ ދެމެދުގެ މުއްދަތަކަށް ޖަލަށް ލުން ނުވަތަ އަރުވާލުން ނުވަތަ ގޭބަންދުކުރުން
ޕީޖީ އޮފީހުން މިއަދު 'ދައުރު' އާ ހިއްސާކުރި މައުލޫމާތުން އެނގޭ ގޮތުގައި އޭނާގެ މައްޗަށް ތުހުމަތުކުރެވެނީ އިތުރު ބަޔަކު ބައިވެރިވެގެން ފުނަދޫ އެކި ސަރަހައްދުގައި ހުރި ގަސްގަހަށް ސިހުރާ ގުޅޭ ކަމަށް ބެލެވޭ ލޮއި ކަބީލާ ޖަހައި އަދި ސިހުރު ހަދަން ބޭނުންކުރާ ތަކެތި ގެންގުޅުނު ކަމަށެވެ.
ދައުވާގައި ކޮށްފައިވާ ތުހުމަތުތަކުގެ ތެރޭގައި؛
-
ސިހުރު ހަދާފައިވާކަމަށް ބެލެވޭ ލޮއި ކަބީލާތަކެއް އިތުރު ބަޔަކާ ގުޅިގެން 2 މޭގެ ދަންވަރު 12ގެ ފަހުގެ ވަގުތެއްގައި ފުނަދޫގެ އެކި ސަރަހައްދުތަކުގައި ހުރި ގަސްތަކަށް ޖެހުން
-
ފުނަދޫ ޓޫފުލާވާ ގޭގެ ކޮޓަރިއެއްގައި އުސްމާން ހުއްޓައި އޭނާގެ ހަށިގަނޑާއި، ލައިގެން ހުރި އަންނައުނާއި އެ ކޮޓަރި ބަލައި ފާސްކުރި އިރު ތުހުމަތުކުރެވޭ ބައެއް ތަކެތި ފެނުނު
ދައުވާގައި ވާ ގޮތުން އެރަށުގައި އުސްމާން، 60، އުޅުނު ކޮޓަރި ފާސްކުރިއިރު ސިހުރު ހަދަން ބޭނުންކުރާ ކަމަށް ބެލެވޭ 80 އަށް ވުރެ ގިނަ ތަކެތި ފެނުނެވެ. އޭގެ ތެރޭގައި އިސްލާމްދީނާ ހިލާފު ކުރެހުންތަކާއި ވާހަކަތައް ހުރި ތަކެތި ވެސް ހިމެނެ އެވެ.
އެގޮތުން ފެނުނު ތަކެތީގެ ތެރޭގައި:
-
ދެ ފަރާތުގައި ޓޭޕް އަޅާފައި އޮތް އަށް ކަރުދާސްކޮޅު
-
ދެ ފަރާތުގައި ޓޭޕް އޮޅާފައިވާ 14 ކަރުދާސްކޮޅު
-
ޓޭޕް އަޅާފައިވާ ފަސް ލޮއިފޮއްޗާއި، ދެ ކަރުދާސްގަނޑު
-
1 ކަރުދާސް ފޮތިކޮޅާއި އެޓޭޗްކޮށްފައިވާ 10 ކަރުދާސްކޮޅާއި، ހަތަރު ކަރުދާސްކޮޅާއި، ލެމިނޭޓްކޮށްފައިވާ ހަތަރު ކަރުދާސްކޮޅު
-
އިސްލާމް ދީނުގެ އަސްލުތަކާ ހިލާފު ވާހަކަ އާއި ކުރެހުން ހުރި ހަ ކަރުދާސްގަނޑު
