ފުވައްމުލަކު އެކްސިޑެންޓުގައި އަނިޔާވި މީހާ މަރުވެއްޖެ

ފުވައްމުލަކުގައި މިދިޔަ ހޮނިހިރު ދުވަހުގެ ރޭ ހިނގި އެކްސިޑެންޓުގައި ހާލު ސީރިއަސްވެގެން ވެންޓިލޭޓަރުގައި އޮތް މީހާ މިއަދު މަރުވެއްޖެ އެވެ.

ވީ ކިހިނެއް؟ - ހޮނިހިރު ދުވަހުގެ ރޭ 10:15 ހާއިރު ފުވައްމުލަކު ބޮޑުފަންނު މަގުގައި ހިނގި އެކްސިޑެންޓުގައި އަނިޔާވި 30 އަހަރުގެ ދިވެހި ފިރިހެން މީހާ މިދިޔަ އާދިއްތަ ދުވަހު ވަނީ އިތުރު ފަރުވާއަށް މާލެ ގެނެސްފަ އެވެ. އައިޖީއެމްއެޗުގައި އޭނާއަށް ފަރުވާ ދެމުން އައީ ވެންޓިލޭޓަރުގަ އެވެ.

ތަފްސީލް - އައިޖީއެމްއެޗުގެ ތަރުޖަމާނަކު ވިދާޅުވީ އެ މީހާ މިއަދު ހެނދުނު 8:30 ހާއިރު މަރުވެފައިވާ ކަމަށެވެ.

ފުލުހުން މިދިޔަ އާދިއްތަ ދުވަހު ބުނެފައިވާ ގޮތުގައި، އެކްސިޑެންޓު ހިނގީ ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލު ނުވެ، ފާރެއްގައި ޖެހިގެންނެވެ.