ރައްޔިތުންގެ މަޖިލިސް މިއަހަރަށް ހުޅުވުމުގެ ޖަލްސާއަށް ބޭފުޅުން ވަޑައިގަތުން ތެރެއިން ރައީސްގެ އެޑްވައިޒަރު އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ(އަދުރޭ)، (ފޮޓޯ/ މަޖިލިސް)
މަޖިލިސް ރައީސްކަމާ މެދު އަދި ނުވިސްނަން؛ ގޮތް ނިންމާނީ ރައީސް: އަބްދުއްރަހީމް
ވިހި ވަނަ މަޖިލީހުގެ ރައީސް ކަމުގެ މަގަމަށް ވަޑައިގަތުމާ މެދު އޭނާ ނުވިސްނަވާ ކަމަށާއި އެ މަގާމަށް އަންނަ ބޭފުޅަކު ނިންމަވާނީ ރައީސް މުހައްމަދު މުއިއްޒު ކަމަށް ފޮނަދޫ ދާއިރާގެ އިންތިހާބީ މެންބަރު އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
ވީ ކިހިނެއް؟ - ސަރުކާއަށް މަޖޯރިޓީ ލިބިއްޖެނަމަ، މަޖިލީހުގެ ރައީސްކަމަށް ވަޑައިގަނަންވާނެކަމަށް ބެލެވުނު މެންބަރުންގެ ތެރޭގައި ހިމެނިވަޑައިގަންނަވާ އަބްދުރަހީމް ވަނީ މިއަދު މަޖިލިސް ރައީސްގެ މަގާމަށް އަންނާނެ މީހަކާ ގުޅޭ ގޮތުން 'ދައުރު'ން ސުވާލު ކުުރުމުން ޖަވާބު ދެއްވާފަ އެވެ.
ތަފްސީލު - އަބްދުއްރަހީމް ވިދާޅުވީ، މަޖިލިސް ރައީސްކަމަށް ގެންނާނެ މީހަކާމެދު ޕާޓީ ތެރޭގައި އަދި ރަސްމީކޮށް މަޝްވަރާ ނުކުރާ ކަމަށެވެ.
"އަޅުގަނޑު [ވާދަ] ނުކުރާނަން، ރައީސް [މުއިއްޒު] ބޭނުންފުޅު ނުވަންޏާ،" އޭނާ އެ މަގާމަށް ކުރިމަތިލައްވާނަންތޯ އެހުމުން ވިދާޅުވި އެވެ.
އެއް ދައުރުގެ މެދުކެނޑުމަކަށް ފަހު، ތިން ވަނަ ދައުރަކަށް ފޮނަދޫ ދާއިރާއަށް އިންތިހާބުވެވަޑައިގެންނެވި އަބްދުއްރަހީމް ވިދާޅުވީ ގޮތުގައި ރައީސް މުއިއްޒު ވެސް އަދި އެ މަގާމަށް ގެންނާނެ މީހަކާ ގުޅޭ ގޮތުން އަދި މަޝްވަރާއެއް ނުކުރައްވަ އެވެ.
"އަޅުގަނޑުމެން ތެރޭ ވާހަކަ ދައްކާފައި، އެ ނިންމާ ބޭފުޅަކާއެކު [ކުރިއަށް] ދަނީ،" އެކަން އޮންނާނީ ރައީސް ނިންމަވާ ގޮތަކަށްކަން ފާހަގަކުރައްވައި އޭނާ އިތުރަށް ވިދާޅުވި އެވެ.
އަބްދުއްރަހީމް މަޖިލިސް ރައީސް ކަމަށް ޝައުގުވެރިވޭތޯ ސުވާލުކުރުމުން ވިދާޅުވީ، "އަޅުގަނޑު މި ދަންނަވަނީ ހަމަ ވަރަށް ތެދަށް، އެއްވެސް ވަރަކަށް އަދި އެކަމާ ނުވިސްނަން" ކަމަށެވެ.
ފާހަގަކޮށްލެވޭ ކަމެއް - އާދިއްތަ ދުވަހު ބޭއްވި މަޖިލިސް އިންތިހާބުގައި، 20 ވަނަ މަޖިލީހަށް އިންތިހާބުވި މެންބަރުން މަގާމުގެ ހުވާ ކުރެއްވުން އޮތީ، އަންނަ މަހު28ގަ އެވެ.
ކޮމެންޓް (4)
މިމީހާ
މެސްކޯ
ޑިރާސާ
ހުޅުނބު