މާދަމައިން ފެށިގެން ހުޅުމާލޭ އިމާރާތުގައި ޖިނާއީ ޝަރީއަތްތައް ފަށަނީ

ކްރިމިނަލް ކޯޓުގެ އިމާރާތް ބާވެ، އެ ކޯޓުގެ މަސައްކަތް ގާތްގަނޑަކަށް ހުއްޓިފައި އޮތުމަށް ފަހު، މާދަމާ އިން ފެށިގެން އެ ކޯޓުގެ ޝަރީއަތްތައް ހުޅުމާލޭގައި ހުންނަ ސިވިލް ކޯޓުގެ އިމާރާތުގައި ކުރިއަށްގެންދަން ނިންމައިފި އެވެ.

ވީ ކިހިނެއް؟ - އެކަން އިއުލާނުކޮށް ކްރިމިނަލް ކޯޓުގެ ފަރާތުން މިއަދު 'އެކްސް'ގައި ކުރި ޕޯސްޓުގައި ބުނީ:

އެނގުން މުހިއްމު - މާލޭގައި ކްރިމިނަލް ކޯޓު ހިންގަމުންދާ އިމާރާތުގެ ހާލަތު ހުރި ގޮތުން ކޯޓުގެ އިމާރާތުން ބައެއް ބޭނުން ނުކުރަން މިދިޔަ އަހަރު ފެބްރުއަރީގައި ޖުޑީޝަލް ސާވިސް ކޮމިޝަން (ޖޭއެސްސީ)އިން ވަނީ އަންގާފަ އެވެ. އަދި އޭގެ ފަހުން ކޯޓުގެ އިމާރާތައް ފެން ފައިބާ ކަރަންޓު ނިޒާމަށް ފެނުގެ އަސަރު ކުރުމުގެ ސަބަބުން ކޯޓުގެ ޝަރީއަތްތައް ކުރިއަށް ގެންގޮސްފައިވަނީ އެންމެ ޝަރީއަތްކުރާ މާލަމެއްގަ އެވެ.

އެކަމާ ގުޅިގެން ޖިނާއީ ޝަރީއަތްތައް މުޅިން ހުއްޓިފައިވާ ކަމަށް ވިދާޅުވެ، އުއްތަމަ ފަނޑިޔާރު އަހުމަތު މުއުތަސިމް އަދުނާން ވެސް ހިމެނިވަޑައިގަންނަވާހެން ގިނަ ބަޔަކު ކަންބޮޑުވުން ފާޅުކުރައްވާފައިވެ އެވެ.

ފާހަގަކޮށްލެވޭ - އެ ކަންބޮޑުވުންތަކަށް ހައްލެއް ހޯދުމުގެ ގޮތުން، މި ސަރުކާރުން މީގެ ކުރިން ބުނެފައިވަނީ ރޯދަ މަސް ތެރޭގައި ހުޅުމާލޭގައި ހުރި އިމާރާތަކަށް އެ ކޯޓު ބަދަލު ކުރަން މަސައްކަތް ކުރަމުންދާ ކަމަށެވެ.