ޔޫތު މިނިސްޓްރީގެ ޑެޕިއުޓީ މިނިސްޓަރު މަރިޔަމް ޝިއުނާ. އޭނާ މިހާރު ވެސް ހުންނެވީ އިންޑިއާގެ ބޮޑުވަޒީރަށް ބަދުބަސް ރައްދު ކުރެއްވި މައްސަލާގައި ސަސްޕެންޑްކޮށްފައި. (ފޮޓޯ/ ވޮއިސް)
ސަސްޕެންޝަންގައި ހުރި ޝިއުނާ ނުކުޅެދުންތެރިކަން ހުންނަ މީހަކަށް ގަނާކުރި މައްސަލަ ހޫނުވެއްޖެ
އިންޑިއާގެ ބޮޑުވަޒީރު ނަރެންދުރަ މޯދީއަށް ބަދުބަސް ރައްދު ކުރި މައްސަލާގައި ސަސްޕެންޑް ކޮށްފައި ހުންނެވި ޔޫތު މިނިސްޓްރީގެ ޑެޕިއުޓީ މިނިސްޓަރު މަރިޔަމް ޝިއުނާ، ނުކުޅެދުންތެރިކަން ހުންނަ ދިވެއްސަކަށް ގަނާ ކުރި މައްސަލާގައި އަނެއްކާވެސް ހޫނުފެނަށް ވެއްޓިއްޖެ އެވެ.
މައްސަލައިގެ ފެށުން - ސަރުކާރުގެ އިސް މަގާމުތަކެއްގައި ތިއްބެވި ބޭފުޅުންތަކެއް އިންޑިއާ އަށް ބަދުބަސް ރައްދުކުރުމުގެ ސަބަބުން އިންޑިއާ ދަރިވަރުން ދިވެހި ދަރިވަރުންނާ މެދު އަމަލުތައް ބަހައްޓާ ގޮތަށް އަސަރުކޮށްފައިވާ ކަމަށް ބުނެ، އޮސްޓްރޭލިއާގައި ތައުލީމު ހާސިލްކުރަމުންދާ ދިވެހި ދަރިވަރެއް ކަމަށްވާ މުއާވިޔަތު މުހައްމަދު ދީދީ (މުތޫ) ވަނީ މިދިޔަ ހުކުރު ދުވަހު ކަންބޮޑުވުން ފާޅުކޮށް 'އެކްސް'ގައި ޕޯސްޓެއް ލިޔެފަ އެވެ.
Thanks to our government's folly in mocking a neighboring country, I, a Maldivian student in Australia, am now enduring the repercussions. Some Indian students, passionate about their nation, have resorted to either ignoring or mocking me. This is the result of appointing…
— Muthu M. Didi މޮޔަ ކުއްޖާ،އަތް ބަޅު،ކޮރު 🇲🇻 ♿🍉 (@Muavviyath) February 23, 2024
އެނގުން މުހިއްމު - ސެރީބްރަލް ޕަލްސީގެ ސަބަބުން ނުކުޅެދުންތެރިކަން ހުންނަ މުއާވިޔަތަކީ، ނުކުޅެދުންތެރިކަމާ ބެހޭ ގޮތުން ހޭލުންތެރިކަން އިތުރުކޮށް، އެފަދަ މީހުންނަށް ދަތިވާ ގޮތަށް ހުންނަ ކަންކަން ރަނގަޅުކުރަން އަޑުހަރުކޮށް ވަކާލާތު ކުރާ މީހެކެވެ.
ވީ ކިހިނެއް؟ - އިންޑިއާ ދަރިވަރުންގެ ފަރާތުން މިހާރު ފުރައްސާރަ ކުރިމަތިވާ ކަމަށް ބުނެ މުއާވިޔަތު ކުރި ޕޯސްޓާ ގުޅިގެން، ޑެޕިއުޓީ މިނިސްޓަރު ޝިއުނާ ވަނީ ސޯޝަލް މީޑިއާގައި އޭނާއަށް ބަދުބަސް ރައްދުކޮށް އިއްޔެ ކޮމެންޓެއް ކުރައްވާފަ އެވެ.
"[ކާށިދޫ ދާއިރާގެ މަޖިލިސް މެމްބަރު އަބްދުﷲ] ޖާބިރު އުޅޭހެން ދުނިޔޭގެ ގައުމުތަކުގައި އުޅޭތީ ފުރައްސާރަ ކުރަނީ،" ނުކުޅެދުންތެރިކަން ހުންނަ މީހުންނަށް އެކްސެސިބިލިޓީ ރަނގަޅުކޮށްދިނުމަށް ވަކާލާތު ކުރުމަށްޓަކައި، ކޮނޑުގައި ގޮނޑިއެއް އަޅުވައިގެން މުއާވިޔަތު އިހުތިޖާޖު ކުރަމުންދާ ފޮޓޯއެއް ޕޯސްޓު ކުރުމަށް ފަހު ޝިއުނާ ލިޔުއްވި އެވެ.
