ސްކޫލުތަކުގައި ދީނަށް އިސްކަންދީގެން ހަރަކާތްތައް ހިންގަން އުސޫލުތަކެއް ހަދަނީ

ސްކޫލުތަކުގައި ދީނާއި ގައުމިއްޔަތަށް އިސްކަންދެވޭނެ ގޮތަކަށް ހަރަކާތްތައް ހިންގަން އުސޫލުތަކެއް އެކުލަވާލަަން ސަރުކާރުން މިއަދު ނިންމައިފި އެވެ.

ވީ ކިހިނެއް؟ - ވަޒީރުންގެ މަޖިލީހުގެ މިއަދުގެ ބައްދަލުވުން ނިންމި މުހިންމު ނިންމުންތައް ހާމަކުރަން މިއަދު ހަވީރު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެ އޮފީހުގެ މިނިސްޓަރު އަބްދުﷲ ނާޒިމް ވިދާޅުވީ، އިސްލާމް ދީނާއި ގައުމިއްޔަތާއި ރާއްޖޭގެ ތާރީހާއި ސަގާފަތަށް ހާއްސަ ސަމާލުކަމެއް ދެވޭ ގޮތަށް ސްކޫލުތަކުގެ ހަރަކާތްތައް ރާވައި ހިންގާނެ އުސޫލުތަކެއް އެކުލަވާލަން ސޯޝަލް ކައުންސިލުން ނިންމާފައިވާ ކަމަށެވެ.

ބުނީ ކީކޭ؟ - އެގޮތުން، އެކުލަވާލަން ނިންމާފައިވާ އުސޫލަތުގެ ގޮތުގައި ނާޒިމް ވިދާޅުވީ:

އެނގުން މުހިންމު - ސްކޫލު ދައުރުން ފެށިގެން ކުދިންގެ ހިތުގައި ގައުމިއްޔަތު ދިރުވައި ގައުމިއްޔަތަށް ލޯބި ޖެއްސުމުގެ ގޮތުން، ސްކޫލުތަކުގައި ކިޔަވައިދޭ މާއްދާތަކުގެ ތެރޭގައި ގައުމިއްޔަތަށް ހާއްސަ މާއްދާއެއް ހިމެނުމަކީ މި ސަރުކާރުގެ ފުރަތަމަ 100 ދުވަހުގެ ވައުދުތަކުގެ ތެރޭގައި ހިމަނާފައިވާ ކަމެކެވެ.

މިކަން ހާސިލުކުރުމަށް، ދިރާސީ އާ އަހަރުގެ ކިޔެވުން އަންނަ މޭ މަހު ފަށާ އިރު، ސްކޫލުތަކުގައި ކިޔަވައިދޭ މާއްދާތަކުގެ ތެރެއަށް ގައުމިއްޔަތު މާއްދާ އިތުރު ކުރަން ވެސް ސަރުކާރުން މިހާރު އަންނަނީ ތައްޔާރުވަމުންނެވެ.