ކުރީގެ ރައީސް ނަޝީދު މަޖިލީހުގެ ޖަލްސާއެއްގައި ވާހަކަދައްކަވަނީ (ފޮޓޯ/ މަޖިލީސް)
އަންނަ މަހު ނަޝީދު އާ މަގާމާ ހަވާލުވާ އިރު، މެންބަރުކަމުން އަދި އިސްތިއުފާ ނުދެއްވާ
ކްލައިމެޓް ވަލްނަރަބަލް ފޯރަމް(ސީވީއެފް)ގެ ސެކެޓްރީ ޖެނެރަލްގެ މަގާމާ ރަސްމީކޮށް އަންނަ މަހު ހަވާލުވެވަޑައިގަންނަވާ ކުރީގެ ރައީސް އަދި މައްޗަންގޮޅި މެދު ދާއިރާގެ މެންބަރު މުހައްމަދު ނަޝީދު، މަޖިލިސް މެންބަރު ކަމުން އަދި އިސްތިއުފާ ނުދެއްވާ ކަމަށް މަޖިލިސް އިދާރާއިން މިއަދު ބުނެފި އެވެ.
ވީ ކިހިނެއް؟ - އަންނަ މަހު ނަޝީދު، އެ ޖަމިއްޔާގެ ސެކެޓްރީ ޖެނެރަލްގެ މަގާމާ ހަވާލުވަޑައިގަންނަވާ އިރު، އެމަނިކުފާނުގެ މަޖިލިސް މެންބަރުގެ ކަމުގެ ފަސް އަހަރު ދައުރުގައި އަދި ބާކީ ހަ މަސް ދުވަސް އެބަ އޮތެވެ. މިހިނގާ 19 ވަނަ ވަނަ މަޖިލީހުގެ މެންބަރުން 28 މެއި 2019ގައި މެންބަރުކަމުގެ ހުވާ ކުރައްވާފައިވާ އިރު، ދައުރު ނިމޭނީ އަންނަ އަހަރުގެ މެއި 28 އަށެވެ.
ތަފްސީލު - މަޖިލިސް ރައީސް ކަމުން ނަޝީދު އިސްތިއުފާ ދެއްވި ފަހުން މިހާރު އެ ޖަމިއްޔާގެ މަސައްކަތްތަކުގައި ރާއްޖެއިން ބޭރުގައި އުޅުއްވަމުންދާ އިރު، މި މަހު 12ގައި އެމަނިކުފާނު ނެރުއްވި ބަޔާނުގައި ވަނީ އެ ޖަމިއްޔާގެ މަސައްކަތްތަކަށް ވަގުތު ހުސް ކުރުމަށް ރާއްޖޭގެ ސިޔާސީ މަސައްކަތްތަކުން 'މިވަގުތަށް' ދުރަށް ޖެހިވަޑައިގައިގަންނަވާނެ ކަން އިއުލާން ކުރައްވައިފަ އެވެ.
"އަޅުގަނޑު ދެކޭ ގޮތުގައި މި ޖަމާތުގެ ވަޒީފާގައި ހުރެ އަޅުގަނޑަށް ރާއްޖެއަށް ހިދުމަތް ކޮށްދެވޭ މިންވަރު އިންތިހާއަށް ތަނަވަސްވާނެ އެވެ. ކުރިއަށް އޮތް ޖެނުއަރީ މަހުން ފެށިގެން އަޅުގަނޑު މި ޖަމާއަތުގެ ވަޒީފާ އަދާ ކުރަން ފަށާނެ ވާހަކަ އިހްތިރާމްއާ އެކު ދަންނަވަމެވެ،" ރާއްޖެ ހިމެނޭ ގޮތަށް 11 ގައުމަކާ އެކު އުފެއްދި އެ ޖަމިއްޔާގެ ސެކެޓްރީ ޖެނެރަލްގެ މަގާމު ގަބޫލުކުރެއްވިކަން ހާމަކޮށް، ނަޝީދު ނެރުއްވި ބަޔާނުގައިވެ އެވެ.
އެ މަގާމާ ނަޝިދު ހަވާލުވެވަޑައިގަންނަވަނީ، މަޖިލިސް މެންބަރު ކަމުން އިސްތިއުފާ ދެއްވާފައި ކަމެއް ނުވަތަ ނޫން ކަމެއް އެ ބަޔާނަކުން ނޭނގެ އެވެ. މިކަމާ ގުޅޭ ގޮތުން އެމަނިކުފާނުގެ ބަހެއް ވެސް އަދި ނުލިބެ އެވެ.
ނަޝީދު އިސްވެ އުފެއްދެވި ޑިމޮކްރެޓްސް ޕާޓީގެ ޕާލިމަންޓްރީ ގްރޫޕުގެ ލީޑަރު އަލީ އާޒިމް 'ދައުރު'އަށް ވިދާޅުވީ އަދި މިހާތަނަށް މަޖިލިސް މެންބަރު ކަމުން ނަޝީދު އިސްތިއުފާ ދެއްވާފައި ނުވާ ކަމަށެވެ. އަދި އެކަން މަޖިލީހުގެ އިދާރާއިން ވެސް 'ދައުރު'އަށް ކަށަވަރުކޮށްދެ އެވެ.
ފާހަގަކޮށްލެވޭ ކަމެއް - ގާނޫނުއަސާސީގައިވާ ގޮތުން މަޖިލިސް މެންބަރުންނަށް މެންބަރުކަމުގައި ހުރެ، ދައުލަތުގެ އެހެން މަގާމެއް އަދާއެއް ނުކުރެވޭނެ އެވެ. ބޭރު ޖަމިއްޔާއެއްގެ ނުވަތަ ބޭރު ގައުމެއްގެ އެހެން މަގާމަކާ މެންބަރަކު ހަވާލު ނުވެވޭނެ ކަމަށް ގާނޫނުއަސާސީގައި ބަޔާންކޮށްފައި ނުވެ އެވެ.
ކޮމެންޓް (8)
ކުރު ކޯސް
އެދުރު
ޒާތީ
މަތީނު
ނަސީދު
ވަޒީރު
އުސްތާޒު
ފިތުނަ ނުޖައްސާ