މުއާވިޔަތަކީ މަސްތުވާތަކެތި ބޭނުންކުރާ މީހެއްކަމަށް ސިފަވާ ގޮތަށް ޝިއުނާ ކުރެއްވި އެ ކޮމެންޓަށް އާންމުންގެ ފާޑުކިޔުމާއި ހިތްހަމަނުޖެހުން އަމާޒުވި އެވެ. މުއާވިޔަތުގެ ދިފާއުގައި ސޯޝަލް މީޑިއާގައި އަޑު އުފުލި ބައެއް މީހުން ފާހަގަކުރި ގޮތުގައި:
-
މުއާވިޔަތަކީ އޮސްޓްރޭލިއަން ނޭޝަނަލް ޔޫނިއަން އޮފް ސްޓޫޑެންޓްސްގެ މުހިއްމު މެމްބަރެއް
-
ޝިއުނާ އޭނާގެ މައްޗަށް ތުހުމަތުތަކެއް ކުރިޔަސް، އޭނާއަކީ މަސްތުވާތަކެތި ބޭނުންކުރާ މީހެއް ނޫން
-
އޭނާގެ ހިނގުމުގައި ތަފާތު ގޮތެއް ހުންނަނީ އޭނާގެ ސެރީބްރަލް ޕަލްސީގެ ސަބަބުން؛ އޭނާގެ އަމަލުތައް ދުވަހަކު ވެސް ނުރަނގަޅު ގޮތަކަށް ނުބަހައްޓާ
-
އޭނާއަކީ ނުކުޅެދޭ މީހުންގެ ހައްގުގައި އަޑު އުފުލާ، ނުކުޅެދުންތެރިކަމާ މެދު ހޭލުންތެރިކަން އިތުރުކުރަން ގިނަ މަސައްކަތްތަކެއް ކުރާ މީހެއް
@Muavviyath (Muthu) is a dedicated member of the Australian National Union of Students (NUS). Contrary to what has been claimed, he was not involved in any protest while intoxicated. His unique gait is due to cerebral palsy, but this has never led him to behave inappropriately. pic.twitter.com/UdelNhjyey
— Nau (@DreamyNaush) February 25, 2024
Since I joined twitter in 2020 I have seen @Muavviyath being very vocal about his disabilities, the challenges he faces and has been advocating for disability rights. At least own up to your bullying @shiuna_m and sort your actions.
— Шазу 🍑 (@psychorantipole) February 26, 2024
I would applaud Jabir if he protested for disability rights like Muthu has@Muavviyath showed great courage in taking a stands for what is right & continues to make Maldives proud
— Piko (@AimonLatheef) February 26, 2024
What have YOU done other than put the lives of all Maldivians at risk with your gross actions? https://t.co/ERWPLzYzTr
The deputy picking up beef with a person who utilized a chair for their assistive needs or as a prop to convey their message is quite telling.
— 🇵🇸 އާދަން (@furagas) February 26, 2024
To her defense, they get easily startled at the sight of an “empty” chair. https://t.co/cqJyLHr4XO
"މި ޝިއުނާ އަކީ މިހާރު އާންމު އުނދަގުލަކަށް ވެއްޖެ. ކޮންމެވެސް އެއްޗެކޭ ކިޔާފަ ކޮންމެ މީހަކު ވެސް ގަނާ ކުރަންވީ. މިހާރު އޭނަ އެ ގަނާ ކުރަނީ ނުކުޅެދުންތެރިކަން ހުރި މީހަކާ. ސަރުކާރުން މީނައާ މެދު ފިޔަވަޅު އަޅައި މީނަ މަގާމުން ދުރުކުރާނީ ކޮން އިރަކުން؟" މީހަކު 'އެކްސް'ގައި ލިޔުނެވެ.
