ގުޅީފަޅު ހިއްކުން މަޑުޖައްސާލަން ހައި ކޯޓުން އަމުރުކޮށްފި

• ހައުސިން މިނިސްޓްރީއާ ދެކޮޅަށް މި މައްސަލަ ސިވިލް ކޯޓަށް ހުށަހަޅާފައި ވަނީ ތިމާވެށި ހިމާޔަތް ކުރުމަށް މަސައްކަތް ކުރާ އެކްޓިވިސްޓެއް ކަމަށްވާ ހުމައިދާ އަބްދުލްގަފޫރު 

• ވަގުތީ އަމުރު ނެރުމަކާނުލައި ސިވިލް ކޯޓުގެ ދައުވާ ލަސްވެގެން ހިނގައްޖެ ނަމަ ކުރިމަތިވެދާނެ ނުރައްކަލެއް އޮތްކަމުގައި ބުރަވެވޭ؛ އެއީ ސެޑިމެންޓޭޝަން ނުވަތަ ހިއްކުމަށް ބޭނުންކުރާ ވެލިން ފަރުތަކުގެ ދިރުންތަކަށް އިންތިހާއަށް ގެއްލުން ލިބޭނެތީ

• ވަގުތީ އަމުރަށް އެދި ހުށަހަޅާފައިވާ ހެކިތަކުން ސެޑިމެންޓޭޝަންގެ ސަބަބުން ފަރުތަކަށް ލިބޭ ގެއްލުން ކުޑަކުރުމަށް އީއައިއޭގައި ފާހަގަކޮށްފައިވާ ފިޔަވަޅުތައް އަޅަމުން ނުދާކަން އެނގޭ

•  އެ ކަންކަން އެގޮތަށް ހިނގުމަށް ދޫކޮށްލައިފި ނަމަ ޕްރޮޖެކްޓް ހިނގާ ސަރަހައްދުގެ ވަށައިގެންވާ ފަރުތަކަށް އެކަމުން ގެއްލުން ލިބި، ފަރުތަކުގެ ދިރުންތައް ނެތި ފަނާވެ ގޮސްދާނެކަމުގެ ބިރު އޮތުމުގެ މައްޗަށް ބަލައި، ލިބިދާނެ ގެއްލުމުގެ މިންވަރަކީ ކޮބައިކަން މި މަރުހާލާގައި ދެނެގަނެވެން ނެތް 

• ނަމަވެސް އެފަދަ ކަންކަމުން ތިމާވެށި ހިމާޔަތްކުރުމުގެ ގޮތުން ދުރާލާ ފިޔަވަޅު އެޅުމުގެ އުސޫލަށް ރިއާޔަތްކޮށް މިހާލަތުގައި ވަގުތީ އަމުރެއް ނެރެންޖެހޭ

• އެފަދަ އަމުރެއް ނުނެރޭ ނަމަ އެކަމުގެ ސަބަބުން ތިމާވެއްޓަށް ކުރާ ނޭދެވޭ އަސަރުތަކުގެ ސަބަބުން އިޔާދަނުކުރެވޭ ގެއްލުމެއް ލިބިދާނެކަމުގެ ބިރު އެކަމުގައި އޮތްކަމުގައި ބުރަ ވެވޭ 

• ޕްރޮޖެކްޓް ހިނގާ ސަރަހައްދުގެ ވަށައިގެންވާ ފަރުތަކުގެ ދިރުންތައް ނެތިގެން ދިއުމަކީ އާންމު ރައްޔިތުންނަށާއި އަންނަން އޮތް ޖީލުތަކަށް އިގްތިސާދީގޮތުން، އެފަދަ ފަރުތަކުން ލިބެމުން އަންނަ އަދި ލިބިދާނެ މަންފާ އާއި އިޖުތިމާއީ ގޮތުން ރަނގަޅު ހެޔޮ ރައްކާތެރި ވެއްޓެއްގައި އުޅުމުގެ ފުރުސަތު ގެއްލިގެންދާނެ ކަމެއް
  

މައްސަލައިގެ ހުލާސާ

• އެ މަޝްރޫއުއަކީ ތިމާވެށީގެ ގެއްލުން އިންތިހާއަށް ބޮޑު ރާއްޖޭގެ ގުދުރަތީ ވެއްޓާއި، ދިރުންތަކުގެ މުއްސަނދިކަމުން ހޯދާ އިގްތިސާދާއި އިޖްތިމާއީ ނަފާ ހީނަރުކޮށްލައި އިއާދަނުކުރެވޭ މިންވަރަށް ގެއްލުން ބޮޑު މަޝްރޫއެއް

• ލާމަރުކަޒީ ނިޒާމާއި ދިމާ އިދިކޮޅު މަޝްރޫއެއް 

• އެއީ މުޅި ދުނިޔެ އިގްތިސާދީ ހީނަރުކަމާއި ކުރިމަތިލާފައިވާ ވަގުތެއްގައި މާލީގޮތުން ދެކޮޅުނުޖެހޭ ދަރަނި ބޮޑު އަދި ގާނުއަސާސީއާ ހިލާފު މަޝްރޫއުއެއް