ހުޅުމާލޭ ނިރޮޅު މަގު. (ދައުރު ފައިލް ފޮޓޯ)
ހުޅުމާލޭގައި ހިނގި އެކްސިޑެންޓެއްގައި 36 އަހަރުގެ މީހަކު މަރުވެއްޖެ
ހުޅުމާލޭގައި މިދިޔަ ހަފްތާގައި ހިނގި އެކްސިޑެންޓެއްގައި 36 އަހަރުގެ މީހަކު މަރުވެއްޖެ އެވެ.
ވީ ކިހިނެއް؟ - މަރުވެފައިވަނީ ހުޅުމާލޭ ނިރޮޅުމަގު އެމްޑަބްލިޔުއެސްސީ ކައިރިން ދުއްވާފައި ދިޔަ ސައިކަލެއް ކަހާލައިގެން ވެއްޓި ހިނގި އެކްސިޑެންޓެއްގައި ސައިކަލު ދުއްވަން އިން ދިވެހި ފިރިހެނެކެވެ. މި އެކްސިޑެންޓް ހިނގާފައިވަނީ މިދިޔަ ހަފްތާގެ އާދިއްތަ ދުވަހުގެ ހަވީރު ކަމަށް ފުލުހުން ބުންޏެވެ.
ތަފްސީލް - ފުލުހުން އިތުރަށް ބުނި ގޮތުގައި:
-
ސައިކަލް ދުއްވަން އިން މީހާއަށް އަނިޔާ ވެގެން ފުރަތަމަ ފަރުވާ ދިނީ ހުޅުމާލޭ ހޮސްޕިޓަލްގައި؛ އެއަށް ފަހު އިތުރު ފަރުވާ ދިނުމަށް އޭޑީކޭ ހޮސްޕިޓަލަށް ބަދަލުކޮށްފައިވޭ
-
އޭޑީކޭ ހޮސްޕިޓަލުގައި ފަރުވާ ދެމުން ދަނިކޮށް މިދިޔަ ހަފްތާގެ ހޯމަ ދުވަހު އޭނާ މަރުވެފައިވާ ކަމަށް ފުލުހުންނަށް މައުލޫމާތު ލިބިފައިވޭ
އެ މައްސަލަ ތަހުގީގު ކުރަމުން ގެންދާ ކަމަށް ވެސް ފުލުހުން ވިދާޅުވި އެވެ.
ކޮމެންޓް (1)
ޙަޒްރާ