ކެންސަރަށް ސްކްރީނު ކުރުމަށް ނ. އަތޮޅުގައި ކުރިއަށް ގެންދިޔަ ޕްރޮގްރާމުގެ ތެރެއިން
ބީއެމްއެލް އާއި ކެންސާ ސޮސައިޓީ ގުޅިގެން ނ. އަތޮޅުގައި ކެންސަރަށް ސްކްރީންކޮށްފި
ބޭންކް އޮފް މޯލްޑިވްސް (ބީއެމްއެލް) އާއި ކެންސާ ސޮސައިޓީ ގުޅިގެެން ކެންސަރަށް ސްކްރީން ކުރުމުގެ ޕްރޮގްރާމެއް ނ. އަތޮޅުގައި ކުރިއަށް ގެންގޮސްފި އެވެ.
ވީ ކިހިނެއް؟ - މި މަހުގެ 8 އިން 11އަށް ކުރިއަށް ގެންދިޔަ ސްކްރީނިން ޕްރޮގްރާމުގައި އުރަމަތީގެ ކެންސަރު، އަނގައިގެ ކެންސަރު، ސާވިކަލް ކެންސަރު، ޕްރޮސްޓޭޓު ކެންސަރު އަދި ކޮލޮރެކްޓަލް ކެންސަރަށް ސްކްރީނުކޮށްފައިވެ އެވެ.
ތަފްސީލް- މި ޕްރޮގްރާމުގެ ތެރެއިން ނ. އަތޮޅުގެ ހަ ރަށެއްގައި ކެންސަރަށް ހޭލުންތެރިކުރުމުގެ ޕްރޮގްރާމުތައް ވެސް ވަނީ ކުރިއަށް ގެންގޮސްފަ އެވެ.
-
ސްކްރީނިން އަދި ހޭލުންތެރިކުރުމުގެ ޕްރޮގްރާމުތައް ކުރިއަށް ގެންގޮސްފައިވަނީ ޅޮޮހި، ކުޑަފަރީ، މާފަރު، މާޅެންދޫ، ލަންދޫ އަދި ކެނދިކުޅުދޫ ރައްޔިތުންނަށް ހާއްސަކޮށްގެން
-
އެ ސެޝަންތަކުގައި ޖުމްލަ 166 ސްކޫލު ދަރިވަރުން އަދި އާންމުންގެ 216 މީހުން ބައިވެރިވި
ކެންސަރަށް ސްކްރީނު ކުރުމުގެ ޕްރޮގްރާމުގެ ތެރެއިން ޖުމްލަ 699 މީހަކު ސްކްރީންކޮށްފައިވެ އެވެ. އޭގެ ތެރޭގައު ހިމެނެނީ:
-
އުރަމަތީގެ ކެންސަރު: 199 މީހުން ސްކްރީން ކުރި
-
އަނގައިގެ ކެންސަރު: 280 މީހުން ސްކްރީން ކުރި
-
ސާވިކަލް ކެންސަރުު: 123 މީހުން ސްކްރީން ކުރި
-
ކޮލޮރެކްޓަލް ކެންސަރު: 56 މީހުން ސްކްރީން ކުރި
-
ޕްރޮސްޓޭޓު ކެންސަރު: 41 މީހުން ސްކްރީން ކުރި