ތިން ރަށެއްގައި ހޮސްޕިޓަލް އަޅަން އެމްޓީސީސީއާ ހަވާލުކުރުން (ފޮޓޯ/ހެލްތު މިނިސްޓްރީ)
މުލި، މަނަދޫ އަދި އަލިފުށީ ހޮސްޕިޓަލުގެ މަސައްކަތް އެމްޓީސީސީއަށް
މ. މުއްޔާއި ނ. މަނަދޫގެ އިތުރުން ރ. އަލިފުށީގައި ހޮސްޕިޓަލް އިމާރާތް ކުރަން އެމްޓީސީސީއާ ހަވާލުކޮށްފި އެވެ.
ވީ ކިހިނެެއް؟ - މިއަދު ހެލްތު މިނިސްޓްރީގައި ބޭއްވި ރަސްމިއްޔާތެއްގައި ހޮސްޕިޓަލް އިމާރާތް ކުރުމުގެ އެއްބަސްވުމުގައި ވަނީ ސޮއިކޮށްފަ އެވެ.
ތަފްސީލް - ހެލްތު މިނިސްޓްރީ އިން ބުނީ، މި ތިން ރަށުގައި އާ ހޮސްޕިޓަލް އަޅާ ހިދުމަތް ދޭން ފެށުމުން އެ ރަށްތަކުގައި ސިއްހީ ހިދުމަތް ދޭ މަރުކަޒުތަކަށް ދިމާވެފައިވާ ޖާގައިގެ ދަތިކަން ހައްލުވާނެ ކަމަށެވެ. އަދި އެ މަރުކަޒުތައް ގިންތިކޮށްފައިވާ މިންވަރަށް ފޯރުކޮށްދޭން ޖެހޭ ހުރިހާ ހިދުމަތެއް ފޯރުކޮށްދެވޭނެ ކަމަށް ވެސް ބުންޏެވެ.
މިއާ އެކު އެ ރަށްތަކާއި، ރަށްތަކުގެ ކައިރި ރަށްރަށުން ސިއްހީ ހިދުމަތް ހޯދާ ރައްޔިތުންނަށް ވެސް ލުއި ލިބޭނެ ކަމަށް ބުންޏެވެ.
ތިން ރަށެއްގައި އައު ހޮސްޕިޓަލް އެޅުމުގެ މަސައްކަތް ފެށުމަށް އެމްޓީސީއާއި މިއަދު ޙަވާލުކޮށްފި އެވެ.
— Ministry of Health (@MoHmv) April 20, 2024
ނ މަނަދޫ އަދި މ. މުލީ 50 އެނދުގެ ހޮސްޕިޓަލް / 720 ދުވަސްތެރޭ މަސައްކަތް ނިންމަން.
ރ އަލިފުށި، 30 އެނދުގެ ހޮސްޕިޓަލް / 730 ދުވަހުގެ ތެރޭގައި މަސައްކަތް ނިންމަން. pic.twitter.com/4PX8FiXGKj
މި އެއްބަސްވުމުގެ ދަށުން
-
މުއްޔާއި މަނަދޫގަައި އަޅާނީ 50 އެނދުގެ ހޮސްޕިޓަލެއް
-
އަގު 185 މިލިއަން ރުފިޔާ
-
މަސައްކަތުގެ މުއްދަތު 2 އަހަރު
-
އަލިފުށީގައި އަޅަނީ 30 އެނދުގެ ހޮސްޕިޓަލެއް
-
އަގަކީ 128 މިލިއަން ރުފިޔާ
-
މަސައްކަތުގެ މުއްދަތު 730 ދުވަސް
މިއީ ކޮވިޑް-19 ފަދަ ބަލިތައް ފެތުރޭ ހާލަތްތަކުގައި ހޮސްޕިޓަލުގެ އޮޕަރޭޝަން ނުހުއްޓި ކުރިޔަށް ގެންދެވޭނެހެން ފްލޫ ކްލިނިކާއި، އައިސޮލޭޝަން ފެސިލިޓީއާ އެކު ތަރައްގީކުރާ ހޮސްޕިޓަލުތަކެކެވެ.
ކޮމެންޓް