ފޮރިން މިނިސްޓަރު މޫސާ ޒަމީރު، އޭޝިއަން އިންފްރާސްޓްރަކްޗާ އިންވެސްޓްމަންޓު ބޭންކާ ބައްދަލުކުރެއްވުން.
ޒަމީރުގެ ޗައިނާ މަޝްވަރާތައް: މިއަދުގެ ބައްދަލުވުންތަކުގައި ޗައިނާ އެގްޒިމް ބޭންކާއި އޭއައިއައިބީ
އުމްރާނީ ތަރައްގީގެ މަޝްރޫއުތަކަށް ފައިސާ ހޯދުމާ ގުޅޭގޮތުން ފޮރިން މިނިސްޓަރު މޫސާ ޒަމީރު، ޗައިނާގެ ދެ ބޭންކަކާ މިއަދު މަޝްވަރާ ކުރައްވައިފި އެވެ.
ވީ ކިހިނެއް؟ - އެ މަޝްވަރާތައް ކުރިއަށްގެންދިޔައީ ޗައިނާގެ ފޮރިން މިނިސްޓަރު ވަންގް ޔީގެ ދައުވަތަކަށް ޒަމީރު އެ ގައުމަށް މިހާރު ކުރައްވަމުން ގެންދަވާ ދަތުރުގެ ތެރެއިންނެވެ.
ތަފްސީލު - މާދަމާގެ ނިޔަލަށް ކުރައްވާ އެ ދަތުރުގައި ޒަމީރު މިއަދު ބައްދަލުކުރެއްވީ އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އޭއައިއައިބީ) އާއި ޗައިނާ އެގްޒިމް ބޭންކްއާ އެވެ.
އޭއައިއައިބީއާ އެކު ބޭއްވި ބައްދަލުވުމުގައި ރައީސް މުއިއްޒުގެ ތަރައްގީގެ ޕްލޭންގައި ހިމެނޭ އިޔާދަކުރަނިވި ހަކަތަ އާއި ދަތުރުފަތުރާ ގުޅޭ އުމްރާނީ ތަރައްގީގެ މަޝްރޫއުތަކަށް ފައިސާ ހޯދުމާ ގުޅޭގޮތުން މަޝްވަރާކޮށްފައިވެ އެވެ.
Delighted to meet with Jin Liqun, President and Chair of the Board of Directors of Asian Infrastructure Investment Bank (AIIB) @AIIB_Official today.
— Moosa Zameer (@MoosaZameer) July 23, 2024
Greatly appreciate AIIB's support over the years in promoting and protecting our interests through deeper partnerships and… pic.twitter.com/K03o4qicu0
ޗައިނާ އެގްޒިމް ބޭންކުގެ ޗެއާމަން ވޫ ފޫލިންއާ އެކު ބޭއްވި ބައްދަލުވުމުގައި ރާއްޖޭގެ އެންމެ ފަހުގެ އިގްތިސާދީ އަދި މާލީ މައުލޫމާތު ވަނީ ހިއްސާކޮށްފަ އެވެ. އަދި ރައީސް މުއިއްޒުގެ އިސްލާހީ ޕްރޮގްރާމާއި މުސްތަގުބަލުގައި އެ ބޭންކާ ގުޅިގެން މަސައްކަތް ކުރެވޭނެ ގޮތްތަކާ ބެހޭގޮތުން މަޝްވަރާކުރި އެވެ.
Had the pleasure of meeting with the Chairman of China EXIM bank, Mr. Wu Fulin, in Beijing. Briefed him on the latest fiscal and economic updates and also on the reform programme announced by President Dr @MMuizzu.
— Moosa Zameer (@MoosaZameer) July 23, 2024
Discussion was focused on financing key development projects… pic.twitter.com/sLBHmxX4Au
ގުޅުންހުރި ކަމެއް - ޒަމީރުގެ މި ދަތުރުގައި މީގެ ކުރިން ވަނީ ޗައިނާ ސަރުކާރުގެ އިސް ބޭފުޅުންނާއި އެކި ކުންފުނިތަކުގެ އިސް ބޭފުޅުންނާ ބައްދަލުކުރައްވައި ރާއްޖޭގެ މަޝްރޫއުތަކުގައި ގުޅިގެން މަސައްކަތް ކުރުމާ ބެހޭގޮތުން މަޝްވަރާކޮށްފަ އެވެ.
