ޑރ. އަލީ ލަތީފް ޓެކްސްއަށް މަކަރު ހެދި ކަމަށް ވެސް ތުހުމަތުކުރެވޭތީ ތަހުގީގު ކުރަން ފޮނުވައިފި

އައިޖީއެމްއެޗްގެ ޕްރޮކިއުމަންޓް ކޮމިޓީގެ ކުރީގެ ޗެއާ ޑރ. އަލީ ލަތީފް ޓެކްސްއަށް މަކަރު ހެދިކަމުގެ ތުހުމަތުގައި، އެ މައްސަލަ ތަހުގީގުކޮށްދިނުމަށް އެންޓި-ކޮރަޕްޝަން ކޮމިޝަން (އޭސީސީ) އިން މީރާގައި މިއަދު އެދިއްޖެ އެވެ.

ވީ ކިހިނެއް؟ - ކޮވިޑްގެ ދުވަސްވަރު ހިންގި ކަމަށް ތުހުމަތުކުރެވޭ ކޮރަޕްޝަންގެ އަމަލެއްގެ ތަހުގީގު ނިންމައި، އަލީ ލަތީފް ހިމެނޭ ގޮތަށް، އައީޖީއެމްއެޗްގެ ކުރީގެ އިސް ތިން ވެރިއަކަށް ދައުވާ ކުރަން ފޮނުވުމާ ގުޅޭގޮތުން ނެރުނު ނޫސްބަޔާނެއްގައި އޭސީސީން ވަނީ މިކަން ހާމަކޮށްފަ އެވެ.

ތަފްސީލު - އޭސީސީން ބުނީ އަލީ ލަތީފް މީރާއަށް ހުށަހަޅާފައިވާ ޓެކްސްއާ ގުޅޭ  ލިޔެކިޔުންތަކަށް ބަލާއިރު ޓެކްސްއަށް މަކަރުހަދައި އޮޅުވާލާފައިވާ ކަމަށް އެ ކޮމިޝަންގެ ތަހުގީގުގެ ހޯދުންތަކުން ތުހުމަތު ކުރެވޭ ކަމަށެވެ. އެހެންވެ، އެ މައްސަލަ އިތުރަށް ތަހުގީގުކޮށްދިނުމަށް މީރާއަށް ފޮނުވާފައިވާ ކަމަށް އެ ބަޔާނުގައި ބުނެފައިވެ އެވެ.

އަލީ ލަތީފް ޓެކްސްއަށް މަކަރު ހެދި ކަމަށް ބުނާ މައްސަލައިގެ އިތުރު ތަފްސީލެއް އޭސީސީގެ ބަޔާނުގައި ދީފައެއް ނުވެ އެވެ.

ކޮރަޕްޝަންގެ މައްސަލައިގައި އަލީ ލަތީފްގެ އިތުރުން، ދައުވާ ކުރަން ޕީޖީއަށް ފޮނުވި މީހުންނަކީ:

ފާހަގަކުރެވޭ - އޭސީސީން ބުނީ އަލީ ލަތީފް އާއި މިލްޒާއާ ގުޅޭ ގޮތުން ތަހުގީގަށް ފާހަގަ ކުރެވުނު ކަންކަން މޯލްޑިވްސް މެޑިކަލް ކައުންސިލްގެ ސަމާލުކަމަށް ވެސް ގެނެސްފައިވާ ކަމަށެވެ. އަދި އެ ކައުންސިލުން އެ ދެ ބޭފުޅުންނާ މެދު ފިޔަވަޅެއް އަޅަން ޖެހޭ ކަމުގައިވާ ނަމަ، އެ ފިޔަވަޅެއް އެޅުމަށް ފަހު ކޮމިޝަންއާ ހިއްސާ ކުރުމަށް އަންގާފައިވާ ކަމަށް ބަޔާނުގައި ބުނެފައިވެ އެވެ.

އެނގުން މުހިއްމު - މެޑިކަލް ކައުންސިލަކީ ޑޮކްޓަރުންގެ ރެގިއުލޭޓަރީ ބޮޑީ އެވެ. ޑޮކްޓަރުންނަށް ލައިސެންސް ދިނުމާއި ހިފެހެއްޓުމާއި ބާތިލް ކުރުން ފަަދަ ފިޔަވަޅުތައް އަޅާ އިދާރާއަކީ އެއީ އެވެ.