17 ޖުލައި 2024: އިމިގްރޭޝަނުން ބޭއްވި ނޫސްވެރިންގެ ބައްދަލުވުމުގައި "އިމިގްރޭޝަން ވޮޗް" އެޕް ލޯންޗުކުރަނީ (ދައުރު ފޮޓޯ/ އަބްދުﷲ އަނޫފް ޖުނައިދް)
ގަވާއިދާ ހިލާފަށް އުޅޭ ބިދޭސީން ހޯދަން އެޕެއް ތައާރަފްކޮށްފި
ގަވާއިދާ ހިލާފަށް އުޅޭ ބިދޭސީންގެ މައްސަލަތަކާއި އިމިގްރޭޝަނާ ގުޅުންހުރި މައްސަލަތައް ހުށަހަޅަން "އިމިގްރޭޝަން ވޮޗް" ނަމުގައި އެޕެއް ތައާރަފްކޮށްފި އެވެ.
ވީ ކިހިނެއް؟ - މި އެޕް ތައާރަފްކޮށްފައިވަނީ އިމިގްރޭޝަނުން މިއަދު ބޭއްވި ނޫސް ކޮންފަރެންސެއްގައި އިމިގްރޭޝަން ކޮންޓްރޯލާ މުހައްމަދު ޝައްމާން ވަހީދު އެވެ.
ތަފްސީލް - މި އެޕްލިކޭޝަނާ ގުޅޭގޮތުން ވާހަކަ ދައްކަވަމުން ޝައްމާން ވިދާޅުވީ މި އެޕްލިކޭޝަން މެދުވެރިކޮށް ކާކުކަން ނޭނގޭގޮތަށް ވެސް މައްސަލަ ރިޕޯޓުކުރެވޭނެ ކަމަށެވެ.
އެ އެޕާ ގުޅޭގޮތުން ޝައްމާން އިތުރަށް ވިދާޅުވީ:
-
ކޮންމެ މީހަކަށްވެސް ގަވާއިދާ ހިލާފަށް އުޅޭ ބިދޭސީންގެ މައްސަލަ ރިޕޯޓުކުރެވޭނެ
-
ވަގަށް ރާއްޖެ އެތެރެވާން އުޅޭ ބިދޭސީންގެ މައްސަލަ ހުށަހެޅޭނެ
-
24 ގަޑިއިރު މައްސަލަ ރިޕޯޓު ކުރެވޭނެ
-
ފޮޓޯ އާއެކު މައުލޫމާތު ހުށަހެޅޭނެ
ފަސް މަންޒަރު - ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދަން ފުލުހުންނާ ގުޅިގެން އިމިގްރޭޝަނުން އަންނަނީ ހާއްސަ ރެއިޑް އޮޕަރޭޝަންތައް ހިންގަމުންނެވެ. އެއޮޕަރޭޝަންތަކުގައި 2،000އަށް ވުރެ ގިނަ ބިދޭސީން ޑީޕޯޓް ކޮށްފައިވާ ކަމަށް އިމިގްރޭޝަނުން ބުންޏެވެ.