އިންޑިއާގެ އެހީގައި ނިމިފައިވާ މަޝްރޫއުތައް އިފްތިތާހުކޮށްފި

އިންޑިއާގެ އެހީގައި ރާއްޖޭގައި ކުރިއަށް ގެންގޮސްފައިވާ ބައެއް މަޝްރޫއުތައް ރަސްމީކޮށް މިރޭ އިފްތިތާހުކޮށްފި އެވެ.

ވީ ކިހިނެއް؟ - އިންޑިއާ އާއި ރާއްޖެއާ ދެމެދު ގާއިމުކޮށްފައިވާ ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް (އެޗްއައިސީޑީޕީ)ގެ ދަށުން މިދިޔަ ދެތިން އަހަރުގެ ތެރޭގައި ވަނީ ގިނަ މަޝްރޫއުތަކެއް ފަށާފަ އެވެ. އޭގެ ތެރެއިން މިހާރު ނިމިފައިވާ ބައެއް މަޝްރޫއުތައް އިފްތިތާހުކޮށްދެއްވީ، މިހާރު ރާއްޖެ ވަޑައިގެން އުޅުއްވާ، އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރާއި ފޮރިން މިނިސްޓަރު މޫސާ ޒަމީރެވެ.

ތަފްސީލް - ފޮރިން މިނިސްޓްރީގައި ބޭއްވި ރަސްމިއްޔާތެއްގައި އިފްތިތާހު ކުރި މަޝްރޫއުތަކުގެ ތެރޭގައި ހިމެނެނީ:

މީގެ ތެރެއިން 'އިންކްލޫސިވް އެޑިއުކޭޝަން' އާއި މަގުބައްތި ޖެހުމުގެ މަޝްރޫއު އިއުލާން ކޮށްފައިވަނީ 2021 ވަނަ އަހަރެވެ. އަދި މެންޓަލް ހެލްތު ޔުނިޓާއި ޗައިލްޑް ޑިވެލޮޕްމެންޓް ސެންޓަރުގެ މަޝްރޫއަކީ، ޖައިޝަންކަރު 2022 ވަނަ އަހަރު ރާއްޖެ ވަޑައިގެން އިއުލާން ކުރެއްވި ދެ މަޝްރޫއު އެވެ.

މީގެ އިތުރުން، މިރޭގެ ރަސްމިއްޔާތުގައި ވަނީ ދެ އެއްބަސްވުމެއްގައި ސޮއިކޮށްފަ އެވެ. އެއީ:

މި ރަސްމިއްޔާތުގައި ވާހަކަ ދައްކަވަމުން ޖައިޝަންކަރު ވިދާޅުވީ ރާއްޖެއާ ގާތް ގުޅުމެއް ބާއްވައި، އެހީތެރިކަން ފޯރުކޮށްދިނުމަކީ އިންޑިއާއިން ވަރަށް އިސްކަންދޭ ކަމެއް ކަމަށެވެ. އަދި އޭނާ ރާއްޖެ ވަޑައިގަންނަވާ ކޮންމެ ދަތުރެއްގައި ވެސް ކަމާ ގުޅޭ އެކި އިދާރާތަކާ ބައްދަލުކުރައްވައި، އެހީ ބޭނުންވާ މުހިއްމު ދާއިރާތައް ހޯއްދަވާ ކަމަށް ވިދާޅުވި އެވެ.

ޖައިޝަންކަރު ވިދާޅުވީ، މި ދަތުރުގައި ވެސް އިކޮނޮމިކް ޑިވެލޮޕްމެންޓް މިނިސްޓްރީ އާއި ފިނޭންސް މިނިސްޓްރީ އާއި ޑިފެންސް މިނިސްޓްރީގެ އޮފިޝަލުންނާ ވެސް ބައްދަލުކުރައްވައި، އެކި ކަންކަމާ ގުޅޭގޮތުން މަޝްވަރާ ކުރައްވާނެ ކަމަށެވެ.