ބ. އަތޮޅުން އެންމަޑި އާލާވާ ދެ ފިނޮޅެއް ހިމާޔަތްކޮށްފި

• ބ. ނެލިވަރު
  

• ބ. ހުރާފަރު
  

ނެލިވަރު:

• އެންމަޑި އެއްވާ އެ ސަރައްދު އޮންނަނީ، ބ. ކުންފުނަދޫގެ އިރުއުތުރަށްވާ ގޮތަށް، ބ. މާޅޮހާ ޖެހިގެން
  

• މި ތަން ފާހަގަވެފައިވަނީ، އެންމަޑި ކާނާ ހޯދުމަށާއި ވިހާ އާލާވުމަށް މުހިންމު ސަރައްހައްދެއްގެ ގޮތުގައި؛ އެންމެ ހާއްސަ އެއް ސިފައަކީ، މި ތިލައިގައި، އެންމަޑި ސާފުކުރުމަށް ބޭނުން ކުރާ 'ކްލީނިން ސްޓޭޝަން'އެއް ހުރުން
  

• ޕްލަންކްޓަންސް ޖަމާވެ، އެެންމަޑި މި ސަރައްދަށް އެއްވާ ކަމަށް ރެކޯޑް ކުރެވިފައިވޭ؛2020ގެ ނިޔަލަށް 105 އެންމަޑި 119 ފަހަރު ފެނިފައިވޭ
  

• ހިމާޔަތް ކުރި ސަރަހައްދުގެ ބޮޑު މިނަކީ 665 ހެކްޓަރު

ހުރާފަރު: 

• މިއީ، ހިމާޔަތްކޮށްފައިވާ ހަނިފަރުގެ އުތުރަށް، ބ. ކިހާދޫ ކައިރީގައި އޮންނަ ސަރަހައްދެއް

• މި ތަން ވެސް ހާއްސަ ވަނީ، އެންމަޑީގެ ބޮޑު އާބާދިއެއް އޮންނަ ސަރަހައްދެއްގެ ގޮތުގައި؛ އެގޮތުން އެންމަޑި ކާނާ ހޯދުމަށާއި ވިހާ އާލާވުމަށް މި ސަރަހައްދު މުހިންމު
  

• ޕްލަންކްޓަންސް ޖަމާވެ، އެެންމަޑި މި ސަރައްދަށް އެއްވާ ކަމަށް ރެކޯޑް ކުރެވިފައިވޭ؛ 2020ގެ ނިޔަލަށް 436 އެންމަޑި 1،239 ފަހަރު ފެނިފައިވޭ
  

• ހިމާޔަތް ކުރި ސަރަހައްދުގެ ބޮޑު މިނަކީ، 639 ހެކްޓަރު

• ބ. ދަރަވަންދޫ ތިލަ: ބ. ދަރަވަންދޫގެ ހުޅަނގު ފަރާތުގައި އޮންނަ މި ތިލަ އަކީ އެކި ބާވަތްތަކުގެ މުރަކަ އާއި ފަރުމަހުގެ ދިރުންތައް ފެންނަ، ފީނާ މީހުންގެ މެދުގައި މަޝްހޫރު ސަރަހައްދެއް؛ އެ ތަން ހާއްސަވަނީ އެންމަޑި ސާފުކުރުމަށް ބޭނުންކުރާ 'ކްލީނިން ސްޓޭޝަނެއް' ވެސް ހިމެނޭތީ

• ބ. އިންނަފުށި ސަރަހައްދު: ބ. ފުޅަދޫގެ އިރުއުތުރަށް އޮންނަ ރަށަކާއި ފިނޮޅުތަކަކާއި ވަށައިގެން އޮންނަ ކަނޑުގެ މި ސަރަހައްދުގެ އިރުމަތި ފަރާތުގައި ހިމާޔަތްކޮށްފައިވާ 'ކޯބިން ރެކް' ސަރަހައްދު ވެސް އޮވޭ؛ އިންނަފުއްޓަކީ ހިމާޔަތްކޮށްފައިވާ ދޫނި އާލާވުމަށް ބޭނުން ކުރަމުންދާ ރަށެއް