19 ވަނަ މަޖިލީހުގައި އެމްޑީޕީ މެމްބަރުންގެ ވޯޓުން އެކަނި ރައީސް މަގާމުން ދުރުކުރެވޭ ގޮތް ހަދަނީ

ގަވާއިދުގެ 49 ވަނަ މާއްދާގައި ކުރިން އޮތީ މަޖިލީހުގެ ޖުމްލަ މެމްބަރުންގެ އަދަދު ގުނުމުގައި އެ ދައުރެއްގެ ޖުމްލައަށް ނުވަތަ މި ހިނގާ 19 ވަނަ މަޖިލީހުގައި ނަމަ 87 މެމްބަރުންނަށް ބަލާ ގޮތަށް 

އެ ގޮތަށް ބަލައިފި ނަމަ، މި ހިނގާ 19 ވަނަ މަޖިލީހުގައި ރައީސް ނުވަތަ ނައިބު ރައީސް ވަކިކުރަން ބޭނުންވާ ތިން ބައިކުޅަ އެއް ބަޔަކީ، ހަތް މެމްބަރުންގެ އިސްތިއުފާއާ އެކު ވެސް، 58 މެމްބަރުން

ގަވާއިދުގެ ބޭނުމަށްޓަކައި މަޖިލީހުގެ ޖުމްލަ މެމްބަރުންގެ އަދަދު ގުނުމުގައި އެ ވަގުތު މަޖިލީހުގެ މެމްބަރުކަމުގައި ދެމިތިބި މެމްބަރުންގެ ޖުމްލަ އަދަދަށް ބެލުމަށް

މަޖިލީހުގެ އުމުރު ހަމަވުމުގެ ސަބަބުން ނޫން ގޮތަކަށް އެއްވެސް އިންތިހާބީ ދާއިރާއެއްގެ ގޮނޑި ހުސްވެއްޖެ ނަމަ، އެ އިންތިހާބީ ދާއިރާއެއްގެ ގޮނޑިއަށް މެމްބަރަކު އިންތިހާބު ކުރުމާ ހަމައަށް މަޖިލީހުގެ ޖުމްލަ މެމްބަރުންގެ އަދަދު ގުނާއިރު އެ ދާއިރާތައް ނުގުނުން

ހިނގަމުންދާ މަޖިލީހުގެ އުމުރެއްގައި މަޖިލީހުގެ ޖުމްލަ މެމްބަރުންގެ އަދަދަށް އެއްވެސް ބަދަލެއް އަތުވެއްޖެ ނަމަ، އެ ބަދަލެއް އަންނަ ތާރީހާ ވިދިގެން އެންމެ އަވަހަށް ބާއްވާ ޖަލްސާއެއްގައި އެކަން މަޖިލީހުގެ ރައީސް އިއުލާންކުރުން

ރައީސް ނުވަތަ ނައިބު ރައީސް ވަކި ކުރަން ހުށަހަޅަން މި ދައުރުގައި ބޭނުންވާނީ 27 މެމްބަރުންގެ ސޮއި 

އެ ގަރާރު ފާސްކުރަން ބޭނުންވާނީ 54 މެމްބަރުންގެ ވޯޓު

މި ދައުރުގައި މަޖިލީހުގައި ތިއްބަވާ އިދިކޮޅު އެމްޑީޕީ މެމްބަރުންގެ އަދަދު އެކަނި ވެސް 55އަށް އަރާ

ރައީސް ނުވަތަ ނައިބު ރައީސް މަގާމުން ވަކިކުރަން ހުށަހަޅާ ގަރާރާ ގުޅޭ ގޮތުން ކޮމިޓީން ފޮނުވާ ލިޔުމުގައިވާ ކޮންމެ ތުހުމަތަކާ ބެހޭ ގޮތުން، ހަމަ ކޮންމެ ދައުވާއަކާ ބޭހޭ ގޮތުން ވަކިވަކިން މަޖިލީހުގައި ބަހުސް ކުރަންވާނެ

މަޖިލީހުގައި ބަހުސް ކުރުމަށް، ކޮންމެ ދައުވާއެއްގެ ބަހުސްގައި ހޭދަކުރާނެ ވަގުތު ކަނޑައެޅުމުގައި ޖުމްލަ ދެ ގަޑިއިރަށް ވުރެ ގިނަ ވެގެން ނުވާނެ

ރައީސް ނުވަތަ ނައިބު ރައީސްއަށް ކުރާ ތުހުމަތެއް ސާބިތުވެއްޖެ ނަމަ، ގާނޫނުއަސާސީގެ 100 ވަނަ މާއްދާގެ (ހ)ގައިވާ ގޮތުގެ މަތިން އެ މަގާމުން ވަކިވާނެ؛ އެގޮތަށް މަޖިލީހުން ފާސްވެއްޖެ ނަމަ، ހުށަހަޅަން ޖެހޭ އިތުރު އިސްތިއުފާނެއް ނެތި އެ ހިނދުން ފެށިގެން އޭނާ މަގާމުން ވަކިވީ އަދި މަގާމުން ވަކިކުރެވުނީ ޖިނާއީ ކުށެއް ކޮށްގެން ކަމުގައިވާ ނަމަ، އޭނާ ކުރި ކުށުގެ މައްޗަށް ޖިނާއީ ދައުވާ އުފުލުމުގެ ހައްގު ދައުލަތަށް ލިބިގެންވޭ

