ކުރީގެ ސަރުކާރުން ބަދަލު ދިނުމަށް ނިންމާފައިވާ 10 ސްޓެލްމަންޓެއް ހުއްޓުވައިފި

އާ ރައީސް ހުވާ ކުރެއްވުމާ ހަމަޔަށް، ބަދަލުގެ ގޮތުގައި 225 މިލިއަން ރުފިޔާއަށް ވުރެ ގިނަ ރުފިޔާ އެކި ފަރާތްތަކަށް ދިނުމަށް އެ ކޮމިޓީ ނިންމާފައިވޭ

ފައިސާގެ އިތުރުން ދޭން ކަނޑައެޅި ހަރުމުދަލާއި ރަށްރަށާއި ފަޅުފަޅު ފަދަ ތަންތަން އަގުމަގުކުރުމުން، އެކި ފަރާތްތަކަށް ބަދަލުގެ ގޮތުގައި 1 ބިލިއަން ރުފިޔާގެ އަގުހުރި ހަރުމުދަލާއި ފައިސާ ދައުލަތުގެ މިލްކިއްޔާތުގެ ތެރެއިން ދޭން ނިންމާފައިވޭ

ޝަރުއީ މަރުހަލާގައި މައްސަލަ ކުރިއަށް ދަނިކޮށް، ބަންޑާރަ ނާއިބު އޮފީހުގެ އެއްވެސް ލަފައެއް ހޯދުމެއް ނެތި، ކޯޓުން ބޭރުގައި މި އުސޫލުގެ ދަށުން ހައްލުކޮށްފައިވާ ފަސް މައްސަލައެއް ފާހަގަކުރެވޭ

މި މައްސަލަތައް ކޯޓުން ބޭރުގައި ނިންމާފައިވަނީ، ބަންޑާރަ ނާއިބުގެ ފަރާތުން ޝަރުއީ މަރުހަލާގައި ފާހަގަކުރަމުން ގެންދިޔަ ނުކުތާތަކަށް ވެސް ރިއާޔަތްކުރުމަކާ ނުލައި އަދި އެ މައްސަލަތަކުގައި ދިނުމަށް ފެންނަ ބަދަލާ ގުޅޭގޮތުން އޮޑިޓަ ޖެނެރަލް ދީފައިވާ ލަފަޔާ ވެސް ހިލާފަށް 

ބަދަލުދޭން ނިންމާ ހަދާފައިވާ 10 ސެޓްލްމަންޓު ތެރޭގައި ގިނައިން ހިމެނެނީ އެކިއެކި މީހުންނަށް ޓޫރިސްޓް ރިސޯޓުތައް ހިންގުމަށް ރަށްތައް ދިނުން

ބަދަލުގެ ގޮތުގައި ފައިސާއާ ރަށްރަށް ދީފައިހުރީ އޭޖީ އޮފީހުން ވަކި އަދަދުތަކެއް ކަނޑައަޅާފައި އަދި ވަކި މިންވަރެއް ނުދޭން ލަފާ ދީފައިވަނިކޮށް އެޔަށް ވުރެ ބޮޑުކޮށް 

އެ 10 މައްސަލަ މިހާރު ވާނީ އޮޑިޓަ ޖެނަރަލް އޮފީހަށް ފޮނުވައި ބަދަލުގެ ގޮތުގައި ދިނުމަށް ކަނޑައަޅާފައިވާ ފައިސާގެ މިންވަރުތައް ކަނޑައަޅާފައި ހުރީ ރަނގަޅަށްތޯ ބެލުމަށް އެސެސްމަންޓެއް ހެދުމަށް ފޮނުވާފައި

އެ މަސައްކަތް ނިމުމުން ސްޓެލްމަންޓު ކޮމިޓީން ނިންމާފައިވާ 10 ސެޓްލްމަންޓާމެދު އަމަލުކުރާނެ ގޮތެއް ނިންމާނަން