މި ސަރުކާރުން ވެސް ގަސް ކަނޑައިގެން އަމީނީ މަގު ހަދާތީ ފާޑުކިޔަނީ

ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ގަސް ކަނޑައިގެން އަމީނީ މަގުގެ މަސައްކަތް ކުރުމުން އިދިކޮޅުގައި ތިބެގެން އެ ކަމާ ދެކޮޅު ހެދުމަށް ފަހު، މި ސަރުކާރުން ވެސް އަމީނީ މަގުގެ މަސައްކަތަށް ގަސްތައް ކަނޑަމުން ދާތީ އާންމުންގެ ފާޑުކިޔުން އަމާޒުވެއްޖެ އެވެ.

ވީ ކިހިނެއް؟ - މާލޭގެ މޭޔަރު ކަމުގައި ކުރިން ހުންނެވި މިހާރުގެ ރައީސް މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި އިރު އަމީނީ މަގުގެ 13 ސެގްމެންޓުގެ ތެރެއިން 11 ސެގްމެންޓުގެ މަސައްކަތް ވަނީ ނިމިފަ އެވެ. ބާކީ ނުނިމި، ދިގުލައިގެން ގޮސްފައިވާ ދެ ސެގްމެންޓުގެ މަސައްކަތް ފެށީ އިއްޔެ އެވެ.

އެ މަސައްކަތުގެ ދަށުން، މާފަންނު ރޭޑިއޯ ބިލްޑިން ހުންނަ ކަނބާއައިސާރަނި ހިނގުމާ ގުޅުނު ހިސާބުން ފެށިގެން އައިޖީއެމްއެޗު ބޭރު މަގާ ހިސާބަށް އޮތް ސަރަހައްދުގައި ހުރި ގަސްތައް ދަނީ ކަނޑަމުންނެވެ.

އެއާ އެކު، ރައީސް މުއިއްޒު މޭޔަރު ކަމުގައި ހުންނަވައިގެން މިދިޔަ އޭޕްރިލް މަހު 'އެކްސް'ގައި ކުރައްވާފައިވާ ޕޯސްޓަކަށް އާންމުންގެ ބޮޑު ސަމާލުކަމެއް ލިބުނެވެ.

"މާލެ ސިޓީ ކައުންސިލުން ގަސް އިންދުމާއި މާލެ ފެހި ކުރުމުގެ މަސައްކަތް ކުރަމުން ދާއިރު ސަރުކާރުގެ ކިބައިން ފެންނަނީ ގަސްތައް ކަނޑާ ހުސްކުރަމުންދާތަން. އަމީނީ މަގުގެ ގަސްތައް އެއްކޮށް ނަގަމުންދަނީ މާލެ ސިޓީ ކައުންސިލުން އެކަމާ ދެކޮޅު ހަދަމުން ދަނިކޮށް،" އެ ޕޯސްޓުގައިވެ އެވެ.

މާލެ ސިޓީ ކައުންސިލުގައި އޭރު މަސައްކަތް ކުރަމުން އައި ބައެއް މުވައްޒަފުން ވެސް ވަނީ އެ ވާހަކައަށް ތާއީދު ކުރައްވައި ގަސް ކެނޑުމާ ދެކޮޅަށް ވާހަކަދައްކަވާފަ އެވެ. އޭގެ ބައެއް ބޭފުޅުން މިހާރު ތިއްބެވީ ސަރުކާރުގެ މަތީ މަގާމުތަކުގަ އެވެ.

ބުނީ ކީކޭ؟ - "މިއަދު ގަސްތައް ކަނޑާއިރު މި މީހުން ކޮބާ؟ [ކުރީގެ ރައީސް ސޯލިހުގެ] ދައުރުގައި ހީވީ ބަޔަކު ފަޔަށް ހިނި އަރައިގެން އުޅޭހެން،" މީހަކު 'އެކްސް'ގައި ސުވާލު އުފެއްދި އެވެ.

"މި ސަރުކާރުން ނުކަނޑާނެ. ކުރީ ސަރުކާރުން ކަނޑާނީ،" މިއީ އެކަކަށް ވުރެ ގިނަ މީހުން ތަކުރާރުކޮށްފައިވާ މަލާމާތުގެ ބަސްކޮޅެކެވެ.

އެ ދުވަހު ފޮޓޯ ނަގާފައި ގަސް ކަނޑަމުންދާ ވާހަކަ ޕޯސްޓުކޮށްފައި، "މިއަދު މަނިކުފާނުގެ ވެރިކަމެއްގައި ހަމަ އެއްކަލަ އަމީނީ މަގު ހަދަން ވެގެން ގަސް ކަނޑާ އިރު އެއްވެސް މައްސަލައެއް ނެތް" ކަމަށް އެހެން މީހަކު ސޯޝަލް މީޑިއާގައި ލިޔެފައިވެ އެވެ.

އަމީނީ މަގު ހެދުމުގެ މަސައްކަތް ކުރަމުންދާ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)ގެ ކުރީގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) ވެސް، އަމީނީ މަގުގެ މަސައްކަތަށް މި ސަރުކާރުގައި ވެސް ގަސްކެނޑުމާ ގުޅިގެން ރައީސް މުއިއްޒުއަށް ރައްދުވާ ގޮތަށް ޕޯސްޓެއް ކުރައްވާފައިވެ އެވެ.

"މިނިސްޓްރީ ވެސް، އާރުޑީސީ ވެސް މިހާރު އޮތީ މަނިކުފާނުގެ ބެލުމުގެ ދަށުގަ އެވެ. މިހާރު ގަސްކެނޑުން އޯކޭވީތޯ އެވެ. އަމީނީ މަގު ޕްރޮޖެކްޓުގައި ކޮރަޕްޝަން ނުހިމެނޭތޯ އެވެ. މަގާ ބެހޭ ގޮތުން ރައްޔިތުންނަށް އޮޅުވާ ނުލައްވާ ނަމަ ކޮރަޕްޝަން ބައްލަވައި އާންމު ކުރައްވާށެވެ،" އޭނާ 'އެކްސް'ގައި ލިޔުއްވި އެވެ.

އާރުޑީސީގެ ބަސް - އާރުޑީސީގެ މީޑިއާ އޮފިސަރު އަހުމަދު ފައިރޫޒް މިއަދު 'ދައުރު'އަށް ވިދާޅުވީ، މަގު ހެދުމުގެ މަސައްކަތް ކުރިއަށް ދަނީ އެންމެ ފުރަތަމަ ވެސް އަމަލު ކުރި އުސޫލުން ކަމަށެވެ.

އޭނާ ވިދާޅުވި ގޮތުގައި: