ނިޒާމީ ވޯޓާ ގުޅޭ ގޮތުން ޑިމޮކްރެޓްސްއިން ހުށަހެޅި އިސްލާހު ބޭރުކޮށްލައިފި

ނިޒާމީ ވޯޓާ ގުޅުވައި، ގާނޫނޫއަސާސީއަށް ޑިމޮކްރެޓްސްގެ ފަރާތުން ހުށަހެޅި އިސްލާހު މިއަދުގެ މަޖިލީހުގެ ޖަލްސާގައި ބޭރުކޮށްލައިފި އެވެ.

ވީ ކިހިނެއް؟ - ރާއްޖޭގެ ވެރިކަމުގެ ނިޒާމް، ބަރުލަމާނީއަށް ބަދަލު ކުރުމަށް އަބަދުވެސް ވަކާލާތު ކުރައްވައި ކުރީގެ ރައީސް މުހައްމަދު ނަޝީދު އިސްވެ އުފެއްދެވި ޑިމޮކްރެޓްސް ޕާޓީގެ ފަރާތުން އެ އިސްލާހު މަޖިލީހަށް ހުށަހެޅުއްވީ މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ އެވެ. އޭނާ އެ އިސްލާހު ހުށަހެޅުއްވީ، ރިޔާސީ އިންތިހާބުގެ ފުރަތަމަ ބުރުގެ ނަތީޖާއަށް ފަހު، މިދިޔަ 2 އޮކްޓޯބަރުގަ އެވެ.

މިއަދުގެ މަޖިލިސް ޖަލްސާގެ ވޯޓު ގަޑީގައި އޮތީ އެ ބިލު ބަލައިގަތުމާ މެދު ގޮތެއް ނިންމުމެވެ.

ތަފްސީލު - ޑިމޮކްރެޓްސްއާ ދެކޮޅު، އެމްޑީޕީގެ ފުރިހަމަ އަގުލަބިއްޔަތެއް އޮތް މަޖިލީހުން އެ ބިލު ބޭރުކޮށްލީ 44 ވޯޓާ އެކު އެވެ.

މަޖިލީހުގައި އެ ވަގުތު ޖުމްލަ 59 މެންބަރުން ތިއްބެވި އިރު، ބިލާ އެއްކޮޅަށް ވޯޓު ދެއްވީ 12 މެންބަރުންނެވެ.

އިމްތިޔާޒު ހުށެޅުއްވި އިސްލާހަކީ:

އެ އިސްލާހު ގާނޫނުއަސާސީއާ ހިލާފު ކަމަށް ބުނެ، ޓްރާސްޕޭރެންސީ މޯލްޑިވްސްއިން ވަނީ ކަންބޮޑުވުން ފާޅުކޮށްފަ އެވެ.

ފާހަގަކޮށްލެވޭ ކަމެއް - އިމްތިޔާޒުގެ އިސްލާހުގައި ބަޔާންކޮށްފައިވާ 70 ވަނަ މާއްދާގައި ބަޔާންކޮށްފައި ވަނީ، މަޖިލީހަށް ލިބިގެންވާ ބާރުތަކެވެެ. އެ ބާރުތަކުގެ ތެރޭގައި ރައްޔިތުންގެ ފެންނަ ނުފެންނަ ވޯޓު ނެގުންވެސް ހިމެނެ އެވެ. ޑިމޮކްރެޓްސްއިން އޭރު ބޭނުންވީ، އެ މާއްދާގެ ދަށުން ރައްޔިތުންގެ ފެންނަ ނުފެންނަ ވޯތެއް ނެގުމަށްފަހު، ނިޒާމް ބަދަލު ކުރުމުގެ މަސައްކަތް ކުރުމަށެވެ.

އިމްތިޔާޒު އިސްލާހު ހުށަހެޅުއްވީ، 262 ވަނަ މާއްދާގެ (ށ)ގެ ފަހަތަށް އިތުރު އަކުރެއް އިތުރުކުރުމަށެވެ. އެ މާއްދާގެ (ށ)ގައިވާ ގޮތުން، ގާނޫނުއަސާސީއަށް އިސްލާހު ގެނައުމަށް މަޖިލީހުން ފާސްކުރާ ބިލެއް ގާނޫނަކަށް ވާނީ ރައީސް އެ ބިލެއް ތަސްދީގު ކުރެއްވުމުންނެވެ. އަދި ގާނޫނުއަސާސީގައި ބަޔާންކޮށްފައިވާ ތިން ކަމަކަށް އިސްލާހު ގެނައުމަށް ރައްޔިތުންގެ މަޖިލީހުން ފާސްކުރާ ބިލެއް ރައީސަށް ތަސްދީގު ކުރެއްވޭނީ ރައްޔިތުން ރުހޭތޯ ބެލުމަށް ނަގާ އާންމު ވޯޓެއްގައި، އެ އިސްލާހެއް ގެނައުމަށް އަގުލަބިއްޔަތު ލިބިއްޖެ ނަމަ އެވެ.

އެ ތިން ކަމަކީ: