ލޯނުތައް ދެއްކުން ފަސްކުރުމުގެ ވިސްނުމެއް ނެތް: ޗައިނާ ސަފީރު

ރާއްޖެއިން ޗައިނާއަށް ދައްކަން ޖެހޭ ދަރަނި އިތުރަށް ރީސްޓްރަކްޗާ ކުރުން، ނުވަތަ އެ ދަރަނިތައް ދެއްކުން ފަސްކުރުމުގެ ވިސްނުމެއް ނުގެންގުޅުއްވާ ކަމަށް ޗައިނާ އިން ރާއްޖެއަށް ކަނޑައަޅުއްވާފައިވާ ހުންނަވާ ސަފީރު ވަންގް ލީޝިން ވިދާޅުވެއްޖެ އެވެ.

ވީ ކިހިނެއް؟ - އޭނާ މިހެން ވިދާޅުވީ، އިއްޔެ ޗައިނާ އެމްބަސީން ބޭއްވި ނޫސްވެރިންގެ ބައްދަލުވުމެއްގައި ނޫސްވެރިންގެ ސުވާލުތަކަށް ޖަވާބުދެއްވަމުންނެވެ.  

އެނގުން މުހިއްމު - ސަރުކާރުގެ ސޮވެރިން ގެެރެންޓީ ހިމެނޭ ގޮތަށް ރާއްޖެއިން ޗައިނާއަށް ދައްކަން ޖެހޭ ދަރަނީގެ އަދަދު 1.37 ބިލިއަން ޑޮލަރަށް އަރާ ކަމަށް ވޯލްޑް ބޭންކުގެ ތަފާސްހިސާބުތައް ދައްކަ އެވެ. މިއީ ރާއްޖޭގެ ބޭރު ދަރަނީގެ %20 އެވެ.

މި ލޯނުތައް ދެއްކުން ކުރިއަށް އޮތް ފަސް އަހަރަށް ފަސްކޮށްދޭން ނުވަތަ ވީހާ ވެސް ލުއި ގޮތްތަކެއް ހަމަޖައްސައިދޭނެ ކަމުގެ ފެހި ސިގްނަލް ލިބިފައިވާ ކަމަށާއި އެ ކަމާ ގުޅޭ މަޝްވަރާތައް ފަށަން ދެ ގައުމުން އެއްބަސްވެފައިވާ ކަމަށް މިދިޔަ ޖެނުއަރީ މަހު ޗައިނާއަށް ކުރެއްވި ދަތުރުފުޅަށް ފަހު މާލެވަޑައިގެން ރައީސް މުހައްމަދު މުއިއްޒު ވިދާޅުވެފައިވެ އެވެ.

ނަމަވެސް، ރާއްޖޭގެ މަރުކަޒީ ބޭންކު އެމްއެމްއޭ އިން މާޗު މަހު ބުނީ، ޗައިނާއަށް ދައްކަން ހުރި ލޯނުތައް ރީސްޓަރަކްޗާ ކުރެވިފައި ހުރި ކަމުގެ އެއްވެސް މައުލޫމާތެއް ނުލިބޭ ކަމަށެވެ.

ބުނީ ކީކޭ؟ - "ދަރަނި ރީސްޓްރަކްޗާ ކޮށްފި ނަމަ ފަހަރުގައި [ރާއްޖެއިން ހިންގާ] އާ މަޝްރޫއުތަކަށް [ކުރިއަށް އޮތް ތަނުގައި ޗައިނާއިން] ދަރަނި ނުނެގޭ ގޮތް ވެދާނެ،" ދަރަނި ދެއްކުން ފަސްކުރަން ނުވިސްނަވާ ސަބަބަކަށް ޗައިނާގެ ސަފީރު ފާހަގަކުރެއްވި އެވެ.

"އެހެންވީމަ، މި މައްސަލައަށް ހައްލެއް ހޯދަން [ދެ ގައުމުގެ] ޓެކްނިކަލް ސްޓާފުން ދަނީ މަސައްކަތް ކުރަމުން."

ސަފީރު އިތުރަށް ވިދާޅުވި ގޮތުގައި:

"އެކަމަކު ހުރިހާ ކަމެއް ހިލޭ އެހީގެ ދަށަކުން ނުކުރެވޭނެ. އެހެންކަމުން އެހެން ގޮތްގޮތުން އާ މަޝްރޫއުތަކަށް ފައިސާ ހޯދަން ތިޔަ ބޭފުޅުން ދިވެހި ސަރުކާރަށް އެހީތެރިވާނެ ކަމަށް އަޅުގަނޑު އުންމީދު ކުރަން،" ނޫސްވެރިންގެ ބައްދަލުވުމުގެ ބައިވެރިންނަށް ވަންގް ލީޝިން ވިދާޅުވި އެވެ.

ފާހަގަކޮށްލެވޭ - އިއްޔެގެ ބައްދަލުވުމުގައި، ޗައިނާ އިން ރާއްޖެ ދަރަނި ދަންތުރައެއްގައި ޖައްސަން އުޅޭ ކަމަށް އެކި ފަރާތްތަކުން ދައްކާ ވާހަކައަށް ވެސް ސަފީރު ރައްދު ދެއްވާފައިވެ އެވެ. އެގޮތުން، އެ ވާހަކަތައް ދިވެހި ރައްޔިތުން ގަބޫލުކުރޭތޯ އަދި އެއްވެސް ސަރުކާރަކުން ރާއްޖެ އެފަދަ ދަންތުރައެއްގައި ޖެއްސޭނެ ގޮތަށް ކަންކަން ކުރައްވާނެތޯ އޭނާ ސުވާލު އުފެއްދެވި އެވެ.

ސަފީރު އިތުރަށް ވިދާޅުވީ: