ބީއެމްއެލްގެ ކާޑަކުން މީހަކު އޮންލައިން މުއާމަލާތެއް ކުރަނީ
ބީއެމްއެލްގެ ރުފިޔާ ކާޑުތަކުން ބޭރުގައި މުއާމަލާތް ނުކުރެވޭ ގޮތް ހަދައިފި
ގައުމީ ބޭންކް، ބީއެމްއެލްގެ ރުފިޔާ އެކައުންޓުތަކަށް ދޫކޮށްފައިވާ ޑެބިޓް ކާޑްތަކުން ރާއްޖެއިން ބޭރުގައި މުއާމަލާތް ނުކުރެވޭ ގޮތް ހަދައިފި އެވެ.
އެނގުން މުހިންމު - ރުފިޔާ އެކައުންޓްތަކަށް ދޫކޮށްފައިވާ ޑެބިޓް ކާޑުތަކަށް ރާއްޖެއިން ބޭރުގައި މުއާމަލާތްކުރަން މަހަކު 250 ޑޮލަރު ކުރިން އައީ ދެމުންނެވެ.
ވީ ކިހިނެއް؟ - ބީއެމްްއެލްއިން މިއަދު ވަނީ، ޑޮލަރު ލިބުން ދަތިވެ ބޭރުގައި ވިޔަފާރިކުރަން ދީފައިވާ ކާޑް ލިމިޓްތަކަށް ގެނައި ބަދަލުތައް މިއަދު ނެރުނު ނޫސް ބަޔާނެއްގައި އިއުލާންކޮށްފަ އެވެ. އެގޮތުން ގެނައި ބަދަލުތަކަކީ:
-
މިހާރު ދޫކޮށްފައިވާ ޑެބިޓް ކާޑުތައް: ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާ ނަމަ ރާއްޖޭން ބޭރުގެ މުއާމަލާތްކުރުމަށް އެއްވެސް އަދަދެއް ނުލިބޭނެ
-
މިހާރު ދޫކޮށްފައިވާ ސްޓޭންޑަޑް، ގޯލްޑް ކްރެޑިޓް ކާޑުތައް: މަހެއްގެ މައްޗަށް ކުރެވޭ ރާއްޖޭން ބޭރުގެ މުއާމަލާތްތައް 100 ޑޮލަރަށް ދަށްކުރުން
-
އަލަށް ދޫކުރާ ޑެބިޓް އަދި ކްރެޑިޓް ކާޑުތައް: ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާ ނަމަ ރާއްޖޭން ބޭރުގެ މުއާމަލާތްކުރުމަށް އެއްވެސް އަދަދެއް ނުލިބޭނެ
ބުނީ ކީކޭ؟ - ކާޑު ލިމިޓަށް ގެނައި ބަދަލާ ގުޅޭ ގޮތުން ބޭންކުން ނެރުނު ނޫސްބަޔާނުގައި ބުނީ ބޭންކު ކާޑުތަކުން ކުރާ ޑޮލަރުގެ މުއާމަލާތްތައް ބޭންކަށް ލިބުނު ޑޮލަރު އާމްދަނީއަށް ވުރެ ތިން ގުނަ ބޮޑު ކަމަށެވެ.
"ފާއިތުވި 10 އަހަރެއްހާ ދުވަހު، ބޭންކުން ދިޔައީ ކާޑުން ކުރާ ބޭރުގެ މުއާމަލާތްތަކުގެ އަދަދު ގާތުން ބަލަމުން. އަޅުގަނޑު ތަކުރާރުކޮށް ދަންނަވާފައިވާ ފަދައިން ބޭންކަށް ވިއްކޭނީ ބޭންކަށް ގަންނަން ލިބޭ ބޭރު ފައިސާއެއް،" ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ކާލް ސްޓުމްކަ ވިދާޅުވި އެވެ.
"މި އަހަރު ތެރޭ ކަސްޓަމަރުން އަތުން ބޭންކަށް ގަންނަން ލިބުނީ ގާތްގަނޑަކަށް 60 މިލިއަން ޑޮލަރު. ނަމަވެސް ކާޑުތަކުން ކުރެވުނު މުއާމަލާތްތަކުގެ އަދަދު މީގެ ތިން ގުނަ ބޮޑު."
