ބީއެމްއެލްގެ ރުފިޔާ ކާޑުތަކުން ބޭރު މުއާމަލާތް ކުރެވޭ ގޮތް އަލުން ހަދައިފި

ގައުމީ ބޭންކް، ބޭންކް އޮފް މޯލްޑިވްސް (ބީއެމްއެލް)ގެ ރުފިޔާ އެކައުންޓުތަކަށް ދޫކޮށްފައިވާ ޑެބިޓް ކާޑްތަކާއި އާ ކްރެޑިޓް ކާޑުތަކުން ރާއްޖެއިން ބޭރުގެ މުއާމަލާތްތައް ނުކުރެވޭ ގޮތަށް މިއަދު ހެދުމަށް ފަހު، މަރުކަޒީ ބޭންކުން އަންގައިގެން އެ ނިންމުން ބާތިލްކޮށްފި އެވެ.

ވީ ކިހިނެއް؟ - ބީއެމްްއެލްއިން މިއަދު ވަނީ، ޑޮލަރު ލިބުން ދަތިވެ ބޭރުގައި ވިޔަފާރިކުރަން ދީފައިވާ ކާޑް ލިމިޓްތަކަށް ގެނައި ބަދަލުތައް މިއަދު ނެރުނު ނޫސް ބަޔާނެއްގައި އިއުލާންކޮށްފަ އެވެ. އެގޮތުން ގެނައި ބަދަލުތަކަކީ: 

ނަމަވެސް، ބީއެމްއެލް އިން ދެންމެ ނެރުނު ކުރު އިއުލާނެއްގައިވާ ގޮތުން، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އަންގައިގެން މިއަދުގެ ނިންމުން ވަނީ އަނބުރާ ގެންގޮސްފަ އެވެ.

މިކަމާ ގުޅޭ ގޮތުން ބީއެމްއެލް އިން އިތުރު މައުލޫމާތެއް އަދި ނުދެ އެވެ.

ބުނީ ކީކޭ؟ - ކާޑު ލިމިޓަށް ގެނައި ބަދަލާ ގުޅޭ ގޮތުން ބޭންކުން މިއަދު ހެނދުނު ނެރުނު ނޫސްބަޔާނުގައި ބުނީ ބޭންކު ކާޑުތަކުން ކުރާ ޑޮލަރުގެ މުއާމަލާތްތައް ބޭންކަށް ލިބުނު ޑޮލަރު އާމްދަނީއަށް ވުރެ ތިން ގުނަ ބޮޑު ކަމަށެވެ.

"ފާއިތުވި 10 އަހަރެއްހާ ދުވަހު، ބޭންކުން ދިޔައީ ކާޑުން ކުރާ ބޭރުގެ މުއާމަލާތްތަކުގެ އަދަދު ގާތުން ބަލަމުން. އަޅުގަނޑު ތަކުރާރުކޮށް ދަންނަވާފައިވާ ފަދައިން ބޭންކަށް ވިއްކޭނީ ބޭންކަށް ގަންނަން ލިބޭ ބޭރު ފައިސާއެއް،" ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ކާލް ސްޓުމްކަ ވިދާޅުވެފައިވެ އެވެ.

"މި އަހަރު ތެރޭ ކަސްޓަމަރުން އަތުން ބޭންކަށް ގަންނަން ލިބުނީ ގާތްގަނޑަކަށް 60 މިލިއަން ޑޮލަރު. ނަމަވެސް ކާޑުތަކުން ކުރެވުނު މުއާމަލާތްތަކުގެ އަދަދު މީގެ ތިން ގުނަ ބޮޑު."