35 އަހަރުން މަތީގެ މީހުންނަށް މެޑިކަލް ޗެކްއަޕް ޕެކޭޖު ތައާރަފު ކޮށްފި

އުމުރުން 35 އަހަރުން މަތީގެ މީހުންނަށް އާސަންދަ މެދުވެރިކޮށް މެޑިކަލް ޗެކްއަޕް ހެއްދޭ ޕެކޭޖު މިއަދު ތައާރަފު ކޮށްފި އެވެ.

ވީ ކިހިނެއް؟ -ސަރުކާރުގެ އިންޝުއަރެންސް ސްކީމު، އާސަންދަ މެދުވެރިކޮށް ދިވެހިންނަށް މެޑިކަލް ޗެކްއަޕް ހެދޭނެ އިންތިޒާމު ހަމަޖެއްސުމަކީ ރައީސް މުހައްމަދު މުއިއްޒުގެ ރިޔާސީ ވައުދުފުޅެކެވެ. އެ ވައުދުފުޅާ އެއްގޮތަށް އާސަންދަ އިން މެޑިކަލް ހެދޭނެ އިންތިޒާމު ހަމަޖެއްސުމަށް ވަޒީރުންގެ މަޖިލީހުން ފާސްކުރީ މިދިޔަ ޑިސެމްބަރު މަހު އެވެ.

ތަފްސީލް - އާސަންދަ އިން މިއަދު ނެރުނު ބަޔާނެއްގައި ބުނީ، މިއަދުން ފެށިގެން އުމުރުން 35 އަހަރުން މަތީގެ މީހުންނަށް މެޑިކަލް ޗެކްއަޕް ހެދޭނެ ޕެކޭޖު ތައާރަފުކޮށްފައިވާ ކަމަށެވެ.

މީގެ އިތުރުން އެޑިއުކޭޝަން މިނިސްޓްރީ އިން ކަނޑައަޅާ ގްރޭޑުތަކުގެ ދަރިވަރުން ހަދަން ޖެހޭ ހާއްސަ ޓެސްޓުތައް ވެސް އާސަންދަ މެދުވެރިކޮށް ސަރުކާރު ހޮސްޕިޓަލުތަކުން ހެެދޭނެ އިންތިޒާމު މިހާރު ހަމަޖެހިފައިވާ ކަމަށް އާސަންދަ އިން ބުންޏެވެ.

އާސަންދަ އިން އިތުރަށް ބުނީ

އެނގުން މުހިއްމު - އާސަންދައިގެ ދަށުން މެޑިކަލް ޗެކްއަޕް ހެދެނީ ރަށްތަށުގައި ނަމަ ސިއްހީމަރުކަޒުތަކާއި ރީޖަނަލް އަދި އަތޮޅު ހޮސްޕިޓަލްތަކުންނެވެ.

މާލެ ސަރަހައްދުން އާސަންދަ މެދުވެރިކޮށް މެޑިކަލް ޗެކްއަޕް ހެދޭނީ ހުޅުމާލޭ ހޮސްޕިޓަލާއި އައިޖީއެމްއެޗް އަދި ވިލިމާލެ ހޮސްޕިޓަލުންނެވެ.

އެއް އަހަރު ތެރޭ ދެވަނަ މެޑިކަލް ޗެކްއަޕްއެއް ހަދަން ޖެހިއްޖެ ނަމަ، ޑޮކްޓަރުންގެ ލަފައާ އެކު އޮންނަ އުސޫލުގެ ދަށުން ދެވަނަ ޗެކްއަޕެއް ވެސް ހެދޭނެ އެވެ.