ޔާސިރާއި ވަހީދު އަދި އިފްހާމްއަށް އެމްޑީޕީ ޓިކެޓް ކަށަވަރުވެއްޖެ

ކުރިއަށް އޮތް ރައްޔިތުންގެ މަޖިލިސް އިންތިހާބުގައި އިދިކޮޅު އެމްޑީޕީގެ މިހާރުގެ މަޖިލިސް ދެ މެންބަރުން ކަމުގައިވާ ކުޅުދުއްފުށި އުތުރު ދާއިރާގެ ޔާސިރު އަބްދުލް ލަތީފް އާއި ދިއްދޫ ދާއިރާގެ އަބްދުﷲ ވަހީދަށް، އެ ދެ ދާއިރާއަށް ވާދަ ކުރުމަށް ޕްރައިމަރީއަކާ ނުލާ ޓިކެޓް ކަށަވަރުވެއްޖެ އެވެ.

އޭގެ އިތުރުން، މާފަންނު އުތުރު ދާއިރާއަށް ވާދަ ކުރައްވާ ޖެންޑާ މިނިސްޓްރީގެ ކުރީގެ ސްޓޭޓް މިނިސްޓަރު އިފްހާމް ހުސައިންއަށް ވެސް ޓިކެޓް ވަނީ ކަށަވަރުވެފަ އެވެ.

ވީ ކިހިނެއް؟ - އަންނަ ހޮނިހިރު ދުވަހު އެމްޑީޕީގެ ޕްރައިމަރީ ބޭއްވުމަށް މިހާރު ފަހުގެ ތައްޔާރީތައް ވަމުންދާއިރު، އެ ތިން ދާއިރާގެ ޓިކެޓްގައި ފަހު ވަގުތު އެ ތިން ބޭފުޅުންނަށް ކަށަވަރުވީ، އެ ދާއިރާއަށް ކުރިމަތިލެއްވި ބޭފުޅުން ނަން އަނބުރާ ނެގުމުންެވެ. އެކަން އެމްޑީޕީގެ އޮފިޝަލަކު 'ދައުރު'އަށް ކަށަވަރުކޮށްދެއްވި އެވެ.

ތަފްސީލު - އެމްޑީޕީން މިދިޔަ މަހު 14 ކުރި އިއުލާންގައިވާ ގޮތުން:

އެހެން ކަމުން ހޮނިހިރު ދުވަހުގެ އެމްޑީޕީން ޕްރައިމަރީ ބާއްވަނީ ޖުމްލަ 40 ދާއިރާއަށެވެ. 

މީގެ ކުރިން އެމްޑީޕީން އިއުލާންކޮށްފައިވާ ގޮތުން 45 ދާއިރާއެއްގެ ޓިކެޓް ވަނީ ކަށަވަރުވެފަ އެވެ. އެ ދާއިރާތަކުގައިވެސް ޓިކެޓް ކަށަވަރުވެފައި ވަނީ އެންމެ ކެންޑިޑޭޓަކު ކުރިމަތިލުމުގެ ސަބަބުން އަދި ބައެއް ކެންޑިޑިޑޭޓުންނާ މަޝްވަރާކުރުމަށް ފަހު، އެ ކެންޑިޑޭޓުން ނަންތައް ނެގުމުންނެވެ.

އެހެން ކަމުން ޖުމްލަ 48 ދާއިރާއެގެ ޕްރައިމަރީ ނެތި، ޓިކެޓް މިހާރު އެވަނީ ކަށަވަރުވެފަ އެވެ. އަދިވެސް ފަސް ދާއިރާއެއްގެ ޕްރައިމަރީއަކަށް އެޕާޓީން އިއުލާން ނުކުރެ އެވެ. އޭގެ ތެރޭގައި ހިމެނެނީ:

އެ ދާއިރާތަކަށް ކެންޑިޑޭޓުން ނެރުމާ ގުޅޭ ގޮތުން އެ ޕާޓީގެ ބަހެއް އަދި ނުލިބެ އެވެ.