އިސްލާމީ މަރުކަޒުގައި ޓީވީ ބަހައްޓާފައި (ފޮޓޯ: މިނިސްޓަރު ޝަހީމް/ އެކްސް)
ހުތުބާ ކިޔާއިރު މިސްކިތުގައި ތިބޭ މީހުންނަށް ހަތީބު ފެންނާނެ ގޮތް ހެދުމަށް އިސްލާމީ މަރުކަޒުގައި ޓީވީ ބަހައްޓައިފި
އިސްލާމީ މަރުކަޒަށް ހުކުރަށްދާ މީހުންނަށް ހަތީބު ހުތުބާ ދެއްވާ މަންޒަރު ފެންނާނެހެން އެ މިސްކިތުގެ އެކި ސަރަހައްދުތަކުގައި ޓީވީ ބަހައްޓައިފި އެވެ.
ވީ ކިހިނެއް؟ - އިސްލާމިކް އެފެއާޒް މިނިސްޓްރީ އިން ބުނީ، ހުކުރު ހުތުބާ ދޭއިރު، މިސްކިތުގައި ތިބޭ މީހުންނަށް، ހުތުބާ ދެއްވާ ހަތީބު ފެންނާނެހެން އެކި ސަރަހައްދުތަކުގައި ޓީވީ ބަހައްޓައި މިއަދު ބޭނުން ކުރަން ފަށާފައިވާ ކަމަށެވެ.
ތަފްސީލް - އެކަމާ ގުޅޭ ގޮތުން މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އިސްލާމީ ރިސާލަތު ފޯރުކޮށްދިނުމުގައި ޒަމާނީ ވަސީލަތްތަކާއި ޓެކްނޮލޮޖީގެ ބޭނުންކުރުމަކީ ރައީސް މުހައްމަދު މުއިއްޒުގެ ތަސުއްވުރުގައި ހިމެނޭ ކަމެއް ކަމަށެވެ.
"އިސްލާކް މިނިސްޓްރީ އިން މަސައްކަތްކުރާނީ އެ ތަސުއްވުރު ހަގީގަތަކަށް ހެދުމަށް." މިނިސްޓަރު 'އެކްސް'ގައި ވިދާޅުވި އެވެ.
އިސްލާމީ މަރުކަޒުގެ ފަންގިފިލާތަކުގައި ޓީވީ ބެހެއްޓި ޚަޠީބު ފެންނަ ގޮތައްވަނީ އިންތިޒާމު ކުރެވެންފަށައިފި. މި މަޝްރޫޢު ސްޕޮންސަރކުރެއްވިކަމަށްޓަކައި ދިރާގަށް @Dhiraagu ޚާއްޞަ ޝުކުރެއް ދަންނަވަން. އަމާޒަކީ ހުރިހައި ބޮޑެތި މިސްކިތްތަކުގައި މިގޮތައް އިންތިޒާމުކުރުން. pic.twitter.com/0yawqlQtEf
— Mohamed Shaheem Ali Saeed (@Mohamedshaheem1) December 29, 2023
އަމާޒަކީ ހުރިހާ ބޮޑެތި މިސްކިތްތަކުގައި މިގޮތަށް އިންތިޒާމުކުރުން ކަމަށް ވެސް މިނިސްޓަރު ޝަހީމް ވިދާޅުވި އެވެ.
އެ މަޝްރޫއު ކުރިއަށް ގެންގޮސްފައިވަނީ ދިރާގުގެ އެހީތެރިކަމާ އެކު އެވެ.