ތައިލެންޑްގެ އެއާޕޯޓެއް: އެގައުމުގައި މިހާރު ވިސާއާ ނުލާ 60 ދުވަސް ހުރެވޭނެ
ވިސާއާ ނުލާ ދިވެހިންނަށް 2 މަހު ތައިލެންޑްގައި ތިބެވޭ ގޮތް ހަދައިފި
ޗުއްޓީއަށާއި ބޭސްފަރުވާ އަދި ވިޔަފާރީގެ ބޭނުންތަކަށް ތައިލެންޑަށްދާ ދިވެހިންނަށް ވިސާއާ ނުލާ 60 ދުވަހު ތިބެވޭ ގޮތަށް ހަމަޖައްސައިފި އެވެ.
ވީ ކިހިނެއް؟ - ފޮރިން މިނިސްޓްރީން މިއަދު ނެރުނު ބަޔާނެއްގައި ބުނީ މި މަހުގެ 15 އިން ފެށިގެން ތައިލެންޑަށް ދަތުރުކުރާ ދިވެހިންނަށް އިތުރު ލުއިފަސޭހަތަކެއް ތައިލެންޑް ސަރުކާރުން ދީފައިވާ ކަމަށެވެ.
ތަފްސީލް - ފޮރިން މިނިސްޓްރީގެ ބަޔާނުގައި ބުނީ 60 ދުވަހުގެ ވިސާގެ މުއްދަތު އިތުރުކުރަން ބޭނުންވާ ހާލަތެއް މެދުވެރިވެއްޖެ ނަމަ، ވިސާގެ މުއްދަތު ހަމަވުމުގެ ކުރިން ތައިލެންޑް އިމިގްރޭޝަން ޑިޕާޓްމަންޓަށް އެކަން ހުށަހެޅުމުން އިތުރު 30 ދުވަހަށް ވިސާގެ މުއްދަތު އިތުރުކޮށްދޭގޮތަށް ހަމަޖެހިފައިވާ ކަމަށެވެ.
މިނިސްޓްރީން ވަނީ:
-
ބޭރަށް ދަތުރުކުރުމުގެ ކުރިން ޓްރެވެލް އިންޝުއަރެންސް ހޯދުން މުހިންމު
-
އެހެން ގައުމުތަކުގައި އުޅޭއިރު އެ ގައުމެއްގެ ގާނޫނާއި ގަވާއިދަށް ހުރުމަތްތެރިކޮށް ހިތަން އިލްތިމާސްކުރި
ފާހަގަކޮށްލެވޭ ކަމެއް - ރާއްޖެ ހިމެނޭހެން 93 ގައުމެއްގެ މީހުންނަށް ވިސާއާ ނުލާ 60 ދުވަހު އެ ގައުމުގައި ހުރެވޭ ގޮތަށް އެ ގައުމުން ވަނީ ނިންމާފަ އެވެ. ތައިލެންޑަކީ ގިނަ އަދަދެއްގެ ދިވެހިން އެކި ބޭނުންތަކުގައި ގޮސްއުޅޭ ގައުމެކެވެ.
ކޮމެންޓް (1)
ރަފީނާ