ރައީސް އާއި ނައިބު ރައީސް މަގާމުން ވަކިކުރުމުގެ ގަރާރުގެ ލިޔުން ލިބޭތާ ގިނަވެގެން ރަސްމީ ބަންދު ނޫން ދެ ދުވަސް ތެރޭ، އެ ގަރާރުގެ ނޯޓިސް ރައީސް ނުވަތަ ނައިބު ރައީސަށް ދޭން ޖެހޭ؛ 14 ދުވަހުގެ އެ ނޯޓިސްގެ މުއްދަތު ހަމަވުމަށް ފަހު، އެންމެ އަވަހަށް އަންނަ ރަސްމީ ބަންދު ނޫން ދުވަހެއްގައި މަޖިލީހުގެ ޖަލްސާއަށް ބާއްވައި އެ ގަރާރު ހުށަހަޅަން ޖެހޭ

އެ ގަރާރާ ގުޅިގެން މަޖިލީހުގައި ކުރާ ބަހުސް، އެއްވެސް ހާލަތެއްގައި ތިން ގަޑިއިރަށް ދިގުވެގެން ނުވާާނެ؛ ރައީސް ނުވަތަ ނައިބު ރައީސްއަށް ދިފާއުވުމަށް 30 މިނެޓު ދިނުމަށް ފަހު، ބާކީ އޮންނަ ދެ ގަޑިއިރާއި 30 މިނެޓު ސިޔާސީ ޕާޓިތަކަށާއި އަމިއްލަ މެންބަރުން ބަހުސް ކުރުމަށް ދޭނެ

އެ ގަރާރުގައިވާ ތުހުމަތުތައް ތަހުގީގު ކުރުމަށް ހަތް މެންބަރުންގެ ކޮމިޓީއެއް އެކުލަވާލަން ޖެހޭ؛ މިހާރު އޮންނަނީ 11 މެންބަރުންގެ ކޮމިޓީއެއް އެކުލާވުމަށް އަދި އެ ކޮމިޓީގައި ކޮންމެ ސިޔާސީ ޕާޓީއަކުން މަދުވެގެން އެއް މެންބަރަކާއި އަމިއްލަ މެންބަރަކު އިންނަން ޖެހޭ. މި އިސްލާހުގައި ކޮމިޓީ އެކުލެވިގެންވާނެ ގޮތެއް ނެތް

އެ ކޮމިޓީއަށް ހާޒިރުވެ، ރައީސް ނުވަތަ ނައިބު ރައީސްއަށް ދިފާއުވުމުގެ ހައްގު ލިބިގެންވޭ

ކޮމިޓީއަށް މައްސަލަ ލިބޭތާ ގިނަވެގެން ފަސް ދުވަހުގެ ތެރޭގައި އެ ގަރާރުގެ މަސައްކަތް ނިންމައި މަޖިލީހުގެ ރައީސަށް ފޮނުވަން ޖެހޭ؛ އެއާ އެކު، ދެ ދުވަސް ތެރޭ މަޖިލީހަށް ހުށަހަޅައި އެ ރިޕޯޓާ މެދު ގޮތެއް ނިންމަން ޖެހޭ

ރައީސް ނުވަތަ ނައިބު ރައީސް މަގާމުން ވަކިކުރުމާ ގުޅޭ ގަރާރު ދިރާސާ ކުރާ ކޮމިޓީގެ ބައްދަލުވުމެއް ކުރިއަށް ގެންދަން ވާނީ، އެ ކޮމިޓީގެ މަދުވެގެން ފަސް މެންބަރުން ހާޒިރުވެ ތިބޭ ނަމަ؛ މިހާރު ގަވައިދުގައި އޮންނަނީ ހަ މެންބަރުން

އެ ކޮމިޓީގެ ފުރަތަމަ ބައްދަލުވުން ބާއްވަން ވަނީ މަދުވެގެން ހަ ގަޑިއިރުގެ ނޯޓިސް ލިޔުމުން ދިނުމަށް ފަހު އަދި ދެ ބައްދަލުވުން ދެމެދު 12 ގަޑިއިރަ ށްވުރެ ގިނަ ވަގުތު ހޭދަވާ ނަމަ، ވިދިގެން އޮންނަ ކޮންމެ ބައްދަލުވުމެއްގެ ނޯޓިސް ވެސް ހަމަ އެ އުސޫލުން ދޭން ވާނެ؛ މިހާރު ގަވައިދު އޮންނަ ގޮތުން، ކޮމިޓީގެ ފުރަތަމަ ބައްދަލުވުމަށް ދޭން ޖެހެނީ މަދުވެގެން 24 ގަޑިއިރުގެ ނޯޓިސް އަދި ދެ ބައްދަލުވުމުގެ ދެމެދު 12 ގަޑިއިރަށް ވުރެ ގިނަ ވަގުތު ހޭދަވާ ނަމަ، ދެން އޮންނަ ބައްދަލުވުމުގެ ނޯޓިސް ވެސް ހަމަ އެ އުސޫލުން ދޭންވާނެ ކަމަށް