ސަފީރުންގެ ގޮތުގައި އައްޔަންކުރަން މަޖިލީހުން މިއަދު ރުހުން ދިން ބައެއް ބޭފުޅުން (ކަނާތުން ވާތަށް)، އިރުތިޝާމް، ނަސީރު، މަސްއޫދު، މުހައްމަދު ހުސެން ޝަރީފް އަދި ގީލާ އަލީ
މުހައްމަދު ހުސެން ޝަރީފާ އެކު 8 ސަފީރަކަށް ރުހުން ދީފި
ޔޫއޭއީގައި ހުންނަވާ ރާއްޖޭގެ ސަފީރު ކަމަށް ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމުގައި ހުންނެވި މުހައްމަދު ހުސެން ޝަރީފް (މުންދު) އައްޔަންކުރަން ރައްޔިތުންގެ މަޖިލީހުން މިއަދު ރުހުން ދީފި އެވެ.
ވީ ކިހިނެއް؟ - މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި މުހައްމަދު ހުސެން ޝަރީފް ހިމެނޭހެން އަށް ސަފީރަކަށް ވަނީ ރުހުން ދީފަ އެވެ.
ތަފްސީލު - މިއަދުގެ ޖަލްސާގައި ރުހުން ދިން ސަފީރުންނަކީ؛
-
ޔޫއޭއީގައި ހުންނަވާ ރާއްޖޭގެ ސަފީރު ކަމަށް މުހައްމަދު ހުސެން ޝަރީފް
-
އދ.ގައި ހުންނަވާ ރާއްޖޭގެ ދާއިމީ މަންދޫބު ކަމަށް ޑރ. އަލީ ނަސީރު މުހައްމަދު
-
އިނގިރޭސިވިލާތުގައި ހުންނަވާ ރާއްޖޭގެ ސަފީރު ކަމަށް ޑރ. އިރުތިޝާމް އާދަމް
-
ސްރީ ލަންކާގައި ހުންނަވާ ރާއްޖޭގެ ސަފީރު ކަމަށް މަސްއޫދު އިމާދު
-
މެލޭޝިއާގައި ހުންނަވާ ރާއްޖޭގެ ސަފީރު ކަމަށް ޑރ. މަރިޔަމް ޝަބީނާ އަހުމަދު
-
ޔޫރަޕިއަން ޔޫނިއަން އަދި ބެލްޖިއަމްގައި ހުންނަވާ ރާއްޖޭގެ ސަފީރު ކަމަށް ގީލާ އަލީ
-
ޖެނީވާގައި ހުންނަވާ އދ.ގެ އޮފީސްތަކަށް ރާއްޖޭން ކަނޑައަޅާފައި ހުންނަވާ ދާއިމީ މަންދޫބަކަށް ޑރ. ސަލްމާ ރަޝީދު
-
ސިންގަޕޫރުގައި ހުންނަވާ ރާއްޖޭގެ ސަފީރުކަމަށް މުހައްމަދު ލުވޭޒު
ފާހަގަކުރެވޭ - މިއީ ރައީސް މުހައްމަދު މުއިއްޒުގެ ސަރުކާރުން ސަފީރުންގެ ހަމަޖައްސަން މަޖިލީހަށް ފޮނުވި ނަންތަކުގެ ތެރެއިން ސަފީރުން އައްޔަން ކުރުމަށް ފާސްކުރި ފުރަތަމަ ބޭފުޅުންނެވެ.
ކޮމެންޓް (2)
ޙަސަނަ
ބޭބެ