ފާހަގަކޮށްލެވޭ - މީގެ ކުރިން ވެސް އެކި މީހުންނަށް ފުރައްސާރަކޮށް ޝިއުނާ ސޯޝަލް މީޑިއާގައި ހިޔާލު ފާޅުކުރައްވާފައިކަން މީހުން ފާހަގަކުރި އެވެ. އެގޮތުން ފާހަގަކުރި ބައެއް ކަންކަމުގެ ތެރޭގައި:
-
ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަން ނިމުމަކަށް ގެންނަން ލޭއޮހޮރުވުމަކަށް ދާން ގޮވާލާ ޓްވީޓު ކުރުން؛ އެ މައްސަލާގައި އޭނާގެ އެކައުންޓް ސަސްޕެންޑު ކޮށް، އޭނާގެ މައްޗަށް ތަހުގީގެއް ވެސް ހިންގި
-
އިންޑިއާ މީހުންނާއި އެ ގައުމުގެ ބޮޑުވަޒީރަށް ބަދުބަސް ރައްދުކުރުން؛ އެ މައްސަލާގައި ޖެނުއަރީ ކުރީކޮޅު އިތުރު ދެ ޑެޕިއުޓީ މިނިސްޓަރުންނާ އެކު އޭނާ ސަސްޕެންޑު ކުރި
-
އަދިވެސް އޭނާ ހުންނެވީ ސަސްޕެންޝަންގައި
ފާޑުކިޔުން ބޮޑުވުމާ އެކު ޝިއުނާ ވަނީ އޭނާ މުއާވިޔަތަށް ރައްދުކޮށް ކުރެއްވި ކޮމެންޓު ޑިލީޓް ކޮށްލެއްވުމަށް ފަހު، މައާފަށް އެދިވަޑައިގެންފަ އެވެ. އެ ޕޯސްޓުގައި ޝިއުނާ ވިދާޅުވީ، އޭނާ އެ ކޮމެންޓު ކުރެއްވީ ބަޔަކު އޭނާއަށް "އިހުތިޖާޖާ ބެހޭ ގޮތުން ނުބައި މައުލޫމާތު ދިނުމުން" ކަމަށެވެ.
"އަޅުގަނޑު އެއްވެސް ހާލެއްގައި ގަސްތުގައި ނުކުޅެދުންތެރިކަން ހުންނަ މީހަކަށް ފުރައްސާރައެއް ނުކުރާނަން، މިއީ 'މިސްއަންޑަސްޓޭންޑިން'އެއް،" އޭނާ މައާފަށް އެދި ލިޔުއްވި ޕޯސްޓުގައި ވިދާޅުވި އެވެ.
Hello. First of all, I’d like to say that I’m deeply sorry to @Muavviyath , I was fed misinformation about the protest.. I did not know that he had any disabilities, and I am deeply sorry. I in no way would ever purposefully make fun of a disabled person, and this was a…
— Mariyam Shiuna (@shiuna_m) February 26, 2024
ނަމަވެސް، އެ ޕޯސްޓާ އެކު ޝިއުނާއަށް މީހުންގެ ފަރާތުން އަމާޒުވި ފާޑުކިޔުން ހައްތަހާ ވީ އިތުރެވެ.
"ފުރަތަމަ ކަމަކަށް އެއްވެސް މީހަކަށް ފުރައްސާރަ ކުރަނީ ކީއްކުރަން؟" މީހުން ސުވާލު އުފެއްދި އެވެ.
"[ޑެޕިއުޓީީ] މިނިސްޓަރު، މުއާވިޔަތުގެ ބަޔޯ ކިޔާލި ނަމަ ވަރަށް އަވަހަށް އެނގޭނެ އޭނާގެ ހިނގުމުގައި ތަފާތު ގޮތެއް ހުންނަނީ މަސްތުވާއެއްޗެއް ބޭނުންކޮށްގެން ނޫންކަން،" އެހެން މީހަކު ފާހަގަކުރި އެވެ.
މީހުން ބުނިގޮތުގައި، އެއްވެސް ވަރަކަށް ބަލާލުމެއް ނެތި، މީހަކު ބުނާހާ އެއްޗެއް ގަބޫލުކޮށްގެން ސަރުކާރުގެ މަތީ މަގާމެއްގައި ހުންނަ މީހަކު ތާކުންތާކު ނުޖެހޭ ކޮމެންޓް ކުރުމަކީ އެއްގޮތަކަށް ވެސް ބަލައިގަނެވޭ ކަމެއް ނޫނެވެ.
Why make fun of ANYONE, AT ALL? 🥴🥴 https://t.co/60SgBvKn0n
— Alma Aleel (@AlmaAleel) February 26, 2024
The first thing on his bio says Cerebral Palsy.
— Thouma Jaufar (@thoujaufar) February 26, 2024
That was the least you could have done.
It’s your duty as a government appointed deputy minister to do a proper fact check.
We do not waste our taxpayer money on you lot to be keyboard warriors bullying citizens. https://t.co/d0ELXRqWnH
Bro he literally has his disabilities on his username and you didn’t know? All he talks about is disability and people with disabilities and their rights.
