މަޖިލީހަށް 43 އަންހެނުން ކުރިމަތިލި، ކާމިޔާބު ކުރެވުނީ ތިން ބޭފުޅުންނަށް

ރައްޔިތުންގެ މަޖިލީހުގެ އިންތިހާބުގައި ވާދަކުރެއްވި އަންހެން ކެންޑިޑޭޓުންގެ ތެރެއިން ސަރުކާރުން ތާއިދު ކުރައްވާ ތިން މެމްބަރުން ހޮވިވަޑައިގެންފި އެވެ.

ވީ ކިހިނެއް؟- މި ފަހަރުގެ އިންތިހާބުގައި 43 އަންހެން ކެންޑިޑޭޓުން ވާދަކުރެއްވި އެވެ. އެއީ:

އިންތިހާބުގައި ކާމިޔާބީއާ ހަމައަށް ދެވުނީ ސަރުކާރުން ތާއީދު ކުރާ ތިން ކެންޑިޑޭޓެވެ. އެއީ:

މަޖިލީހުގައި މާފަންނު މެދު ދާއިރާގެ ގޮނޑި މީގެ ކުރިން ފުރުއްވި އަސްމާއަކީ، ޕީއެންސީގެ ޕްރައިމަރީ އިން ކުރި ހޯއްދެވި ހަމައެކަނި އަންހެން މެމްބަރެވެ. އޭނާއަކީ، ޔޫއޭއީގައި ހުންނަވާ ދިވެހި ސަފީރުގެ މަގާމަށް މި ސަރުކާރުން ކަނޑައެޅި މުހައްމަދު ހުސެން ޝަރީފް (މުންދު)ގެ މަންމަ އެވެ.

ނިލަންދޫ ދާއިރާ ކާމިޔާބު ކުރެއްވި ސައުދާއަށް ޓިކެޓް ލިބިވަޑައިގެންނެވީ ޕްރައިމަރީއަކާ ނުލަ އެވެ. އޭނާއަކީ ރައީސް ޑރ. މުހައްމަދު މުއިއްޒުގެ ކޮއްކޯފުޅެވެ.

ކުރިން މަކުނުދޫ ދާއިރާގެ މެމްބަރުކަން ކުރެއްވި އަނާރާ، މި ފަހަރު ހުރާ ދާއިރާއަށް ފުރަތަމަ ކުރިމަތިލެއްވީ ޕީއެންސީގެ ކެންޑިޑޭޓެއްގެ ގޮތުގަ އެވެ. އެކަމަކު ޕްރައިމަރީއިން ނާކާމިޔާބުވެ ވަޑައިގަތުމުން، ދެން ކުރިމަތިލެއްވީ އަމިއްލަ ގޮތުންނެވެ. ނަމަވެސް ސަރުކާރުގެ އިސްބޭފުޅުން ތާއިދު ކުރެއްވުމުން، އޭނާ ކެމްޕޭން ކުރެއްވީ ސަރުކާރު ކެންޑިޑޭޓުގެ ގޮތުގަ އެވެ.

އެމްޑީޕީ އިން ފަސް މެމްބަރުން ވާދަކުރެއްވި އެވެ. އެއީ:

މިހާރު މަޖިލީހުގައި ތިއްބަވަނީ އަންހެން ފަސް މެމްބަރުންނެވެ. އޭގެތެރެއިން ބައެއް ބޭފުޅުން އިންތިހާބުގައި ވާދަކުރެއްވި ނަމަވެސް ކާމިޔާބެއް ނުކުރެވުނެވެ.