15 އަހަރަށްފަހު އީވާއަށް ގޮނޑި ގެއްލިއްޖެ، ކާމިޔާބުކުރީ ކުޑޫ

ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރުކަން 15 އަހަރު ވަންދެން ފުރުއްވި މެމްބަރު އީވާ އަބްދުﷲ ބަލިކޮށް، އެ ދާއިރާގެ ގޮނޑި އެމްޑީޕީގެ ފަރާތުން ވާދަކުރައްވާ މުހައްމަދު އިބްރާހީމް (ކުޑޫ) ކާމިޔާބުކޮށްފި އެވެ.

ވީ ކިހިނެއް؟ - އީވާ ވަނީ މީގެ ކުޑައިރުކޮޅެއް ކުރިން މުހައްމަދު އިބްރާހިމް އަށް މަރުހަބާ ދަންނަވާފަ އެވެ.

"ވޭތުވެދިޔަ ތާނގައި ގަލޮޅު އުތުރުން ދެއްވި އިތުބާރާ ޔަގީންކަމަށް ހިތުގެ ހާލިސް ޝުކުރު ދަންނަވަން." އެކްސްްގައި ކުރެއްވި އެ ޕޯސްޓުގައި އީވާ ވިދާޅުވި އެވެ.

މިހާތަނަށް ލިބިފައިވާ ވަގުތީ ނަތީޖާތަކުން ދައްކާގޮތުގައި:

މި ގޮނޑި ކާމިޔާބު ކުރެއްވި މުހައްމަދު އިބްރާހިމާ އެންމެ ގާތުން ވާދަކުރައްވަނީ އަމިއްލަ ގޮތުން ސަރުކާރުކާރުގެ ތާއީދު ލިބިގެން ވާދަކުރެއްވި ކެންޑިޑޭޓު އައިމިނަތު މިޔާދާ (އާނަ) އެވެ. އޭނާއަށް މިހާތަނަށް ވަނީ 150 ވޯޓު ލިބިފަ އެވެ.

މަޖިލީހުގެ ނައިބު ރައީސްކަން ވެސް ކުރައްވާފައިވާ އީވާއަށް 15 އަހަރަށް ފަހު ގަލޮޅު ގޮނޑި ގެއްލިގެންދިޔަ އިރު، މި އިންތިހާބުގައި ޑިމޮކްރެޓްސްގެ އެއްވެސް މެމްބަރަކަށް ގޮނޑިއެއް ކާމިޔާބު ކުރެވިފައެއް ނުވެ އެވެ.