ސިނަމާލެ ބްރިޖްގައި މީހުން ދުއްވާފަދާތަން. (ދައުރު ފޮޓޯ/ އަބްދުﷲ އަނޫފް ޖުނައިދް)
ބްރިޖާއި މަގުން ފީއެއް ނަގަނީ؛ ދިރާސާ އަންނަ މަހު ފަށަނީ
ސިނަމާލެ ބްރިޖާއި އެ ތަނާ ގުޅިފައިވާ މަގުން ދަތުރުކުރާ އުޅަނދުތަކުން ފީއެއް ނުވަތަ ޓޯލްއެއް ނަގަން ފެށުމާ ގުޅޭ ދިރާސާ އަންނަ މަހު ފަށަން ތައްޔާރުވެއްޖެ އެވެ.
ވީ ކިހިނެއް؟ - މާލެ ސަރަހައްދުގައި ބޮޑުވެފައިވާ ޓްރެފިކްގެ މައްސަލައަށް ހައްލު ހޯދުމަށް ރޭ ތައާރަފު ކުރި 'މާލެ ފަހި' ފްރޮގްރާމުގެ ދަށުން ބްރިޖާއި ހައިވޭ ފަދަ ތަންތަނުން ދަތުރުކުރާ އުޅަނދުތަކުން ފީއެއް ނަގަން ވަނީ ނިންމައިފަ އެވެ.
ތަފްސީލް - ބްރިޖާއި ހައިވޭ ފަދަ ތަންތަން ދެމެހެއްޓެނިވި ގޮތެއްގައި ބެލެހެއްޓުމަށް ކަމާ ގުޅުންހުރި އިދާރާތަކާ މަޝްވަރާ ކުރުމަށް ފަހު އެކަށީގެންވާ ފީއެއް ކަނޑައަޅައި ތަންފީޒު ކުރަން ވަނީ ނިންމައިފަ އެވެ. އަދި އެކަމަށްޓަކާ ކުރަން ޖެހޭ ދިރާސާތައް އަންނަ މަހު ފަށަން ވެސް ވަނީ ނިންމައިފަ އެވެ.
ފާހަގަ ކުރެވޭ - ޗައިނާގެ ހިލޭ އަދި ލޯނު އެހީގައި އެޅި ސިނަމާލެ ބްރިޖު 2018ގައި ބޭނުން ކުރަން ފެށުމުގެ ކުރިން ފީއެއް ނެގުމާ ގުޅޭ ގޮތުން ވާހަކަ ދެކެވުނެވެ. ނަމަވެސް، ފަހުން އައި ރައީސް އިބްރާހިމް މުހައްމަދު ސޯލިހުގެ ސަރުކާރުން ނިންމީ ސިނަމާލެ ބްރިޖުން ދަތުރުކުރާ އުޅަނދުތަކުން ފީއެއް ނުނެގުމަށެވެ.
ކޮމެންޓް (4)
ޞައްދާމު
ބުރިޖު
@ބުރިޖު
ސިކުނޑި