— Tweets of Anim🔻 (@tweetsfromanim) February 26, 2024
I am appalled by this state minister. How is she still allowed to handle a government affiliate account? https://t.co/nFDX2vRIE1
މުއާވިޔަތުގެ ބަސް - "މިފަހުން ބައެއް މީހުން، [ޑެޕިއުޓީ] މިނިސްޓަރުން ހިމެނޭހެން، އަޅުގަނޑު ނުކުޅެދޭ މީހުންގެ ހައްގުގައި ވަކާލާތު ކުރަން މިކުރާ މަސައްކަތްތަކަށް އުނިކަން އަންނަ ގޮތަށް ވާހަކަދެއްކުމަކީ ވަރަށް ހިތްމަރުވާ ކަމެއް،" މުއާވިޔަތު 'އެކްސް'ގައި ލިޔުނެވެ.
އޭނާ އިތުރަށް ބުނި ގޮތުގައި:
-
އޭނާއަކީ މަސްތުވާތަކެތި ބޭނުންކުރާ މީހެއް ގޮތަށް ސިފަކޮށް، އޭނާގެ އަގު ވައްޓާލަން ބަޔަކު މަސައްކަތް ކުރުމުން ކަންބޮޑުވޭ
-
ރައްޔިތުންނަށް ހިދުމަތްކުރުމުގެ ބަދަލުގައި، އެހެން ކަންކަމަށް މިނިސްޓަރުންގެ ސަމާލުކަން މާ ބޮޑު؛ އެކަން ބަދަލުކުރަން ޖެހޭ
-
ހޭލުންތެރިކަން އިތުރުކުރަން އޭނާ ކުރާ މަސައްކަތުގައި ކުރިއަށްދާނެ؛ މަތީ މަގާމުތަކުގައި ތިއްބަވާ ބޭފުޅުން ވެސް އޭނާ ވަކާލާތުކުރާ ކަންކަމުގެ އަގު ވަޒަންކޮށް، ކަންކަން ހައްލުކުރަން އަމަލު ކުރައްވާނެ ކަމަށް އުންމީދު ކުރައްވާ ކަމަށް ބުނި
It is disheartening to witness the recent attempts by specific individuals, including ministers, to undermine my efforts as a disability advocate.
— Muthu M. Didi މޮޔަ ކުއްޖާ،އަތް ބަޅު،ކޮރު 🇲🇻 ♿🍉 (@Muavviyath) February 26, 2024
I want to clarify that my presence on campus during the National Union of Students (NUS) conference was to raise awareness about the… https://t.co/Qk09aNfXZK
އޮސްޓްރޭލިއާގައި ކިޔަވާފައިވާ ދިވެހި ދަރިވަރުންގެ ޖަމިއްޔާއިން އިން ވެސް ވަނީ، މުއާވިޔަތަކީ ރާއްޖެއިން އެ ސްކޮލަޝިޕް ކާމިޔާބުކޮށްފައިވާ ނުކުޅެދުންތެރިކަން ހުންނަ ފުރަތަމަ ދަރިވަރުކަން ފާހަގަކޮށް، އެ މައްސަލާގައި ޕޯސްޓެއް ލިޔެފަ އެވެ.
"ނުކުޅެދުންތެރިކަން ހުންނަ މީހުންގެ ހައްގުގައި ވަކާލާތުކޮށް، ހޭލުުންތެރިކަން އިތުރުކުރަން އޭނާ ކުރާ މަސައްކަތްތަކާ މެދު އަޅުގަނޑުމެން ފަހުރުވެރިވޭ، އަދި އޭނާ ފަދަ ވަރުގަދަ ޑިސްއެބިލިޓީ އެޑްވޮކޭޓުންނާއި ލީޑަރުން ތިބުމަކީ ގައުމަށް ކޮންމެހެން ބޭނުންތެރި ކަމެއް،" އެ ޕޯސްޓުގައިވެ އެވެ.
@Muavviyath is the only @AustraliaAwards scholar from 🇲🇻 with a disability in the history of the scholarship.
— Maldives Australia Alumni (@MVAUAlumni) February 26, 2024
We are proud of the work done by him to create awareness on disability rights & it is vital for the country to have a strong PWD advocate & leader like him 💪. https://t.co/y1awnh1r2a
ރައީސް އޮފީހުގެ ބަސް - ޝިއުނާ މި މައްސަލާގައި ކޮށްފައިވާ ކޮމެންޓްތަކާ ބެހޭ ގޮތުން އޭނާއާ މެދު ފިޔަވަޅެއް އަޅާނެތޯ ކުރި ސުވާލަށް ރައީސް އޮފީހުގެ ޖަވާބެއް އަދި ނުލިބެ އެވެ.
ކޮމެންޓް (5)
ޢާދަނު
ފާތުން
އާދަން
ލާއޮސް
ކީކޭ ބުނާނީ