![](https://cdn.dhauru.com/s3/media/2023/03/23/42089c9f-a35b-4e71-83d1-7d55081984a6.jpg?fit=crop-50-50&w=1400&h=800)
ޕިކަޕެއް މުދާ އުފުލަނިީ (ދައުރު ފައިލް ފޮޓޯ/އަބްދުﷲ އިޔާން)
މާލޭގައި ކުންޏާއި މުދާ އުފުލުން ރޭގަނޑަށް އެކަނި ބަދަލުކުރަނީ
މާލޭގެ މަގުތަކުގެ ތޮއްޖެހުން ކުޑަކޮށް، އެއީ އަމާން ތަނަކަށް ހެދުމަށް ސަރުކާރުން ރޭ ލޯންޗު ކުރި 'މާލެ ފަހި' ޕްރޮގްރާމުގެ ދަށުން މާލޭގައި ކުނި ނަގާ ވަގުތުތަކާއި މުދާ އުފުލާ ވަގުތުތައް ރޭގަނޑަކަށް އެކަނި ބަދަލު ކުރަން ނިންމައިފި އެވެ.
ވީ ކިހިނެއް؟ - ދަރުބާރުގޭގައި ރޭ ބޭއްވި ހަފްލާއެއްގައި ރައީސް މުހައްމަދު މުއިއްޒު އިފްތިތާހު ކުރެއްވި އެ ޕްރޮގްރާމުގެ ދަށުން، ވަކި ސައިޒަކަށް ވުރެ ބޮޑެތި އުޅަނދުފަހަރުގައި މުދާ އުފުލާ ވަގުތަށް ބަދަލު ގެނެސް، މާލެ ސަރަހައްދުގައި މިހާރު ކުނި އުފުލާ ވަގުތަށް ބަދަލު ގެންނަން ވެސް ވަނީ ނިންމައިފަ އެވެ.
ތަފްސީލު - އެ ބަދަލުތައް ގެންނަން ނިންމާފައިވަނީ ކަމާ ބެހޭ އިދާރާތަކާ މަޝްވަރާ ކުރުމަށް ފަހު އެވެ. އެގޮތުން، ނިންމާފައިވަނީ:
-
މާލެ ސަރަހައްދުގައި މިހާރު ކުނި އުކާލާ ގަޑިތަކާއި އުސޫލަށް ބަދަލު ގެނެސް، ރޭގަނޑު 10 އިން ފަތިހު 5އަށް ބަދަލު ކުރަން
-
ކަނޑައެޅޭ ވަކި ސައިޒަކަށް ވުރެ ބޮޑެތި އުޅަނދުތައް ބޭނުންކޮށްގެން މުދާ އުފުލުން ރޭގަނޑު 8 އިން ފަތިހު 5އަށް ބަދަލު ކުރުން
މި ބަދަލުތަކަކީ މަގުމަތީގެ ތޮއްޖެހުން ކުޑަކުރުމަށް މިވަގުތަށް ގެންނަން ޖެހިފައިވާ ބަދަލެއް ކަމަށް ޓްރާންސްޕޯޓު މިނިސްޓްރީން ބުންޏެވެ.
ފާހަގަ ކުރެވޭ - މާލޭގެ މަގުތަކުގެ ތޮއްޖެހުން ކުޑަކުރުމަށް ރޭ އިފްތިތާހު ކުރި ޕްރޮގްރާމުގެ ދަށުން އެއްގަމު އުޅަނދު ރަޖިސްޓްރީ ކުރުމުން ކޮންޓްރޯލުކުރުމުގެ އިތުރުން، އާންމު ދަތުރުފަތުރުގެ ނިޒާމު ހަރުދަނާކުރުމާއި މަގުމައްޗަކީ ދަތުުރުކުރުމަށާއި ހިނގާ ބިނގާވެ އުޅުމަށް ރައްކާތެރި ތަނަކަށް ހެދުމަށް ގިނަ މަސައްކަތްތަކެއް ކުރަން ވަނީ ނިންމައިފަ އެވެ.
ކޮމެންޓް (2)
ސިކުނޑި
ހަސަން2343