ކާޑު ބޭނުންކުރާ މިންވަރު އިތުރުވުމަކީ ވިޔަފާރިތަކަށް ބޭންކުން ދޫކުރާ ބޭރު ފައިސާގެ އަދަދު ވަރަށް ބޮޑަށް ދައްވާ ކަމެއް ކަމަށް ވެސް ކާލް ވިދާޅުވި އެވެ.
"ތަފާސްހިސާބަށް ބަލާއިރު ކާޑުތައް ބޭނުންކޮށްގެން މައިގަނޑު ގޮތެއްގައި ކުރާ ދަތުރުތަކާއި އޮންލައިން ވިޔާފާރިތަކަށް ވުރެ އިގްތިސާދީ މުހިންމު ހަރަކާތްތަކަށް ބޭންކުން ހޭދަކުރާ ބޭރު ފައިސާގެ މިންވަރު %75 ދަށް،" އޭނާ ވިދާޅުވި އެވެ.
ކާލް ވިދާޅުވީ:
-
ބޭންކުގެ އެންމެ މަތީ މަސްލަހަތަކީ ޑިޕޮސިޓަރުންނަށް ރައްކާތެރިކަން ދިނުން
-
ބޭންކަށް ގަންނަން ނުލިބޭ އަދަދެއް ބޭންކަށް ނުވިއްކޭނެ
-
ބީއެމްއެލް އިން ދޫކޮށްފައިވާ ޑޮލަރު ކްރެޑިޓް ކާޑުންނާއި ޑެބިޓް ކާޑެއް ބޭނުންކޮށްގެން ޑޮލަރު އެކައުންޓުން ކުރިއެކޭ އެއްގޮތަށް އެކައުންޓްގައި ޑޮލަރު ހުރި މިންވަރަކަށް ކަސްޓަމަރުންނަށް މުއާމަލާތްތައް ކުރެވޭނެ
-
މަހުން މަހަށް ކެނޑޭ ބޭރުގެ މުއާމަލާތްތައް މެދު ނުކެނޑި ހިންގުމަށްޓަކައި ކަސްޓަމަރުންގެ ޑެބިޓް ކާޑުގެ ޕްރައިމަރީ އެކައުންޓް ޑޮލަރު އެކައުންޓަށް ބަދަލުކުރުމަށް އިލްތިމާސްކުރާ ކަމަށް
"ބޭންކުން މިއަދު ގެނައި ބަދަލަކީ ކަސްޓަމަރުންނަށް ވަރަށް ބޮޑު އަސަރެއްކުރާނެ ބަދަލެއްކަން އަޅުގަނޑު ގަބޫލުކުރަން. މިއީ މުހިންމު އިގްތިސާދީ ހަރަކާތްތަކަށް ބޭނުންވާ ބޭރު ފައިސާ މެދު ނުކެނޑި ފޯރުކޮށްދިނުމަށްޓަކައި މިވަގުތުގެ ހާލަތަށް ބަލައި ބޭންކުން ކޮންމެހެން އަޅަންޖެހުނު ފިޔަވަޅެއް،" ކާލް ވިދާޅުވި އެވެ.
ފާހަގަ ކުރެވޭ - ބީއެމްއެލްގެ ރުފިޔާ ޑެބިޓު ކާޑުން ޑޮލަރުގެ މުއާމަލާތް ކުރެވޭ މިންވަރު ކަނޑާލާ އަދި އާ ކްރެޑިޓް ކާޑުތަކުން ޑޮލަރު މުއާމަލާތް ކުރެވޭ އަދަދު 100 ޑޮލަރަށް ލިމިޓުކޮށްފައި ވާއިރު، ރާއްޖޭން ބޭރުގައި ކިޔަވާ ދަރިވަރުންނަށް ވެސް އެ ބަދަލު އަންނާނެ އެވެ. މީގެ ކުރިން ރާއްޖެއިން ބޭރުގައި ކިޔަވާ ކުދިންނަށް 750 ޑޮލަރާއި ހަމައަށް ބޭންކުގެ ރުފިޔާ ޑެބިޓު ކާޑުން މުއާމަލާތް ކުރެވެ އެވެ.
ކޮމެންޓް (10)
ސިކުނޑި
ދެރަ
ހަސަން32ް4
ކިލަންޑާ
ތެފައާސާ.
މައްލި
މައްލި
ކުއްލި
މައްލި
ތައްލި