19 ރަށެއްގެ ކަރަންޓު ވިއުގަ އަޕްޑޭޓް ކުރަން ބަޔަކާ ހަވާލުކޮށްފި

ރާއްޖޭގެ 19 ރަށެއްގެ ކަރަންޓު ވިއުގަ އަޕްގްރޭޑްކޮށް ޒަމާނީ ފެންވަރަށް ތަރައްގީކުރުމުގެ އެއްބަސްވުންތަކުގައި މިއަދު ސޮއިކޮށްފި އެވެ.

ވީ ކިހިނެއް؟ - މި އެއްބަސްވުންތަކުގައި ސޮއިކޮށްފައިވަނީ ވޯލްޑް ބޭންކުގެ އެހީތެރިކަމާ އެކު އެންވަޔަރަމެންޓް މިނިސްޓްރީން ކުރިއަށް ގެންދާ އެކްސެލަރޭޓިން ރިނިއުބަލް އެނާޖީ އިންޓަގްރޭޝަން އެންޑް ސަސްޓެއިންބަލް އެނަޖީ (އެރައިސް) މަޝްރޫއުގެ ދަށުންނެވެ.

މިއަދު މިނިސްޓްރީގައި އޮތް ރަސްމިއްޔާތެއްގައި، ތިން ލޮޓްއަކަށް ބަހާލައިގެން ކުރިއަށްގެންދާ މި މަޝްރޫއުގެ އެއްބަސްވުންތަކުގައި މިނިސްޓްރީގެ ފަރާތުން ސޮއި ކުރައްވާފައިވަނީ މިނިސްޓަރު އިބްރާހިމް ތޯރިގް އެވެ. މި އެއްބަސްވުމުގެ ދަށުން މި ރަށްތަކުގެ ކަރަންޓު ވިއުގަ އަޕްގްރޭޑްކޮށް ޒަމާނީ ފެންވަރަށް ތަރައްގީކުރާނެ އެވެ.

ތަފްސީލް - އެކަމާ ގުޅިގެން މިނިސްޓްރީން ނެރެފައިވާ ނޫސްބަޔާނެއްގައިވާ ގޮތުން، މަޝްރޫއުގެ ދަށުން:

މި މަސައްކަތްތައް ފުރިހަމަވުމުން ކުރިއަށް އޮތް 15 އަހަރަށް ބޭނުންވާ ކަރަންޓު ނެޓްވޯކް އިންފްރާސްޓްރަކްޗާ ކަށަވަރުވެގެންދާނެ ކަމަށް ވެސް މިނިސްޓްރީން ބުނެފައިވެ އެވެ. އަދި ވޮލްޓޭޖް ޑްރޮޕް މައްސަލަތައް ހައްލުވެ، ކަރަންޓު ކެނޑުމުގެ މައްސަލަތަކަށް ލުޔެއް ލިބިގެންދާނެ ކަމަށް އެ ތަނުން ބުންޏެވެ.

މިނިސްޓްރީން ބުނި ގޮތުގައި، ލޮޓް 1ގައި ހިމެނޭ ރަށްތަކަކީ:

މީގެ އިތުރުން:

މިނިސްޓްރީން ބުނި ގޮތުގައި، ލޮޓް 2 އަދި 3 ހިމެނޭ ރަށްތަކުގެ ގްރިޑް އަޕްގްރޭޑްކުރުމަށް އެއްބަސްވުމުގައި ސޮއިކުރީ ޗައިނާ ނެޝަނަލް ޓެކްނިކަލް އިމްޕޯޓް އެންޑް އެކްސްޕޯޓް ކޯޕަރޭޝަން އާއި ޝީޖަޒްހުއަން ކެލިން ކޯ ލިމިޓެޑާ އެކު ހަދާފައިވާ ޖޮއިންޓް ވެންޗާއަކުންނެވެ. މި އެއްބަސްވުމުގައި އެކުންފުނީގެ ފަރާތުން ސޮއިކުރެއްވީ އެކުންފުނީގެ ޖެނެރަލް މެނޭޖަރު ޔިން ގިން އެވެ.

ބުނީ ކީކޭ؟ - އެއްބަސްވުންތަކުގައި ސޮއިކުރެއްވުމަށް ފަހު ވާހަކަ ދައްކަވަމުން މިނިސްޓަރު ވިދާޅުވީ މި މަސައްކަތަކީ ރާއްޖޭގައި އިއާދަކުރަނިވި ހަކަތައިން އުފައްދާ ކަރަންޓު އިތުރުކޮށް ތިމާވެއްޓާއި ރައްޓެހި ގޮތަކަށް ކަރަންޓުގެ ހިދުމަތް ފޯރޮކޮށްދިނުމަށް ކަނޑައަޅާފައިވާ ސަރުކާރުގެ ލަނޑުދަނޑިތަކަށް ވާސިލުވުމަށް މަގުފަހިކޮށްދިނުމަށް ކުރެވޭ މަސައްކަތެއް ކަމަށެވެ.

ރަށްތަކުގެ ކަރަންޓު ވިއުގައިގެ ހާލަތު ރަގަޅުކޮށް، ކަރަންޓުގެ ނިސްބަތުގައި ހިމެނޭ އިއާދަކުރަނިވި ހަކަތައިގެ ނިސްބަތް ބޮޑުތަނުން އިތުރުކުރުމަށް މިމަޝްރޫއުގެ ސަބަބުން ފަހިވާނެ ކަމަށް ވެސް މިނިސްޓަރު ތޯރިގް އިބްރާހިމް ފާހަގަކުރެއްވި އެވެ.

ފާހަގަކޮށްލެވޭ - މި 19 ރަށުގެ ކަރަންޓު ވިއުގަ ތަރައްގީ ކުރަނީ ވޯލްޑް ބޭންކުގެ އިންޓަނޭޝަނަލް ޑިވޮލޮޕްމެންޓް އެސޯސިއޭޝަން (އައިޑާ)ގެ 6.2 މިލިއަން ޑޮލަރުގެ ހިލޭ އެހީ އާއި އޭޝިއަން އިންފްރާސްޓްރަކްޗަ އިންވެސްޓްމެންޓް ބޭންކުން ލިބިފައިވާ 20 މިލިއަން ޑޮލަރުގެ ލޯން އެހީންނެވެ.