ޗިލްރަންސް އޮމްބަޑްސްޕާސަން ގާލް ގައިޑްގައި މަސައްކަތް ކުރުން ފުށުއަރާ ކަމަށް ތުހުމަތުކޮށްފި

ޗިލްރަންސް އޮމްބަޑްސްޕާސަންގެ މަގާމުގައި ހުންނެވި ނިއުމަތު ޝަފީގު މޯލްޑިވްސް ގާލް ގައިޑް އެސޯސިއޭޝަންގެ ޗީފް ކޮމިޝަނަރުގެ މަގާމުގައި ހުންނެވުމަކީ މަސްލަހަތު ފުށުއަރާ ކަމެއް އަދި އެ އޮފީހުގެ ގަވައިދާއި ސުލޫކީ މިންގަނޑާ ވެސް ހިލާފު ކަމެއް

އެ އޮފީހުގެ އިދާރީ ގަވައިދުގައިވާ ގޮތުން، އޮމްބަޑްސްޕާސަންގެ މަގާމުގެ މަސްއޫލިއްޔަތާ ފުށުއަރާފާނެ ބާވަތުގެ މަދަނީ ޖަމާއަތެއްގެ މެމްބަރެއްގެ ގޮތުގައި ވެސް އޮމްބަޑްސްޕާސަން އަކަށް ނުހުރެވޭނެ 

މީގެ އިތުރުން، ގާލް ގައިޑް އެސޯސިއޭޝަންގެ ޗީފް ގައިޑުގެ މަގާމުގައި ހުންނަވަނީ އެއިރެއްގެ ފަސްޓް ލޭޑީ؛ ޗިލްރަންސް އޮމްބަޑްސްޕާސަންގެ މަގާމުގައި ހުރެ ގާލް ގައިޑްގެ ޗީފް ކޮމިޝަނަރުގެ ހައިސިއްޔަތުން ނިއުމަތު އެއިރެއްގައި ފަސްޓް ލޭޑީއާ އެހާ ގާތުން މަސައްކަތް ކުރުމަކީ މުޖުތަމައުގެ ތެރޭގައި އޭނާގެ މުސްތަގިއްލުކަމާ މެދު ސުވާލު އުފެދޭނެ ކަމެއް

ގާލް ގައިޑުގެ ޗީފް ކޮމިޝަނަރުގެ މަގާމަކީ ޒިންމާ ބޮޑު، ގިނަ ވަގުތު ހޭދަކުރަން ޖެހޭ އަދި ރާއްޖެއިން ބޭރަށް ގިނަ ދަތުރުތައް ވެސް ކުރަންޖެހޭ މަގާމެއް؛ އެކަމުގެ ސަބަބުން ޗިލްރަންސް އޮމްބަޑްސްޕާސަންއާ މަތިކޮށްފައިވާ ޒިންމާތައް އެންމެ ފުރިހަމަ ގޮތުގައި އަދައެއް ނުކުރެވޭ

އޮފީހުގެ މަސްއޫލިއްޔަތުތައް އަދާކުރެވޭނެ ގޮތަށް އިދާރީ އޮނިގަނޑު ބައްޓަން ކުރުމަކީ އޮމްބަޑްސްޕާސަންގެ ޒިންމާއެއް؛ އެކަން އެންމެ ރަނގަޅަށް ކޮށްފައެއް ނުވޭ

އޮފީހުގައި ކޮންމެހެން ހުންނަންޖެހޭ ޑިރެކްޓަރު ޖެނެރަލްއެއް ނުހުރޭ އަދި ބިއުރޯ އެއް ވެސް ނޯވޭ؛ ބިއުރޯގެ މަސައްކަތް ކުރަންޖެހެނީ ވެސް އެހެން ޑިޕާޓުމަންޓުގެ މުވައްޒަފުން

އޮފީހުގެ ބައެއް ވެރިން ގުޅިގެން މުވައްޒަފުންނާއި ޑިޕާޓްމަންޓުތަކުގެ މެދުގައި ފާޅުކަންބޮޑު ގޮތެއްގައި ތަފާތުކުރުން ގެންގުޅޭ؛ ރާއްޖެއިން ބޭރަށް އޮފީސް ތަމްސީލްކުރުމަށް ކުރާ ދަތުރުތަކުގައި ވެސް ފުރުސަތު ލިބެނީ ވަކި ބަޔަކަށް

އޮފީހުގެ މަސައްކަތްތަކަށް ވަރަށް މުހިއްމު މަގާމުތަކުގައި ތިއްބަވާ ބައެއް ބޭފުޅުން އޮފީހުން ބޭރުގައި އެހެން މުއައްސަސާތަކާ އެކު ބާއްވާ ބައްދަލުވުންތަކާއި އޮފީހުގައި ކުރިއަށްދާ ބައްދަލުވުންތަކުގައި ވެސް ބައިވެރި ނުކުރޭ

މަސައްކަތްތަކަށް ފާޅުގައި ދަތިކޮށް މަސައްކަތަށް ބޭނުންވާ މުވައްޒަފުން ހޯދައިނުދޭ