މިދިޔަ އަހަރުގެ ރިޕޯޓު ފޯމް ދިން ދުވަހެއްގައި ދަރިވަރުންނާއި ބެލެނިވެރިނަތްކެއް ސްކޫލުން ނުކުންނަނީ (ދައުރު ފޮޓޯ/އިބްރާހިމް އިފާޒް)
ސްކޫލްތަކުގެ އިމްތިހާން އަވަސް ނުކުރާ ގޮތަށް ނިންމައިފި
ރައްޔިތުންގެ މަޖިލީހުގެ އިންތިހާބާ ގުޅިގެން ސްކޫލު ކުދިންގެ އިމްތިހާނު އަވަސް ކުރަން ކުރިން ނިންމި ނަމަވެސް، އެއަށް އަމަލު ނުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ވީ ކިހިނެއް؟- ރައްޔިތުންގެ މަޖިލީހުގެ އިންތިހާބު ބާއްވާގޮތަށް ހަމަޖައްސާފައިވަނީ އަންނަ މަހު 21 ގަ އެވެ. އެކަމަކު އެ ތާރީހާ، ސްކޫލު ކުދިންގެ އިމްތިހާނާ ދިމާވާތީ، އިމްތިހާނު އަވަސް ކުރުމަށް މި މަހުގެ ކުރީކޮޅު ސަރުކާރުން ނިންމި އެވެ.
އެގޮތުން މިނިސްޓްރީން ސްކޫލުތަކަށް ފޮނުވި ސާކިއުލާއެއްގައި ބުނީ:
-
2023- 2024 ވަނަ އަހަރުގެ ދިރާސީ ކަލަންޑަރުގައި ގްރޭޑު 7،8 އަދި 9ގެ ދަރިވަރުންގެ އިމްތިހާނު ބޭއްވުމަށް 16 އޭޕްރީލް އިން 27 އަށް ކަނޑައަޅާފައިވީ ނަމަވެސް މަޖިލިސް އިންތިހާބާ ދިމާވާތީ އިންތިހާބު ފަށާ ތާރީހަށް ބަދަލު ގެނެސްފައިވާ ކަމަށް
-
އަދި މި މަހުގެ 27 އާއި އަންނަ މަހުގެ 25 އާ ދެމެދު ރަސްމީ ދުވަސްތަކުގައި އިމްތިހާނުތައް ބާއްވާ ނިންމަން އެދުނު
-
އެއާއެކު އެކަމާމެދު ހިތްހަމަ ނުޖެހި ގިނަ ބެލެނިވެރިންނާއި ދަރިވަރުން ކަންބޮޑުވުން ފާޅުކުރި
ތަފްސީލު- ސަންގު ޓީވީގެ ޕްރޮގްރާމެއްގައި، ޑރ. މުއިއްޒު ރޭ ވަނީ މި ބަދަލާ ގުޅޭގޮތުން ވާހަކަފުޅު ދައްކަވާފަ އެވެ. އެ މަނިކުފާނު ވިދާޅުވި ގޮތުގައި:
-
އެޑިއުކޭޝަން މިނިސްޓަރު ޑރ. އިސްމާއީލް ޝަފީއުއާ ވާހަކަ ދައްކަައިގެން، އެ އިމްތިހާނުތައް އަވަސް ނުކުރާ ގޮތަށް ހަމަޖައްސާނެ
-
އެފަދަ ކަންކަން ރާއްވަވާނީ، ބެލެނިވެރިންނާއި ދަރިވަރުންނަށް ދަތިނުވާ ގޮތަށް ކަމަށް ވިދާޅުވި
އެކެޑެމިކް ކަލަންޑަރުގައި ވާގޮތުން ފުރަތަމަ ޓާމު ނިމޭނީ އޭޕްރީލް 30 ގައެވެ. އަދި މެއި 2 އިން 23 އަށް އެއީ އަހަރީ ޗުއްޓީ އެވެ.
ކޮމެންޓް (5)
ތެފައާސާ.
ޢަލީ
ޢަހުމަދު
މީމުހާނޫނު
ހުސައިން