އަވަސް އަރުވާލައިގެން ރައީސް ވަކިނުކުރެވޭ ގޮތަށް މަޖިލީހުގެ ގަވައިދު އިސްލާހުކޮށްފި

ރައީސް އައި ނައިބު ރައީސް އަވަސް އަރުވާލައިގެން މަގާމުން ވަކި ނުކުރެވޭ ގޮތަށް، އެ މަރުހަލާގައި އިތުރު ދުވަސްތައް ލިބޭ ގޮތަަށް ރައްޔިތުންގެ މަޖިލީހުގެ ގަވައިދު މިއަދު ފާސްކޮށްފި އެވެ.

ވީ ކިހިނެއް؟ - މިހާރު ހިނގަމުންދާ 20 ވަނަ މަޖިލީހުގައި މިހާތަނަށް އަމަލު ކުރަމުން އައީ ނިމިދިޔަ 19 ވަނަ މަޖިލީހުގައި އަމަލުކުރަމުންދިޔަ ގަވައިދަށެވެ.

މަޖިލީހުގެ އާންމު ކޮމިޓީން އެ ގަވައިދު މިދިޔަ ދެ މަސްދުވަހުގެ ތެރޭގައި އިސްލާހު ކުރުމުގެ މަސައްކަތް ނިންމައި ބައެއް ބަދަލުތަކާ އެކު ވަނީ މިއަދުގެ ޖަލްސާގެ ތަޅުމަށް ހުށަހަޅާފަ އެވެ.

އެ އިސްލާހުތަކާ އެކު ގަވައިދު ފާސްކޮށްފައި ވަނީ، ޖަލްސާގައި ހާޒިރުވެ ތިއްބެވި 65 މެންބަރުންގެ ތެރެއިން 64 މެންބަރުންގެ ތާއީދާ އެކު އެވެ. ވަކި ކޮޅަކަށް އެއްވެސް މެންބަރަކު ވޯޓެއް ނުދެއްވަ އެވެ.

ތަފްސީލު - 19 ވަނަ މަޖިލީހުގެ ގަވައިދަށް އާންމު ކޮމިޓީން ގެނެސްފައިވާ އެންމެ ބޮޑު އިސްލާހަކީ ރައީސް ނުވަތަ ނައިބު ރައީސްގެ މަގާމުގައި ހުންނަވާ ބޭފުޅަކު މަގާމުން ވަކިކުރާއިރު، މަޖިލީހުން ކުރަން ޖެހޭ މަރުހަލާތަކުގެ ވަގުތުތަކަށާއި މުއްދަތުތަކަށް ބަދަލު ގެނެއުމެވެ.

އެ އިސްލާހުތަކުގެ ނަތީޖާއަކީ އަވަސް އަރުވާލައިގެން އެފަދަ މައްސަލައެއްގައި ގޮތް ނިންމުމުގެ ފުރުސަތު ނުލިބުމެވެ. އެގޮތުން:

މަޖިލިސް ގަވައިދު އިސްލާހު ކުރި އާންމު ކޮމިޓީގެ ރިޕޯޓުގައިވާ ގޮތުން އެ މުއްދަތުތަކާއި ވަގުތަކަށް ބަދަލުކޮށްފައިވާ ސަބަބެއްގެ ގޮތުގައި ބަޔާންކޮށްފައި ވަނީ، ކުރިން ގަވައިދުގައި ދީފައިވާ ވަގުތުތަކާއި މުއްދަތުތަކަކީ އެކަށީގެންވާ މުއްދަތުތަކެއް ކަމެއް ކޮމިޓީގެ މެންބަރުންނަށް ގަބޫލު ނުކުރެވޭތީ ކަމަށެވެ.