ފޮރިން މިނިސްޓަރު މޫސާ ޒަމީރު، ޗައިނާ ޓިއަންޔިންގް ކުންފުނީގެ އިސް ބޭފުޅުންނާ އެކު ބޭއްވި ބައްދަލުވުން.
ޒަމީރުގެ ޗައިނާ ދަތުރު: މަޝްރޫއުތައް ކުރިއަށްގެންދަން މަޝްވަރާތަކެއް
ރާއްޖޭގައި ހިންގާ އެކި މަޝްރޫއުތަކުގައި ޗައިނާގެ އެހީ ހޯދުމާ ގުޅޭ ގޮތުން ފޮރިން މިނިސްޓަރު މޫސާ ޒަމީރު، އެ ގައުމުގެ އެކި ކުންފުނިތަކާ މަޝްވަރާ ކުރައްވައިފި އެވެ.
ވީ ކިހިނެއް؟ - އެ މަޝްވަރާ ބައްދަލުވުންތައް ބޭއްވީ ޗައިނާގެ ފޮރިން މިނިސްޓަރު ވަންގް ޔީގެ ދައުވަތަކަށް ޒަމީރު އެ ގައުމަށް މިހާރު ކުރައްވަމުން ގެންދަވާ ދަތުރުގެ ތެރެއިންނެވެ.
ތަފްސީލު - ޒަމީރު މިއަދު ބައްދަލުކުރެއްވި ކުންފުނިތަކުގެ ތެރޭގައި ޗައިނާ މެޝިނަރީ އިންޖިނިއަރިން ކޯޕަރޭޝަން (ސީމެކް)، ޗައިނާ ސްޓޭޓް ކޮންސްޓްރަކްޝަން އިންޖިނިއަރިން ކޯޕަރޭޝަން (ސީއެސްސީއީސީ) އަދި ޗައިނާ ޓިއަންޔިންގް ހިމެނެ އެވެ.
އެ ބައްދަލުވުންތަކުގައި:
-
ސީމެކްގެ ޗެއާމަން ވެންގް ބޯއާ އެކު ބޭއްވި ބައްދަލުވުމުގައި ރާއްޖޭގައި ކުރިއަށްގެންދާ ބޯހިޔާވަހިކަމާއި އިއާދަކުރަނިވި ހަކަތައިގެ މަޝްރޫއުތަކަށް އެ ކުންފުނިން ފޯރުކޮށްދޭ އެހީތެރިކަން ފާހަގަކުރެއްވި
-
ރަސްމާލެ އާއި ގުޅިފަޅު މަޝްރޫއުތަކުގެ މަސައްކަތް ކުރިއަށްގެންގޮސް، އެ ކުންފުންޏާ ދެމެދު އޮންނަ ގުޅުން ބަދަހިކުރުމަށް އުންމީދުކުރައްވާ ކަމަށް ވިދާޅުވި
-
ސީއެސްސީއީސީ އާއި ޗައިނާ ޓިއަންޔިންގްއާ އެކު ބޭއްވި ބައްދަލުވުންތަކުގައި އެ ކުންފުނިތަކާ ގުޅިގެން ކުނި މެނޭޖު ކުރުމާއި އިޔާދަކުރަނިވި ހަކަތަ ތަރައްގީގެ އެކި ކަހަލަ މަޝްރޫއުތަކުގައި ގުޅިގެން މަސައްކަތް ކުރެވޭނެ ގޮތްތަކާ ބެހޭ ގޮތުން މަޝްވަރާކުރެއްވި
Had a productive discussion with Mr. Wang Bo, Chairman of the China Machinery Engineering Corperation (CMEC) today.
— Moosa Zameer (@MoosaZameer) July 21, 2024
We deeply appreciate their ongoing support for Maldives' development, particularly in social housing and renewable energy.
We look forward to progressing our… pic.twitter.com/hpYJ0zsVAv
Delighted to meet the Managing Director Chen Lie at China State Construction Engineering Corporation (CSCEC) HQ.
— Moosa Zameer (@MoosaZameer) July 21, 2024
An insightful visit to the CSCEC Exhibition Centre, followed by productive discussions on future collaboration in key developmental projects. pic.twitter.com/KgETmruEam
It was a pleasure to meet with Dr Yan Shengjun, Chairman and the team of China Tianying Inc.
— Moosa Zameer (@MoosaZameer) July 21, 2024
Discussed the progress in waste management and urban services projects, paving the way for sustainable development in the Maldives.
We also discussed further collaborations and… pic.twitter.com/OBN6E2NGh3
ޒަމީރުގެ ޗައިނާ ދަތުރު ނިންމަވާލައްވާނީ އަންނަ ބުދަ ދުވަހަށެވެ.
މި ދަތުރުގައި ފިނޭންސް މިނިސްޓަރު ޑރ. މުހައްމަދު ޝަފީގާއި ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބު އަދި ސަރުކާރުގެ ބައެއް އިސް އޮފިޝަލުން ވެސް ބައިވެރިވެވަޑައިގަންނަވަ އެވެ.