ސަރުކާރުގެ މެމްބަރުން މަޖިލީހުގައި ތިބުމުގެ ނަތީޖާ ރަނގަޅުވާނެ: ރައީސް

ރައްޔިތުންގެ މަޖިލީހަށް ސަރުކާރުގެ މެމްބަރުން އިންތިހާބުކޮށް މެޖޯރިޓީ ދީފި ނަމަ އޭގެ ނަތީޖާ ރަނގަޅުވާނެ ކަމުގެ ޔަގީންކަން ރައީސް މުހައްމަދު މުއިއްޒު މިރޭ ދެއްވައިފި އެވެ.

ވީ ކިހިނެއް؟ - ރައީސް މިހެން ވިދާޅުވީ، މާލޭގައި ދިރިއުޅޭ އައްޑޫ ރައްޔިތުންނާ ބައްދަލުކުރެއްވުމަށް މިރޭ ހިރިޔާ ސްކޫލް ހޯލްގައި ބޭއްވި ކެމްޕޭން ޖަލްސާއެއްގަ އެވެ. މިއީ އާދީއްތަ ދުވަހު ބާއްވާ އިންތިހާބުގައި މަޖިލީހުގެ ހިތަދޫ މެދު ދާއިރާއަށް ވާދަކުރައްވާ ސަރުކާރުގެ ކެންޑިޑޭޓު އަހުމަދު އަޒާނަށް ތާއީދު ހޯދުމަށް ބޭއްވި ޖަލްސާއެކެވެ.

ތަފްސީލް - މި ޖަލްސާގައި ވާހަކަފުޅުދައްކަވަމުން ރައީސް މުއިއްޒު ތަކުރާރުކޮށް އެދިވަޑައިގަތީ، އައްޑޫ ރައްޔިތުންގެ ޒަމާންވީ ތަރައްގީގެ ހުވަފެންތައް ހަގީގަތަކަށް ހެދުމަށް، ސަރުކާރަށް ނިސްބަތްވާ އެ ދާއިރާގެ އަށް ކެންޑިޑޭޓުން މަޖިލީހަށް ހޮވައިދިނުމަށެވެ.

އައްޑޫއަށް މި ސަރުކާރުން ކޮށްދޭން ނިންމާފައިވާ ކަންކަން ފާހަގަކުރައްވަމުން ރައީސް ވިދާޅުވީ، އެ މަނިކުފާނުގެ އޮތީ އެންމެ އަމާޒެއް ކަމަށާއި އެއީ ނަތީޖާ ނެރުން ކަމަށެވެ. އަދި އެ ނަތީޖާ ނެރެދޭން ރައްޔިތުންގެ ފަރާތުން ބޭނުންވަނީ ވަރަށް ކުޑަކުޑަ "ޕުޝްއެއް" ކަމަށް ވިދާޅުވި އެވެ.

"އޭރުން ވަރަށް ބާރު ސްޕީޑުގައި ރާއްޖޭގެ ރައްޔިތުން ބޭނުންވާ ފެންވަރަށް ހުރިހާ ކަމެއް އަޅުގަނޑު ވައުދުވީ ގޮތަށް ކޮށްެދޭންނަން މި ފަސް އަހަރު. އެހެންވީމައި އަޅުގަނޑުމެންގެ 93 ކެންޑިޑޭޓުން ހޮވައިދޭންވީ ރާއްޖޭގެ ހުރިހާ ދާއިރާތަކަކުން. އޭގެ ނަތީޖާ ރަނގަޅުވާނެ،" ރައީސް ވިދާޅުވި އެވެ.

ރައީސް އިތުރަށް ވިދާޅުވީ:

ރައީސް ވިދާޅުވީ ރައްޔިތުން ބޭނުންވާ ތަރައްގީ ހޯދުމަށް މި އިންތިހާބުގައި ލިބެނީ ރަނުގެ ފުރުސަތެއް ކަމަށާއި އެ ފުރުސަތު ނަގާލައިގެން ނުވާނެ ކަމަށެވެ.