މިއަދު ހެނދުނު ހުޅުމާލެ ފޭސް އެކެއްގައި ހިނގި އެކްސިޑެންޓް. މި އެކްސިޑެންޓުގައި ދެ ކާރާއި ވޭނަކަށް ގެއްލުންވެ، ދެ މީހުންނަށް އަނިޔާ ލިބުނު. (ފޮޓޯ/ އެމްވީކްރައިސިސް)
ހުޅުމާލޭ އެކްސިޑެންޓެއްގައި 2 މީހުނަށް އަނިޔާ، 3 އުޅަނދަށް ގެއްލުން
ހުޅުމާލޭގައި މިއަދު ހިނގި އެކްސިޑެންޓެއްގައި ދެ މީހަކަށް އަނިޔާވެ، ވޭނަކާއި ދެ ކާރަކަށް އެކި ވަރުގެ ގެއްލުން ލިބިއްޖެ އެވެ.
ވީ ކިހިނެއް؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައިވާ ގޮތުން ހުޅުމާލޭ ފޭސް އެކެއްގެ ނިރޮޅުމަގު ދެވަނަ ރުއްގަނޑު ކައިރިން އެކްސިޑެންޓެއް ހިނގާފައިވާ ކަމުގެ ރިޕޯޓް ފުލުހުންނަށް ލިބުނީ މިއަދު ހެނދުނު 6:20 ހާއިރު އެވެ.
ތަފްސީލް - ފުލުހުން އިތުރަށް ބުނި ގޮތުގައި:
-
އެކްސިޑެންޓް ހިނގީ ދުއްވާފައި ދިޔަ ކާރެއްގައި ފަހަތުން އައި ވޭނެއް ޖެހުނު ވަގުތު، އެ ކާރު ގޮސް ޕާކު ކޮށްފައި އޮތް އެހެން ކާރެއްގައި ޖެހިގެން
-
މި އެކްސިޑެންޓުގައި ކާރު ދުއްވަން އިން މީހާ އާއި ވޭން ދުއްވަން އިން މީހާއަށް ވެސް ކުދި ކުދި އަނިޔާ ލިބިފައިވޭ
-
އަނިޔާވެފައިވާ ދެ މީހުންނަކީ ވެސް ލައިސަންސް އޮތް ދިވެހި ފިރިހެނުން؛ އެމީހުންގެ އުމުރަކީ 46 އަހަރާއި 52 އަހަރު
-
އެކްސިޑެންޓުގައި ހިމެނޭ ތިން އުޅަނދަށް ވެސް އެކި ވަރުގެ ގެއްލުން ވެފައިވޭ
ފުލުހުން ބުނި ގޮތުގައި މި މައްސަލަ ދަނީ ތަހުގީގު ކުރަމުންނެވެ.