އެއާޕޯޓުން ކަރަންޓް ކެނޑި، އޮޕަރޭޝަނަށް ބުރޫއަރައިފި

ރާއްޖޭގެ މައި ވައިގެ ބަނދަރު، ވެލާނާ އިންޓަނޭޝަލް އެއާޕޯޓުން ކަރަންޓް ކެނޑި، އޮޕަރޭޝަންތަކަށް ބުރޫއަރައިފި އެވެ.

ވީ ކިހިނެއް؟ - އެއާޕޯޓުގައި ތިބި ބައެއް މީހުން 'ދައުރު'އަށް ބުނި ގޮތުގައި:

އެމްއޭސީލްގެ ބަސް - އެ ކުންފުނީގެ ކޮމިއުނިކޭޝަން ޑިރެކްޓަރު ޝައްމާން ޝާކިރުއާ 'ދައުރު'ން ސުވާލު ކުރުމުން ވިދާޅުވީ ބެކަޕް ޖަނަރޭޓެއް ގެންގޮސް އިންޓަނޭޝަނަލް ޓާމިނަލްއަށް މިހާރު ކަރަންޓް ދީފައިވާ ކަމަށެވެ.

"މައްސަލަ ހައްލުކުރަން މި ދަނީ މަސައްކަތް ކުރަމުން،"  ޝައްމާން ވިދާޅުވި އެވެ.

އެއާޕޯޓުގައި ތިބި ބައެއް މީހުން ބުނީ ބެކަޕް ޖަނަރޭޓަރުން ވެސް މައްސަލަ ހައްލު ނުވި ކަމަށެވެ. ޝައްމާން ވިދާޅުވި ގޮތުގައި ފުރަތަމަ ބެކަޕް ޖަނަރޭޓަރު ޖެއްސި އިރު ދޭތެރެ ދޭތެރެއިން ކަރަންޓު ކެނޑުނު ނަމަވެސް މިހާރު އެ ޖަނަރޭޓަރުން އިންޓަނޭޝަނަލް ޓާމިނަލްއަށް ކަރަންޓް ދެމުން އަންނަ ކަމަށެވެ.

"އޮޕަރޭޝަނަށް ބުރުލެއް ނައިސް ހިދުމަތް ދިނުމަށް އަޅުގަނޑުމެން މިދަނީ މަސައްކަތް ކުރަމުން،" އޭނާ ވިދާޅުވި އެވެ.