ފަލަސްތީނުން އދ. އަށް ކަނޑައަޅާފައި ހުންނަވާ މަންދޫބު ރިޔާދު މަންސޫރާއާއެކު ބޭއްވި ބައްދަލުވުމުގެ ތެރެއިން. (ފޮޓޯ/ޒަމީރު)
ޒަމީރު ފަލަސްތީނުގެ މަންދޫބާ ބައްދަލުކުރައްވައިފި
ފަލަސްތީނުން އދ.އަށް ކަނޑައަޅާފައި ހުންނަވާ މަންދޫބު ރިޔާދު މަންސޫރާ ބައްދަލުކުރައްވައި ބައިނަލްއަގުވާމީ މައިދާނުގައި އިޒްރޭލާ ދެކޮޅަށް ރާއްޖެއިން އަޑުއުފުލާނެ ކަމުގެ ޔަގީންކަން ފޮރިން މިނިސްޓަރު މޫސާ ޒަމީރު މިއަދު ދެއްވައިފި އެވެ.
ވީ ކިހިނެއް؟ - މި ޔަގީންކަން ޒަމީރު ދެއްވާފައިވަނީ މިހާރު އެމެރިކާއަށް ކުރައްވަމުން ގެންދަވާ ދަތުރުފުޅުގައި މިއަދު ނިއު ޔޯކަށް ވަޑައިގެން ރިޔާދުއާ އެކު ބޭއްވެވި ބައްދަލުކުރެއްވުމުގަ އެވެ.
ތަފްސީލް - ދެ ބޭފުޅުންގެ ބައްދަލުވުމުގެ ފޮޓޯއެއް 'އެކްސް'ގައި ހިއްސާކުރައްވައި ޒަމީރު ވިދާޅުވެފައިވާ ގޮތުން، އެ ބައްދަލުވުމުގައި:
-
ފަލަސްތީނުގެ މިނިވަން ދައުލަތެއް ގާއިމުކޮށް، އދ.ގެ ދާއިމީ މެމްބަރަކަށްވުމަށް ޒަމާންތަކެއް ވަންދެން ފަލަސްތީނުގެ ރައްޔިތުން ކުރަމުން އަންނަ މަސައްކަތަށް އެއްބާރުލުން ދިނުމުގައި ރާއްޖެ ދެމި އޮންނާނެ ކަމުގެ ޔަގީންކަން ދެއްވި
-
ވަގުތުން ހަމަލާ ބަދަލުކުރުން ހުއްޓާލުމަށް ގޮވާލުމާ އެކު، ގައްޒާގައި އިޒްރޭލުން ހިންގާ ގަތުލުއާއްމާ ދެކޮޅަށް އަޑުއުފުލުމުގައި ރާއްޖެ ދެމިތިބޭނެ ކަމުގެ ޔަގީންކަން ދެއްވި
Met with Ambassador Riyad Mansour @Palestine_UN this afternoon and reaffirmed the unwavering commitment of the #Maldives to support our brothers and sisters in Palestine to attain their long overdue right to self-determination and admission as a full member State of the UN.
— Moosa Zameer (@MoosaZameer) June 27, 2024
The… pic.twitter.com/EPjyQsDPNw
ފާހަގަކޮށްލެވޭ ކަމެއް - އެމެރިކާއަށް ކުރައްވަމުން ގެންދަވާ ދަތުރުގައި ޒަމީރު ވަނީ އެމެރިކާގެ ސެކްރެޓަރީ އޮފް ސްޓޭޓް އެންތަނީ ބްލިންކަންގެ އިތުރުން، އެމެރިކާ ސަރުކާރުގެ އެހީ ދޭ ޖަމިއްޔާ، ޔޫއެސް އޭޖެންސީ ފޯ އިންޓަނޭޝަނަލް ޑިވެލޮޕްމަންޓް (ޔޫއެސްއެއިޑް)ގެ އެންމެ އިސް ފަރާތް ކަމަށްވާ އެޑްމިނިސްްޓްރޭޓަރު ސަމަންތާ ޕަވާއާ ވެސް މީގެ ކުރިން ބައްދަލުކުރައްވާފަ އެވެ.
މި ބައްދަލުވުންތަކުގައި ދެ ގައުމުން ގުޅިގެން ކުރާނެ މަސައްކަތްތަކާ ގުޅޭ ގޮތުން މަޝްވަރާ ކުރައްވާފައިވެ އެވެ.
